¹ Paat nu saumi orou, Yesus inimpilik ra king nu liagu Genesaret, Am ulun Asuang hiano nagi gisok, nga ilo Asiga angkinangoh ra rahu intor ra Allah. ² Am kailong ri Yesus sino duo parau hino kindo ulun nga ulun angimpapit hiano tinumun intor ra parau hino am ambagu ra jalo nilo noh. ³ Tampak ri Yesus ra saumi parau, Oyoh hino parau ri Simon, hili oyo namasuk ri Simon anikoh ra parau hino apaingaalur kaiti intor ra king noh, panturung e Yesus ra parau hino am nambala ra ulun Asuang. ⁴ Pongo noh nambala, rahu noh ri Simon, ''Kabilon mu parau pakuoyo ra ondom noh am boyoro jalo muna, ra pamajalo ra papaiti. ⁵ Limbang ri Simon, ''Guru,'' gawar nu lonom gitu li akai nalumpai nampajalo, am kondo ka dono poh nalaap mai! am Okou noh namasuk, onsoi gino, am raino akai muoi pomoyor ra jalo mai hitu. ⁶ pongo nilo nomoyor ra jalo, ilo nakalap ra papait asuang bonsoi suku jalo giono angimuun ainsang. ⁷ Intor ra gino ilo nagipag akiinsuup ra rangan nilo rano ra parau bokon noh. Ambi nu rangan nilo rano inuoi insuup rilo amului ra papait ra parau nilo suku parau ruo gino maar lumingob ra bahat nu papait nalap rilo noh. ⁸ Paat ri Simon nakailong ra baal gino, pagaluatur yoh ra maar nu kalayam ri Yesus noh. Rahu kono, ''U Tuhan iruanin mu yak nga auh gitu ulun akasala!.'' ⁹ Simon am kawi nu ulun rangan noh asiga nagilong ra suang nu papait nalaap rilo noh. ¹⁰ kono poh gino nu rangan_rangan ri saimon, oyo gino i Yakobus, am i Yohanes, anak ri Zebedeus, rahu ri Yesus ri Simon, ''ika okou alaa!, intor raino okou asauk ra ambabala ra ulun bokon gili ilo maya rakon angilar ra ulun ampajalo ra papait. ¹¹ Ilo namananat ra parau ra asak no gili, tatangi loh kawi nu hino inaya ri Yesus. ¹² Paat nu saumi orou, i Yesus inuoi ra saumi kota. ra kota hino sino sangulun kusoi arualan ra kungkung nu inan am kalanan. Paat noh nagilong ri Yesus oyoh nagulatur rirumunak ra tingkuangon ri Yesus noh rahu kono, ''u Tuan kono okou asiga, pihaihon mu nalan auh. ¹³ Gili ri Yesus namating ra longon noh am nangangkam rio, rahu noh, ''kasiga ku Apihah okou raino, am pat nu gino poh lawa yak nu aruolnu ulun ino. ¹⁴ Am popolo ri Yesus ulun gino, rahu kono, ikau okou agiaulit ra ulun bokon, bi kamayak muoi akibala ra imam ra saumi okou kapio_pio napiha aruol amanaak okou ra saumi taak maya ra rahu ri Musa li, ino saumi tatandu ilayan nu ulun ra okou kapio napiga. ¹⁵ Aho intor ra baal nu inuma ri Yesus no nakarayol ra intok bokon, am intor ra gino asuang ulun matong muol angkinangoh am aki piha ra aruol nilo rano. ¹⁶ Pongo nu gino bi ri Yesus inuoi sambayang ra intok kalilingoyon kando ulun. ¹⁷ Paat saumi orou Yesus nambala ra intok ino sino kula_kula ulun Farisi am guru Taurat nanturung ra gino. ilo sinumuku intor ra Yerusalem, am intor ra kota Galelia, am Yudea Paat nu gino kuasa nu Tuhan sino ri Yesus auma amihah ra ulun arualan. ¹⁸ Paat nu gino sino ulun nagibit ra sangulun ika akaluat nakarikuli, ra ayaam koolong nano, ulun giano aguyum_guyum ra bayaan nila musop ra baloi giano am amuui ra ulun ika akaluat gino ra tingkuangon ri Yesus noh. ¹⁹ Io yak ika io akaunsop angibit ra ulun giano, nga asuang kua ulun nagiginsok ra baloi gino. Am ilo namalungkab ra taap nu baloi gino, goili