¹ Yesus nanduli inusop ra baloi intok sambayang uh ra gino, sino nabangkong ra longon sampilang. ² Uh ra gino kula ngaulun aguyumra sala ri Yesus ya gili ilo akalap apasala rio, yo ra gino angukum rilo onsoi. Yesus apakayaah ra paat orou. ³ Yesus indagu ra ulun ra nabakong ra longon sampilang gino muoi okou ra soro''. ⁴ Yo nakibala ra ulun giano, koson pamaguangan aun maan taka ra paat orou pantinahan? am onsoi kansayaan am kalatan?. Apakayaah ki ra ulun am amatoi ra ulun? ilo linumonos. ⁵ Yesus mangit akailong ra ulun giano, am iso akasih poyo rilo, ilo ika angkinoho ra rahu loh. Yesus mindahu ra ulun gino ''Amuyai ra longon''. ulun gitu namuyai ra longon noh am kalawo bagu ruol noh. ⁶ Am ulun parisi inuranan loh balai intok loh sambayang, am ilo poyo nampokot ra kula_kula suang nu ulun ri herodes muoi amatoi ri Yesus. ⁷ Yesus am ulun ubason noh inuoi ra siang mayoo galelia. Am asuang ulun imaya, rio yo gino ulun intor ra Galelia am intor ra Yudea. ⁸ Am intor ra tanah maaya Yerusalem intor ra linuang nu tanah, intor ra lipag nu siang Yordan am intor ra pamahunan ra Tirus am Sidon, gitu puun lo muoi ahambat ri Yesus nakaringoh ilo ra suang nu binaal ri Yesus. ⁹ Paat nu orou hili asuang noh ulun inambot ri Yesus am Yesus namasuk ra suang nu ulun ubason hiatu lumurur rondo parau giliulun asuang giano ika aginsok. ¹⁰ Paat nu orou gili asuang ulun sambayang am nalawo aruol nilo. am ulun nalawo ra aruol hiatu suku ulun giatu akapahinsok muoi angkam ri Yesus. ¹¹ Suang nu ulun sinulor nu saitan, nakailong ri Yesus ulun giatu muoi rio am sumamba am mindahu okou nga Anak nu Mangun. ¹² Yesus mindagu ra roh alaat giatu aun akau. Yesus Amili ra ulun Apulu duo ulun maya. ¹³ Am Yesus inuoi pakilayo ra lambur yo nagipag raulun ka asiga noh ilo matong. ¹⁴ Suku Yesus Amili apulu duo tulun rilo auh amili ramiun baya_baya, auh namasuk rmiun angitor ra rahu onsoi intor ra mangun. ¹⁵ Okou akalap ra kuasa apairu ra saitan. ¹⁶ Gitu nga inggala nu apulu duo ulun pinili, ri Yesus hiano, e Saimon sabiton poyo ri Petrus. ¹⁷ Yakobus am pahaka noh Yohanes, am anak_anak ri Zebedeus am duo ahaka gitu tinakan ra inggalan sabiton ri Boanerges, kono hino anak tingkalur. ¹⁸ Andreas am Filipus am Bartelomeus am matius am tomas am Yakobus anak ri Alfius am Tadius am Simon ulun Patriot. ¹⁹ Am Yudas intor ra Iskariot yo gino ulun Alaat ri Yesus. ²⁰ Paat ri Yesus inuli asuang ulun inatong linumurur, suku Yesus am ulun_ulun inaya rio ika nakakan. ²¹ Pahaka ri Yesus inuoi nangalap ri Yesus ''Nakaringoh ra aho noh eso nambuyun"'. ²² Yo mindahu takula suang nu ulun guru Taurat sinumiku intor ra pamahunan maayo Yerusalem inindagu rahu kanilo yo, siulor ri baalsibul! oyoh gino laja nu saitan anaak ra kuasa rilo apairu ra saitan ²³ Yesus nagipag ra suang nu ulun am nambala takula bilin ra pambalaan ra suang nu ulun, eso mindahu ''koson nu saitan apairu ra saitan?. ²⁴ Ulun hiatu nakapasusuai ra pamahunan am suku ilo aganit am ansusuai ra ulion nilo. ²⁵ Kono sansulapan hiatu, Antakuli yak ilo agaagit suku bagu ilo nansuai sansulapan. ²⁶ Am kono poh hino pamihangan nu saitan giatu, ulun lilian nu pigangon nu saitan antatakuli antatabug, pihangon hiano ika amulalas pupus nu giatu alawo yak kabata. ²⁷ Kondo sangulun akalap munsop ra dalom nu baloinu ulun akotoog, am ampagauu ra kulimos noh ka pongoh oyoh namungkung am apagaulu ra ulun akotoog gitu bagu nalap kulamos giano. ²⁸ Puuanamin mulsuang nu sala binaal miun, am muoi akau ra tingkuangon ri Yesus, akiampun ra sala miun. ²⁹ Aun aguyai ra Roh Kudus, oyoh ika akalap ra pangampunan! oyoh nambaal ra sala sabuoi noh'', ³⁰ Yesus mindahu sino ulun iniandahu, ''eso sinulor nu saitan. ³¹ Pongo nu hino suku ina am pahaka ri Yesus inatong agalung ra tuunon noh, am amansuk ra ulun bokon nagipah ri Yesus. ³² Paat nu ulun asuang naturug linumibung ri Yesus am ulun giatu mindahu rio, Guru Elai nga ina mu pagaka_pagaka mu. Inakou nagiru riun. ³³ Yesus mindahu ''aun ki ina ku? am aun ki pagaka ku?. ³⁴ Yo nagilong ra suang nuulun naturung ra king noh am ulun nanturung ra king noh giatu am mindagu, ''Elai nga gitu ina mu am pagaka_pagaka mu. ³⁵ Aun ulun nambaal ra kasiha nu mangun, yo nga pagaka ungkuyon am pagaka ru andu am ina ku.