¹ Paat ra dono orou, Yesus inuoi sambayang ra dono intok paat noh sambayang, sangulun ubason noh rano inidagu riso, ''Tuhan, patiluon mu nga akai aun koson pakuan sambayang kono e Yohanes apaitilu ra ubason noh sambayang. ² Yesus mindagu rilo, '' Sambayang akau kono gitu Ama, okou nga mangun ,mai Esa, am okou nga sinamba mai am omou nga anogi ra tana tu. ³ Takin mu akai ra inakano tongoyon mai ra tukir_tukir nu orou. ⁴ Ampunin mu dusa mai, nga akai pana nangampun ra tukir_tukir nu ulun nakasala ramon. pain mu nga akai pagusuo alawo numapo intopot mai ra paat mai intupon nu pangainaman''. ⁵ Yesus mindagu ra ulun ubason. noh rano, ''kono sio sangulun intor ramiun muoi ra baloi nu rangan mi ra tanga nu londom, am gili oyo mindagu, ''u rangan, angutang auh ra ruti ramun talu ngapila. ⁶ sino sangulun rangan ku inakou uh raino ra dalom inapit iso ra baloi, am kando inakano pamakan ku rio!. ⁷ Kono poyo rangan muno lumimbang intor ra danalom ika okou apasusa rakon!. tobon kinimputan noyo am auh ra lalaing ratu nambobolong, ika akaluat auh panak riun ra atu_atu'' ⁸ Yesus indagu, ''Aun koson raino?. kapio ki, okou pono rangan noh oyo ongou yak lumuat am anaak ra ruti riun. yo yak okou ika auyu akitak, yo linumuat am nanaak. ⁹ Kono poyo gino auh mindahu ramiun. akitak akau ra atu_atu intor ra mangun, am akau pana akalap. u yumon miun atu_atu intor ra mangun, am ra gili akau akalap titikon mi tobon, gili mangun amagiang ramiun. ¹⁰ Nga tukir nu ulun akitak atu_atu intor ra mangun yo akalap am tukir nu ulun aguyum ra atu_atu yo akalap am, amagiang ra tobon ra tukir nu ulun antitik ra tobon nu mangun. ¹¹ Sino ki sangulun ama ramiun anaak ra nipo ra anak noh ra kono anak noh gino akitak ra papait?. ¹² Am karuo kono takin mi ki ra tingagait paat nu akitak ra talu?. ¹³ Kopio pono akau alaat, yo apani anaak ra onsoi ra lalaing mi, am aulu_ulu poyo Ama taka noh ra Surga!, yo am anaak ra roh_ noh ramiun ra tukir nu ulun akitak ra ama!'' ¹⁴ Paat nu dono orou e Yesus napairu ra roh alaat intor ra sangulun noh ono. paat nu saitan. ¹⁵ Oyo yak sino poyo ulun mindagu, ''Beelzabul, ulun mayo nu saitan. am nanaak ra kuasa ri Yesus apairu ra saitan. ¹⁶ Sino poyo ulun bokon anakub ri Yesus. ilo akitak ri Yesus anguma ra mukjizat ka kapio ki intor ra Mangun. ¹⁷ Oyo yak apandayan ri Yesus guang rilo noh gili Yesus inidagu rilo, rahu kono, ''kono negeri gino akapansusuai antatayor ilo ra kula_kula maan rilo amilo pono antatakuli, am ika ambuoi alawo. kono poyo gio nu sansulapan antatakuli am ambubuk kalut kolo ansusuai. ¹⁸ Kono poyo gino kerajaan nu saitan. kono ilo antatakuli, koson kono nu kerajaan gino akataan?.okou mindagu auh apairu ra saitan intor ra kuasa Beelzebul. ¹⁹ Kono poyo gino, aun ki anaak ra kuasa ra ulun maya ramiun ra apairu saitan?. ulun maya ramiun no anantandu ra dagu mi gino ika onsoi!. ²⁰ Auh apairu ra roh alaat ra kuasa nu mangun am oyo natandu kapio oyo yak mangun maar noyo amanguun anongoi ra bayag miun. ²¹ Kono sangulun akatooh asuup tinagoom, oy agalung ra baloi noh, kawi nu tinugoom noh ika alawoo. ²² Yo yak kono sangulun antakou gino akotoh angabu am awali bagu oyo.. ulun gino ampagaau ra tinonggoi nano. am yo natayar ra tinakou noh gino. ²³ Auh ulun ika maya rakon. ulun gino kapio gumaal rakon. am aun ulun ika minsuup rakon, am ulun gino angulalat ya ra bayag ku!. ²⁴ Paat nu saitan gino nagiru intor ra inan nu sangulun, saitan gino lakou_lakou ra intok apua am aguyum ra intok, ya yak saitan gino ika aauyum ra intok saitan gino mindagu. onsoi poyo solor auh anduli ra baloi iniruanan kuli''. ²⁵ Am bi nu roh gino nanduli, am ilong nu roh gino baloi gino kinangkaban am bonsoyo konsoyo. ²⁶ Am saitan gino pono inakou nagipag tulu saitan poyo alaat bonsoi intor liu, kawi, nu saitan gino sinumulur ra ulun gino am inurong ra inan noh. am pupus no bayah nu ulun gino alaat bonsoi intor ra pahulu''. ²⁷ Pongoh ri Yesus inindagu, sangulun danu ra suang nu ulun giano