¹ Ijteyaik te mach´atik chukbilik jich bit´il mosoile aka me yich´ik ta muk´ te ajwalil yu´unik. Jich me ya sk´an spasik yu´un ta sbi-il te Dios sok te beluk yak´ ta nojp´esele yu´un manch´uk sbolk´opteyika. ² Te mosoiletik manch´ukme yijteyik ta yich´el ta muk´ te ajwalil te xch´unej te Dios melel yermanosbaik. jich yu´un, ja me ya sk´an te junuk yot´an ya yak´sbaik te abatinel. Melel te ajwalil te mach´a koltebil yu´un te yat´ele ja xch´unejik te Dios sok k´ambilik. Jich ya yak´ nojp´eswane sok ya yal spisilin in to. ³ Ya kaltik ta senyail k´op te ay mach´a yan ya nojp´teswan sok ma xch´uun te lekil k´op, ja in to te sk´op te kajwaltik Jesucristo. Ya kaltik ta senyail k´op xa te ma xch´uunik te nojp´teswane yu´un te beluk ch´ultesbil stukele. ⁴ Jich te ants-winikbie ya me stoysba sok mayuk bila ya sna´. Ja baem yot´an sjak´el jowil k´opetik te pajal bi ti chamel sok te ya slebey yayej te sk´ope. Ja te ayejetik to ja yu´un te paech´ale, kerajel, bol k´opteywanej, xatomba, ⁵ Sok spisil ora ya yutsbaik te ants-winiketik melel boloben yot´anik. La sk´esbaik lok´eltel ta beluk smelelile. Melel ya snopik stukelik te ya xk´ulinajik yu´un te bila mejbaltik´ sba ta pasele. ⁶ ja mero k´ulejalil teme ya ch´uuntik ta mero melel te Diose. ⁷ Melel te jo´otike mayuk beluk kich´otik te ta balumilal, sok ma stak´ bek ya kich´tikbe ta patil. ⁸ Jich yu´un, lek ayotik sok te beluk ya lajintik sok te jk´u pak´tike. ⁹ Jich in ora to te mach´atik ya sk´an te xk´ulinajike ya yich´ik ilbel yot´anik, jich te bit´il jun yutil pejts´ jich ya xch-ayik koel ta bay bik´tajel ot´anil sok bayal bina ya xlajinotik yu´un, sok te chikan beluk ya spas te ants-winike ya xjinot yu´un sok ch´ayel ya xbajt´. ¹⁰ Melel te bik´tal ot´anile yu´un te tak´ine ja mero yisim yu´un te bek malek ta pasele jich cha-oxtul la xch´ayikik te xch´unjel yot´anik sok la staikix bayal wokolil. ¹¹ Yan te ja´-ate, swinikat yu´un te Dios, lok´an ta anel yu´un spisil in to. Nutsa te beluk toj ta pasel, te jun awot´an, sok te lek xch´unjel awot´an, ayuk xk´uxul awotan, yakukme sts´ijk´a wu-un, sok te binuknax me yutsilal te awot´an. ¹² Aya me lek tsalaw yu´un te xch´unjel awot´an. Ich´beyame te sk´op te kuxlejal sbajt´el k´inal melel ja ik´bilat yu´un bi. Melel ja swenta te la walix ta stojol te mach´atik testiko ta skuenta te beluk lek ta pasel. ¹³ Ya kalbat ta stojol te Dios, te mach´a swentainej te beluk ya stijsbaike, sok te Cristo Jesus, te mach´a la sk´opon sok smelelil te Poncio Pilato. ¹⁴ K´eja ta lek te mantalile, te mayuk mach´a yile, ja to te k´alal ya xch´iknaj te kajwaltik Jesucristo. ¹⁵ Te Diose ya yak´ta ilel te k´alal ya sta yorail te sk´alelale; Dios, te ch´ultesbil stukele, te ay yuel stukel, te ja muk´ alwane ta ya yay alwajinel, sok te kajwaltik te ja ajwalil yu´un te awaliletike. ¹⁶ Ja nax stukel te ma xlaje sok ya xnain ta bay xojobal k´inal stukel. Mayuk tul winik te ya yile sok mayuk mach´a ya snopsa le-a. Ja nax stukel te Dios ya yich´ich´el ta muk´sok te ajwalil sbat´el k´inal stukele. Jichuk. ¹⁷ Albeyaik te mach´atik k´ulejemik le-ik balumilal to te manchuk ya stoysbaike, manchukme smukulinej yot´an yu´un te sk´ulejalike te ma smelelile. jauk me smuk´ulinik yot´anik ta stojol te Dios. Ja stukel ya yakbotik te smelilil k´ulejal yu´un yakuk xbujts´naj kot´antika. ¹⁸ Albeya te jau´uk spasik te beluk le kee, jauk me sk´ulejalik ya xk´ot te lekil at´elil, aka me yayik k´uxteywanej, sok chapalukikme ta majt´anteswane. ¹⁹ Jich ya stsobik sk´ulejalik yu´un te beluk ya xtale, jich yakuk staik xkuxlejalik sbat´el kinal. ²⁰ Timoteo, kananteyame te beluk ak´bilate. Ma me xa waystojol te bek jontol k´op. Sok ma me ya waystojol te beluk k´opiluk te kuxbil ta p´ijil k´op. ²¹ Ch´aoxtul winiketik te la xch´unikixe sok la xch´ayikix te xch´unjel yot´anik. Te yutsil yot´an te Dios ayukme ta tojolik.