¹ Mwe vankundwa, mutasuvilaje umuzimu wonti. Muvuyo vwakwe, zifumile kwa Mulungu pamo haa, mwe pe avakuvwi avinji avilenga vinzile munsi. ² Kwe kulizi mulimumanya umuzimu uwa Mulungu- umupepo wonti we akuziyanga ukuti uYesu Chilisiti ayinzile nukuva nu muvili wewa Mulungu, ³ ilelo umupepo wonti we atakumumanya uYesu we atafumile kwa Mulungu. Ino ye mpepo ya mupinga chilisiti, ye mwivuye ukuti yikwinza, ishi yili hali munsi. ⁴ Imwe mufumile kwa Mulungu, mwe vana, muvaposite avene, mwe pe we ali mumwinyu mupiti nkani ukulusya we ali munsi. ⁵ She avene vafumile munsi; pelelo vakuyanga zye zikufuma munsi, yope naye nsi yikuvatejelezya. ⁶ Ilelo iswe tufumile kwa Mulungu. Uno we amumanyile u Mulungu akututejelezya iswe. Wope we atafumile kwa Mulungu atakututejelezya iswe. Kwidala ili tukumumanya umupepo wanalyoli ni mpepo izyilenga. ⁷ Mwe vankundwa, tukundanaje, mwe pe ishikunzi shikufuma kwa Mulungu, uno wonti we akuvakunda we apafilwe ukufuma kwa Mulungu havili we amumanyile uMulungu. ⁸ Ilelo umuntu we atakukunda we atamumanyile uMulungu, mwe pe uMulungu shikunzi. ⁹ Pashifukwa shinishi ishikunzi isha Mulungu shivumbuliwe pakasi pali iswe, ukuti uMulungu amutumule umwana wakwe imozi munsi ukuti niswe tuve nuvulanzi shifukwa sha wuyo. ¹⁰ Mulishi mulishikunzi, tekwekuti twamukunzite uMulungu, nkandi uwene we atakunzite iswe, pe ahamutuma umwana wakwe ave mputile iya kwefya imbivi zyitu. ¹¹ Mwe vankundwa, inza she uMulungu atukunzite iswe, vwevulo she niswe tukundanaje woka nuwamwavo. ¹² Atalipo we amuvwenyi uMulungu nalumo. Inga tukukundana woka nuwamwavo, uMulungu akuva niswe, havili nishikunzi shakwe shikulunjiha muliswe. ¹³ Kuli izi tukumanya ukuti tukusyelematila muli wuyo na wuyo muli iswe, mwe pe atugaviye wumo umupepo wakwe. ¹⁴ Havili, iswe tuvwenyi nukusimishizya ukuti uTata amutumile umwana ukuva muposhi uwansi. ¹⁵ Uno we akuyanga ukuti uYesu mwana uwa Mulungu, uMulungu akusyelematila mumwakwe wope mwa Mulungu. ¹⁶ Havili, iswe tumanyile nu kwitiha ishikunzi she uMulungu ali nasho ku kwitu. Umulungu we shikunzi, uno we akusyelemantila mushikunzi shakwe we akusyelematila mwa Mulungu, wope uMulunguakuva muli wuyo. ¹⁷ Pashifukwa shizi ishikunzi ishi she shigomvile uvulungamu pakasi paliiswe, inga tuve nuvuzimvu pisiku ilya kulongwa mwe pe she uwene ali niswe vulo she tuli munsi umu. ¹⁸ Pe mutali ilyoga nalimo mu shikunzi . muvuzilo vwakwe, ishikunzi ishilungamu shikwefya ilyoga, nkandi wonti we ali nilyoga we atalunjisile mushikunzi. ¹⁹ Iswe tukukunda mwe pe uMulungu atalisile ukutukunda iswe. ²⁰ Inga wumo akuyanga akuti, ''Imukunzite uMulungu'' nkandi amupasite uwamwavo, ali nilenga. Mwe pe uno we atakumukunda uwamwavo, we akumwenya, atangamukunda uMulungu we atakumwenya. ²¹ Havili, ulu lwe luhomelezyo lwe tuli nalo ukufuma kuli wuyo: wonti we akumukunda uMulungu ahondeye amukunde uwamwavo.