¹ Amariwu riwu napasuku ra ago noh ra Agis gioh Yudea. ² Ginumalok yoh, ''pangintopot konoh, nga kerajaan syurga amar inayoh. ³ Yohanes lah kono kuon milo itu randalom nubuat Nabi Yesaya; ragu sangulun giumalok ra agis ''Sinadianoh ralan nuh Tuhan, Tuliroh muyun ralan noh''. ⁴ Kawal ri Yohanes binaal intor ra bulu nuh kium am limpofot kunkung. Akanon nilo kapu am Lasing, agis. ⁵ Ulun intor Yerusalem kakawih Yudea am kinumukum libung nuh timug Yordan sinumuku muoi ri Yohanes. ⁶ Ilo nagakun ra sala nilo am riwooh ri Yohanes gioh timug Yordan. ⁷ Asuang ulun nuh Farisi am saduki sinumuku rinewooh, konilo nakito nilo, Yohanes inandagu kalih, akaw konoh kukuoh kapak. ⁸ abisa atu apaguang rumuyun am alabusan inan muyun imtor ra angkitan nu Allah numagu?. ⁹ Pailongoh nga atu binaal mu ra oko nagintopot. Paie noh okou indagu ra inan nu sandiri, Abraham, Allah akakuasa namaal ra batu_batu am Aru Abraham. ¹⁰ Panaah gino pinoroi ra puun nuh Tataun apo taluran yoh tagaron am sunsuli ra apui. ¹¹ Aku namariwou riun ra timug gino nga Tatandu mu ra oko nagintopot. Tapi mimpalit suku riun muoi amariun ra inoning_oning am Apui, ngo yoh lobih akakuasa intor rakon, Angongoi ra kasut noh anoh abuli aku. ¹² Longon noh nanagal ra lilibu ampaliah am amorisih ra intok pamalaposoh noh pongunturan ra gandum randlom nuh linkut_kono palak solobon ra apui kaa alasa.'' ¹³ Paat gili, Yesus nagiruan ra Galilea inuoi ra timug Yordan yoh riwawan ri Yohanes. ¹⁴ Anoh kono, Yohanes natir inaguh yoh, ''Patut noh okow amariuh rakon gitu aku sinumuku rakon!'''. ¹⁵ Yesus linumambang, ''gama noh kono gino rarainoh, nga yoh amararih kakawih pangintpaton'' Yohanes pun inaguh. ¹⁶ Kalibos rinawiuh, Yesus inansalog kalibok libok ra timug pat nuh limbowon kinuabang yoh nakilong inaning Allah tinumun kono susuwit ra tampak noh. ¹⁷ Kalibos naringoh ragu intor ra surga, ''Gitu nga lalaing ku inambu am naindon rakon.