¹ Ma me uteluk akom te ancianoetik ,jich me akom te bit'il xkowan te bit'il xkowan te me'eltatile.Te k'alal akom te ch'ieletike jich me akom te bit'il akom te bit'il awisnabe. ² Koma antsil ancianoetike jich bit'il ya xkomwan te ame-e sok te k'alal akon te ch'iel anch'ixetike,koma ta st'ujbilal. ³ Ich'a ta muk te meba antsetik,ja me te smelelil meba antsetike. ⁴ Yan te me ay meba ants te ay yal snich'nab sok smamtak,ak'a te ja ne'eluk ya spasik te yich'el ta muk' te yutil sna'ike.Ak'a te yakuk yak'beyik smat'an te sme-statike,melel te Diose ja jich ya smulan. ⁵ Ja'uk te smelelil meba ants te stukel xanix aye.Ja smuk'ulinej k'inal yay te Diose.Yak ta sk'anel spisil ora koltayel sok bik'ituk nax ta stojol kajwaltik k'aal ta ajk'ubal. ⁶ yan te ants te janax baem yot'an bitik spasel ta skuxinel,manchuk me kuxul ja'uk meto lajemix k'oem yu'un. ⁷ Ja me achol spisil to,ja yu'un tojokik-a. ⁸ Te me ay mach'a ma bi yak'bey bina xtu'un yu'un te stijinabale, te mero yutil sna'e,ja te mach'a jich ya spase smukoj ta yot'an te ch'unjel yot'ane janix jich k'ot te bit'il mach'a ma sna k'inale. ⁹ Ak'a te yakuk yich ts'i tsi'bubel sbiil te meba antsetik janax teme ma pek'eluk yawilal-a te bit'il ants te oxwinik jawil yawilal,te nup'inemuk sok tul nax winik. ¹⁰ Ja te nabil sba te lek yat'ele,te me lek la xch'ites te aletik yu'une, teme ya xnak'anwan ta sna'e,sok te me ay spokojbey yakan te ch'uunjeletike,teme skolteyoj te mach'a ay swokole janix jich teme k'aem ta spasel spisil lekil at'elil ¹¹ yan te meba antsetik te ch'ieletiktoe, ma x-awak te ya yich' tsakbel sbiile.Melel te me tal ta stojolik te bina smulan te sbak'etalik te jich ya sta smulik-a ta stojol te cristoe,jich yan buelta ya sk'an xnup'inik. ¹² Jich me sta smulik-a,melel ya xch'ay ta yot'anik te sbabial te bina la yak' sba'ika. ¹³ Janix jich ya me xk'ayik ta ch'ajilal.ya me xlok'ik ta na natik.Ma ja'uk nax-a te xch'ajilike janix me jich ya xk'ayik ta stiktiley sba'ik ta letomba k'op.ya me xjach yalik te bitik ma swentaukik. ¹⁴ Ja swenta yu'un,te ya jk'an te ch'iel antsetik yakuk' xnujp'inike,ta swenta te yak'uk staik alal,yakuk swentanainik te snae,jich ma xyak'beyik x-och te kontroe te jich ya sujotik ta spasel te mulile. ¹⁵ Melel ay cha'oxtulix te bajt'ikix sok te pukuje. ¹⁶ Teme ay ants te ch'unjele ay meba ants te stijinabale,ak'a'ik te yakuk skolteye,jich te ch'unjeletike ma ju'uk xbajt' ta swenta,jich yu'un te ch'unjeletik ja xbat skoltay te mach'a meba ants ta smelelile. ¹⁷ Albeya te ancianoetike te lekuk yayik wolwanej,sok ta ak' yich'ik lek albel sk'oplal sok yutsilalik,melel ja'ik ya x-at'ejik xcholel te k'ope sok te ya xnojp'eswanik. ¹⁸ Melel jich tsi'bubil jilel:"TE JA'ATE MA AWAK'BEY SPOTS'IL SNI TE WAKAXE TE K'ALAL X-AT'EJ TA SK'UTEL TE SIT TRIGO" "SOK TE MACHA SLE AT'EL YA SNUB'IN TE YICH' STOJOLE". ¹⁹ Ma ach'uun teme ay mach'a ya xtal ta atojol ta slebel smul te anciano ja to teme ay che-oxeb mach'atik la yich ilel yu'un. ²⁰ Tojtesa ta komon sitil te mach'a ya sta smule jich me ya xi'ik u'uk. ²¹ Janax ya jkalbat te mantal to,ta stojol te Diose,te Cristo Jesuse sok nix u'uk te ch'ul abatetik te tsabilike, te awich'ojuk te mantalil to, sok te ma tsabiluk nax awu'un te mach'a ya akoltey te k'alal ya achajp'ane. ²² Ma me jontoltikuk nax ya awak' ak'ab ta stojol te mach'a ya ak'oponbey kajwaltike.Jich me ma alakana ba ta smul te yane.Ma awak'ba ta ch'ultesel. ²³ Ma sk'an awuch'ilay te jae.Ja'uk meto uch'a tebuk te vinoe ta skaj xchamel te ach'ujte sok te jule baelat ta chamele. ²⁴ Ay chaoxtul te chikan ta komon sitil te smulike te ma to jul te lekil chajp'anele,ja'uk meto ay mach'atik te ma to xchiknaj ta komon sitil te smulike. ²⁵ Ja nix jich,ay chaoxten te lekil at'elil te chikan ta komon sitil yan te at'eliletik te muken aye ma me mukuluk spisil ora.