¹ Yesus inanak ra Betlehem, Tanah Yudea paat pemarintahan Raja Herodes, Anoh navuoi yoh a suku kula, ulun balion nu batitin intor ra timur muoi ra Yerusalem. ² Nakivala iloh, atu kalioh Anak inanak nakabagu kanilo yoh sumauk ra raja Yahudi? Akou nakailong ra batitin inurak ra timur, Am akai muoi sumambah riso''. ³ Kalih koringo babal gilih, Raja Herodes nainda inda, kono po gino nuh kakawih ulun, Yerusalem. ⁴ Raja Herodes nagipag kakawih ketua imam am kono Taurat na gaguntur ilo nakibila risloh kalioh intok nagnakan Karistus, Mesis itu. ⁵ Taam ilo, gioh Betlehem, ra Tanah Yudea. Hal gitu navatikan nuh rondo Nabi. ⁶ Wahai Betlehem ra Tanah Yehuda, okow sola kah noborok antra namigang turung loir Yehuda nga intor riun minsalog ulun namigang nga yoh amigang rayat mi Israel. ⁷ Kalibos gaih, Raja Herodes inambot kono nasibuni ra ulun babalion butitin noro olap onutun intor risiloh sanggilon butitin inoh sumarat. ⁸ Raja Herodes nanusub ulun, babalion butitin muoi ra Betlehem kono, pamaigang gianoh, makow kono youmoh muyun inkarangi lalaing ginoh am ambot muyun poyoh balaioh aku, nga moop aku muoi suamboh riso''. ⁹ Iloh pun inakow paat tagah ralan, ilo nakilong butitin inulagh ra giliron timur rarainoh namaguluh guluh risloh om tandon rosowat ayanon nu lalaing inoh. ¹⁰ Anoh namaian gansuk riloh ra iloh nakilong ra butitin ginoh. ¹¹ Iloh inusop ra random nu baloi amkillong nilo lalaing am ondo inoh no Maria. Iloh naguluatur sinumambah ra lalaing ginoh am buyaro niloh kulaimos nga iloh manaak ra Emas, dupa am Mir risoh. ¹² Allah naganih pamaguangon risloh sunsui inupi kono anduli ri Herodes. Kaniloh ilo pun mulih ra kg niloh mayah ra ralan bokon. ¹³ Libos nu Malaikat Tuhan napaintalang randalom inupi noh Yusuf am ragu noh, ''Herodes ginoh napainsolog na pagoah agyum am amatoi ra lalaing ginoh, lumuat kaw., ayongoyoh lalaing am inoh ra mesir, Ayan ragiloh suku aku berfirman riun. ¹⁴ Yusuf linumut. Yoh londom gilih noh yoh nogongoi ra lalaing am inoh noh ra Mesir. ¹⁵ Iloh inyan ra gioh suku pinatayan Raja Herodes. am kalimomos ba atu pinarman nu Tuhan sunsui Nabi noh; intor Mesir inapakan lalaing ku''. ¹⁶ Libos Raja Herodes naklimon ra inan noh binuakan nu babalian butitin intor ra timur gianoh, yoh inagit am napingtalang oyoh kono amosoi kakaweh umur ruo taun ralawih ra Betlehem am libung nuh nakia maar, umur noponong, am natutun kono tinakaan nuh babalian butitin paat nuh butitin nilih mumuloh sinumilah. ¹⁷ Kono nga gio, nalimos noh atu ri nagu ri nabi Yeremia. ¹⁸ Rondo ragu nangoh ri roma, gumagil kumoros nga agimpong. Rahel antangi ra Anak_anak noh; yoh anoh asigah intatawin guang noh, nga iloh lando ba''. ¹⁹ Kalibos Herodes inatoi, Malaikat Tuhan napilong ra inan randalom inupi ri Yusuf da Mesir. ²⁰ Kono nuh Malaikat ; ''luat nga yongogoh lalaing am inah noh ra tanah Israel nga ulun kono agundut ra pinawoh nuh lalaing mu inatoi noyoh''. ²¹ Yusuf panah linumuat am yongoyoh lalaing ondo inah noh inuoi ra Tanah Israel. ²² Tapi kono akaringoh iloh Arkelaus nga nanakor pangkat pinapalit amah noh Herodes ra Yudea, Yusuf paneh nankla muoi ra gioh. libos nakalap pamaguangan intor kinapunoh randalom inupi, yoh panah inuoi ra Galilea. ²³ Yoh Namangun ra kag inagalanan Nazaret, Am kono ginoh nalimomos no bah rinaguh ri para nabi, yoh ina pagan nuh ulun Nazaret.