1
Hitu nga rahu onsoi intor ri Yesus Kristus Anak nu Mangun.
2
Hitu nga bilin binatikan ri Yesaya, mangun mindahu namasuk ri Yesaya, mindahu iso gitu nga binasuk noh auh, amasuk pahulu intor rakon, am gino yo anaak ra rondo bayaan onsoi riun.
3
Sino rahu nu ulun nampaluap ra padang gurun. Lairon milakou nu mangun am toloron yo lakou nono.
4
Hino nga Yohanes matong ra tana padang gurun. Yo amarorob ra ulun am hambala ra rahu intor ra mangun rahu kono''. onsoi akau mulou ra sala am akarorob , hino Allah angangampun ramiun.
5
Asuang ulun intor ra pamahunan Yudea am bandar Yerusalem, inuoi nahalung ra pem alaan ri Yohanes, hitu ulun giali, nangaku ra suang nu sala nilo, am gili Yohanes namarorob rilo siang Yordan.
6
Yohanes namakai rqa babaru intor ra bulu nu unta, am kandik nali binaal intor ra kungkung am akanon nono poyo kapu am ruu nu maningot.
7
Hitu nga bala noh ''sino payo matong bahu intor rakon, Yo maayo intor rakon. Auh ika akalap rumuk Amalalah ra bubungkung angkap nu kalayam noh.
8
Auh amarorob, ra siang am, amarorob ra Roh Mangun.
9
Paat ri Yesus inatong intor ra Nazaret inuoi ra Galelia iso rinorob ri Yohanes ra siang Yordan.
10
Paat noh linumampu intor ra siang, oyoh nakailong ra lisunon nabial inaning tinumuun sinumarip ra tampak noh.
11
Sino rahu naringoh, intor ra Sorga ''Okou ra anak_Ku, inangaanKu'', Am okou yak, kalansananku.
12
Ulun nu mangun inuoi nasi inamar ri Yesus ra Agis apaila.
13
Yesus inurong apat nga puluh orou, am Yo kininaman nu saitan, am keyum aalis poyo sino ra gino, am Malaikat inatong inasup rio.
14
Livos ri Yohanes tinakur Yesus inuoi ra Galelia, napasuku ra bala nu mangun.
15
Akau mimpoi ka ra sala muyun, Mangun mamaar noyo matong ri taka, am anaak ra pambalaan ri taka.
16
Paat ri Yesus lakou_lakou ra king nu siang Galelia, Yo nakaliong duo ulun nampukot, Simon am pahaka noh, Andreas, elo ampajalo ra papait ra siang.
17
Rahu ri Yesus rilo iko mi, maya ka rakon am auh anilu ramiun ampajalo ra ulun.
18
Karingoh rilo rahu ri Yesus am tatangi loh Jalo lakou inaya.
19
Paat ri Yesus inakou pakailong duo nga ulun ahaka am ulun bokon, Yakobus am Yohanes anak_anak Zebedeus, paat nilo nakukum rajalo randalom nu paraau.
20
Yesus ahipah rilo, am ri rilo inakou nanatang ra ama rilo noh ra paraau noh am ulun susubon, bi ilo maya ri Yesus.
21
Pakasuku ilo ra Kapernaum sambayang Yesus inumpos randalom nu baloi sembayang am apatilu.
22
Kawi rilo nakaliar nakaringoh ra pinatilu ri Yesus kono akando kuasa, sala ka kono guru_guru ilo kondo kuasa.
23
Paat hinili randalom nu baloi sembayang sino sangulun inumpos nu inaning alaat ulun gino nampaluap.
24
Ui Yesus ulun Nazaret? Okou matong amatoi ki ramon au akapandai aun akau ulun pinili akakuasa sinusub nu amanguun.
25
Yesus nampopol rahu noh. lumonos sumaliwan ka intor ri iso.
26
Inaning alaat hino namalungkir_lungkir ra ulun hino am iso nampalaut ra rahu atalis am inaning alaat sinumaliwan intor ra inan noh.
27
Ilo nakalair ra nahambala rahu noh auh hitu, rondo pi pinatilu nakabahu, io nahayam kono sino kuasa. suku inaning alaat pin airu noh suku ulun mintopot ra rahu.
28
Intor ra hino naasik norayol ra kinayooh nu Galelia.
29
Yesus am ulun inaya riso Yakobus am Yohanes, intor ra baloi intok semabyang noh, am inuoi ra baloi ri Simon noh ri Andreas.
30
Paat nu iwan ri Simon nakakolong ra intok no olong, eso alasu. Suku Yesus am nambala ra bilin.
31
Yesus inimaar ra iwan ri Simon ruan du, bi noh tongoyoh longon am namaluat rio. am kalawo hohol nanoam ruandu gino nanaak ra akan rilo.
32
Paat ra orou amaie, asuang ulun nangubit ra ulun arualan inusop nu saitan randalom nu huang nilo ri Yesus.
33
Asuang ulun intor ra hino nilumulur ra tingkuangon nu baloi gino.
34
Yesus napakayaah asuang ulun arualan am namosoi ra ulun sinulor nu saitan am popolo noh saitan hiano ika mindahu, nga saitan giano akakulih.
35
Bubulinta atawang Yesus narondom inakou inuoi sambayang intok kelilingogon kando ulun.
36
Simon am rangan_rangan noh sinumunu ri Yesus.
37
Paat rilo nakambot, ilo mindahu suang nu ulun ahuyum riun.
38
Kamit ri Yesus kamii makou taka muoi ra rondo_rondo intok no ahihimbaar ka rahinoapasuku ra babaala gino lakou ku sumuku ra gino.
39
Intor ra gino Yesus inuoi ra livung_livung nu Galelia apasuku ra bala nu Tuhan ra suang nu baloi sambayang am apairu ra saitan_saitan.
40
Sino sangulun hitu arualan ra kungkung nu inan noh inuoi ri Yesus suku ulun hitu nahulatur am akitak ri Yesus, am inedahu iso okou akalawa ra aruol ku.
41
Yesus nakasi Yo, nanaak ra longon noh, am namuyai ra longon, am rahu kono, ''Auh asiha apihah.
42
Paat ra orou hili Yo, nanaak ra rondo kapihahan ra ulun arualan hitu.
43
Susubo Yo ri Yesus inakou am binili.
44
Ringoho mu paie mu balai rahu hitu lakou kamuu akibala ra imam am akitak rio ra kayahaan, am anaak saumie tatandu takin kono ri musa gino ilyan nu ulun okou kapio napiha.
45
Ulun hitu inakou am nambala nangivit ra aho hitu ra tukir_tukir nu amahun ra iso nalawo aruol noh suku Yesus ka akakuoi ra bandar Yo. ka bahu murong ra bandar iso nungalur ra inak nu ulun asuang.