inidagu ri Yesus, onsoi kapio danu naganaak am napititi riun!. ²⁸ Yo yak kamit ri Yesus, '' labi onsoi poyo nu ulun angkinoh ra dagu nu Allah am angumang ra gino!'' ²⁹ Paat nu ulun asuang linumibung ri Yesus yo inidagu, '' Alaat bonsoi ulun ra paat raino tu!.ilo akitak saumi tatandu, yo yak kando kadono poh tinakan yo yak tatandu ri Nabi Yunus. ³⁰ Kono nga Nabi Yunus nasauk dono tatandu ra intok nu kota niniwe, kono poyo gino anak nu Mangun oyo asauk dono tatandu nu ulun ra paat raino. ³¹ Ra paat nu orou pamatusan, sangulun ratu intor ra Syeba inimpilik ra gili am apasala ra kawi nu ulun raino. nga Ratu gino inatong intor lompong nu tana asiga angkinongoh ra balaa onsoi sino mayo ra kuasa intor ra laja Salomo!. ³² Ra paat nu orou pamutusan, ulun namangun ra Niniwe inimpilik am apasala ramiun, klo inipoi ra sala_sala rilo ra paat rilo nakaringoh ra Yunus apasuku ra rahu, akapandai ka ki, uh ra gitu raino sino mayo intor ri Yunus!. ³³ Kando poh ulun ansikit ra sagitaan am ambuni karuo kono am amul ra sigitaan ra raliwi nu pasu yo yak sikitan gino, binulian ra intok ailong, gili ulun munsop ra baloi gino akailong ra tawang nu sigitaan gino. ³⁴ Mato poyo yo gino tutur nu tana taka, kono mato aningsadio nu inan mi apanuh ra atawang, Am kano mato mino rumalou, kawi nu inan mi alanom. ³⁵ intor ra gino guang_guangon mi gino inan mi ika analom. ³⁶ Kono inan mi apanuh atawang am kando noh analom ra inan mino, intor ra gino kawi nu inan muno atawang bonsoi angilar ra tawang nu orou. ³⁷ Kapongo e Yesus inidafu, sangulun Farisi nagibit ri Yesus ra baloi nano. inuoi pangkan ra baloi. Yesus inuoi ra gino am nangkan. ³⁸ Ulun farisi giano alolob nakailong ri Yesus ika nambagu ra longon ra paat loh nangkan. ³⁹ Intor ra gino Tuhan inindagu rilo,'' Akau ulun farisi poyo abiasa amalisi ra bagiaan nu luar mangkuk am pinggan, yo yak guang mino napanu ra gangalaa am kalataan. ⁴⁰ Akau gitu sasambungon!. ka ki nambaal ra bagiaan nu luar, napongo gino nambad poyo ra solor ra danalom?. ⁴¹ Takin mi atu sino ra danalom nu makuk am pinggan mi gino ra ulun musikin. kono akau amaal ra gino, akau am togom mi abaguan abalisi. ⁴² Nalaat bonsoi bayah mi gino ulun_ulun Farisi! akau anaak ra perpuluhan intor ra umang nu kawi nu tanom mi, yo yak akau ika angutoi ra asin nu mangun noh gino nga galan balin mino am ika akau agilalawo_lawo ra baal bokon noh. ⁴³ Nalaat bonsoi bayah mi gino ulun_ulun Farisi! akau asigah anturung ra intok nu tingkuangon nu baloi sambayang am akau asigah tabion ra paat sino ra pasar. ⁴⁴ Nalaat bonsoi akau! akau angilar ra lobong kando inggalan, ika alimanan nu ulun ra paat nilo akakingang,'' ⁴⁵ Sino sangulun guru taurat inidagu ri Yesus,'' Guru, okou mindagu kono gino guru, okou aguguyai ramon guru!. ⁴⁶ Yesus kinumamit''. Nalaat akau guru taurat! akau amului ra kasusan agaat ra dosawat nu limbawoo dono tulu muoi akasi rilo angakaat ra kasuan gino. ⁴⁷ Nalaat akau! aka ambaal ra lobong onsoi_onsoi ra ulun nabi nga pinatoi nu akion mi rali. ⁴⁸ Akau pono angakun ra baal nu akion mi rali ilo namatoi ra nabi_nabi gino am nilo nambaal ra lobong nu para nabi giano. ⁴⁹ Gino nga intok nu kapanayaan nu mangun mindagu, auh namasuk ra nabi am amansuk rilo, oy yak sino poyo poloyon am sino poyo buukin!. ⁵⁰ Kono gino ulun raino tu ilo potoyon am pamatayaan nu kawi nu nabi ra puun nu tana tu nasauk. ⁵¹ Intor ra pamatayaan ri Habel sukuu ra pamatayaan ri Zakaria gino nga nasauk ra mazbah am intok onsoi gino. mintopot akau, ulun raino poyo potoyon am pamatayaan nu kawi nu nabi gino. ⁵² Nalaat akau, guru taurat! akau amului ra kunsi nga abuli amagiaan ra tobon nu kapandayaan nu mangun oy yak akau ika asigah munsop ra danalom. okou soor ika apaunsaup ra ulun lumikat munsop ra intok gino''. ⁵³ Paat ri Yesus inakou ra intok gino, guru taurat am ulun farisi rano seragu_ragu ri Yesus, ilo mindagu ri Yesus ra baal gino. ⁵⁴ Am ilo anakub rio. ilo aguyum ra kasalahaan ri Yesus ra paat noh mindagu.