namulug ra ulun ika akaluat gino baya_baya koolongon rano ra tingkuangon ri Yesus ra lolot nu ulun asuang noh. ²⁰ Yesus nagilong ra ulun hiano kapio_pio mintopot rio, rahu kono ra ulun hiano, ''U pahaka sala muno nopongo inampunan.'' ²¹ Guru_guru Taurat am ulun_ulun Farisi aatus agayan ra sangulun am sangulun, rahu kanilo'', Aun ki hitu kaulun aguyai ra Allah? kando kuasa nu ulun nu tana angampun ra sala, Allah yak saumi akalap angampun ra sala''. ²² Io yak Yesus akapandai ra sino ra huang nilo noh intor ra hino rahu ri Yesus rilo,'' kulo ki akau mindahu ra kono gino huang mino?. ²³ Aun ki aluoi rahuon, sala mu napongo inampunan; kuon ki, karuo kono am mindahu ra, '' lumuat ko am bi makou?. ²⁴ Io yak raino auh apailong ramiun ra ulun binansuk nu Allah akakuasa angampun ra sala ra paat noh sino ra tana gitu!''. hili rahu ri Yesus ra ulun ika akaluat hino, lumuat okou, am ibito ayaam mu noh, am bi muli!''. ²⁵ Parambus ulun hiano nilumuat ra tingkuangon nilo noh, kili nangakat ra ayaam intok noh noloonh hino am bi noh inuli ra baloi nilo am angasuk_angasuk ra Allah. ²⁶ Ulun asuang hiano asobob, hili ilo angasuk_angasuk ra Allah, am ra huang rilo angkalaa, rahu kanilo,'' kapipio asobob nakailong taka ra orou gitu!.'' ²⁷ Pongo nu hino, bi ri Yesus inisalong hili kailong noh sangulun angkukum ra cukai ininggalanan ri Lewi, paat nu bino oyo, nanturung ra angkukum ra cukai. rahu ri Yesus rilo, '' maya okou rakon.''. ²⁸ Impilik ri Lewi, am iruani noh kawi nu hino hili inaya ri Yesus. ²⁹ Pongo nu hino e Lewi nambaal ra ilau ra baloi noh inuma noh ri Yesus. am Asuang poh ulun angkukum ra cukai am ulun_ulun bokon nagindangan rilo nangkan. ³⁰ Sino kula_kula ulun Farisi am guru taurat sabongot_bongot ilo r rangan_rangan ri Yesus rahu kanilo, '' kulo akau nanggulung angkan am anginum rumangan ra ulun angkukum ra cukzi am ulun akasala hiano? ³¹ Limbang ri Yesus, '' Ulun napihah ika pana muoi ra dakutur, ulun arualan yak muoi. ³² Kono poh hino auh matong sala saka agipag ra ulun angangkum ra ilo onsoi, auh matong ra ulun akasala am bili ilo mimpoi ra sala_sala nilo''. ³³ Kula_kula ulun inuoi inidagu ri Yesus, ''ulun rangan ri Yohanes am rangan nu ulun Farisi asalok agarot ika angkan am ilo sambayang yak, am ilai ulun rangan mutu ika agarot.'' ³⁴ Limbang ri Yesus rilo, alaas ki akau ika apaakan ra ulun tambului mi ra paat nu pahutan, ra paat nu ulun anguot kino baya_baya rilo?. ika nahi akau ataas. ³⁵ Io yak sino paat noh kusoi naguot hino alapon intor rilo ra hili, am hili ilo agarot ika angkan''. ³⁶ Am pahulit poh Yesus rilo ra saumi pagumangan, rahu kano, ''kando ulun anampal ra kain naapu ra kindis inalap ra babaru baguoon; kono oyo anguma ra kono hino amisang yak solor oyo, ra babaru baguon am poyo kindis baguon hino asiwalo tumampal ra kain napu hino. ³⁷ Am kando po kasangulun amalingi ra anggur baguoon ra danalom nu kirbot kungkung nakalair, kono poyo ambaal, nga anggur baguoon am lumaput ra kirbot hino am anggur hino alubaat am pamulian hino pono am asasai. ³⁸ Anggur baguoon onsoi lingian yak ra kungkung baguon. ³⁹ Kando kasangulun asiga ra anggur baguon ra kono oyo nopongo naginum ra anggur nakalair. nga rahu kono, anggur nakalair onsoi am amis.