¹ Avakuvwi vilenga vahinza kuvantu, na kuvamanyisi avilenga vope valiyinza kulimwe, valiletaga kukwilu imanyisyo zyilenga izya kunangania, valimuhana umwenesho we ahavakala venevo. Vakuleta luvilo utunanjiho pavavo veka. ² Avanji valizilandata insivo yavo, ukujendela muv avo idala lya nalyoli liliyimilila. ³ Muvupafu vwasvo valivahopa imwe namazwi agilenga. Ukususiwa kwavo kuhanda ukwinza hehali, nukunangania kwavo kutakugoma. ⁴ She uMulungu atahavaleshedlela avahavizya ve vatazile amalandu. Muwuyo vwakwe ahavalemeha venevo kwa Talitalusi ukuti avasunje mumanyololo aga kuntende kushisi poka ukufiha kuvulonzi. Vimo ivya pamwanya ivya va Giliki avahali lwe tukuvelenga, ukusunjilwa ku viliva ivya kuntende kushisi ukufiha pavulonzi. ⁵ Havili, atahayileshelela insi iyahali. Mumalo mwakwe, ahamusenda u Nowa, wa mali mulumbilili wa vugolosu, poka navanji 7 lwe alesite amaha munsi ya vasita Mulungu. ⁶ Wope uMulungu ahazipela inkaya ya Sodomu nu Gomola ukuva litoyi nukuvalonga venevo pakuvanangania ukuti shive shakumanyila kuzye zilivombwa kuva sita Mulungu ⁷ Loli ahamupoha umugolosu u Loti, we ahayimviwa nava ninsivo imbivi izya vantu avasita nkomelezyo. ⁸ Umuntu umugolosu wula, we ahihalaga pakasi papavo isiku ni siku, ahayimvilwa nu vugolosu vwa Muzimu wakwe shifukwa sha Mbombo zyavo izya vusita nkomelezyo. ⁹ Umwene akumanya mwe anga vapulumushizya avantu ava nyila Mulungu ukufuma kundingo namwe angavalemela avantu avasita vugolosu pakuvasunda pisiku ilya vulonzi. ¹⁰ Uvu vwe vwa nalyoli uvwa pamwa payo kuvala ve vakujenda mushinyonywa ishivivi isha kumuvili na ve vakusula uvulamulili. Vajimvu kuvyakuyanzila weka, vatakutetema lwe vakuvasamula avashindamu. ¹¹ Avahavizya vali namaha nu vujimvu, loli vatakuleta uvulonzi vwa kulingana kuvavo kwa Mwene. ¹² Loli avantu ava, ngati vinyama vye vitakusivilila, vahapelwa ukuvalema nu kuvanangania. vatakumanya nashe vakushiliga. Mulinanjiho vope valivanangania. ¹³ Ukuyimba kwa kunangasnia ngati malipilo gakuvomba ukunangania. Vakusiva ukuti ivintu ivya pamwanya mwisiku lyilelo vyakunyilaga. Vahandamine nukuvendela, vakuyilaga kumbombo zyilenga lyavo lwe vakuseshelela nimwe. ¹⁴ Vali naminso ge gizuye uluvembu; vatakwikutisiwa nuvutalamalandu. Vakuvahopa avamizimu insita kutehama pakuvomba havivi, nali namoyo ge gamanyiye uvupafu. Vana ve vatifilwe! ¹⁵ Vayilesile inzila ingolosu nu kusovela, valandite idala lya Balamu umwana Bewoli, we aganile ukuposhela amalipilo aga vusita vugolosu. ¹⁶ Nkandi ahakava ukupililwa kuvunanzi vwakwe- impunda ye yitakuyanga yikuyanga mumazwi ga vuntu yihamwimiha umukuvwi we apuvile injele. ¹⁷ Avantu iva vifula vye vite naminzi wususuvwe vakuputwa ninkungu. Nishisi ishipiti shisenguliwe kulimwe. ¹⁸ Vakuyanga namadinko gamwalwe. Vakuvahopa avantu ukujendela mumpapilo zya muvili. Vakuvahopa avantu ve vakuyezya ukwerpuha ukufuma ku vala ve vakwihala muvugombanu. ¹⁹ Vakulanjizya uvusatushe kuvavo, loli avene avenesho vazya vamaveko. Pakuti umuntu akuva muzya ku shonti she shikumupota. ²⁰ Inga vepuha kumaveko aga munsi ukujendela muvumanyinsanyi uvwa Mwene umupshi uYesu Chilisiti pe havili vakuyinjizya muvavo nukuvapota, pe ahavele havumalilo hakuva havivi ukulusya ahavwandilo. ²¹ Shamile shinza kuvavo inga vatayimanyaga inzila yavugolosu ukulusya ukuyimanya yeneyo pe nu kwepa kweneko ukufuma ku nkomelezyo imfinjile nu kutwala kuvavo. ²² Ishili ishi shanalyoli kuvavo: ''Imbwa yikugaluha kumatapisi gakwe, ninguluve inyzye yikugaluha kumatipa.''