Uwaazi u Yuhuna unu batisma
Bikoro 3
1
Atiye tigino me Yahaya unu zorso ma eh, ma zin tize a nija ni u Yahudiya.
2
In u gusa, "Hem ni, barki uvenke Asesere wa aye mamu."
3
Unu uge mani Ishaya unu kurzo utize maa bu ni, in ugusa, "Nimyirang ni tisa anyimo a nija in u gusa, barka ni una Asere dert.'''
4
Yahaya maa turi in turunga ti usubu uronkomi, ma ririko uzu uwa utino ume me, imum yare ime me yaa zi makene nan matu ma nija.
5
Anu Urshalima nan u Yahudiya vat, nan anu a manyanga mu urabi uraba udang u Urdu wa ehzi ahira ame.
6
Ma zorso uwe uraba u Urdu me, sa waa bu imum imadini iwe.
7
Sa Yuhana ma ira ma Farisiyawa wan ma Sadukiyawa gbardang, wa ehzi barki a zorso we, ma gun we, "Shi ahana iwa i tikono tibur, aveni ma buka shi i sumi iriba iburu uwui ugino sa u ehze?
8
Nya ahana sa wadi bezi u hem ushi.
9
Kati iziki a muriba mushi agi Ibrahim mani aco uru.' Barki anime in boo shi. Asere ma da ke ma bari Ibrahim a hana in apo age me.
10
A tara anyo abitem anitini nu titti. barki anime vat utitti me sa daki wa nya ahana ariri ba, akoriko uni areki ura.
11
Mi, in myei mani in in zin u zorsuzo ushi ubuka uhem ushi. A' ana me unu aye adumo am ma tekum in u gbardang, desa bi nyimo bi ukpatak ume me in dake in venki ba. me mani ma di zorso in bibe bi lau nan ura.
12
Upija Utanika ura atari tume, ma di visi ahira a bisuya-suya lau, ma humuko biho me ma wu ukere ume. mamindin me, ma di wu mani ura uzati u biso ma punsi."
13
Ba Yeso ma eh usuro a manyanga mu Galili, ma ha uraba u Urdu ahira a Yuhana, barki azoro me.
14
Yuhana ma nyari ukarti ume, inu gusa, "mi sa in nyara hu u zorom, U eh ahira am?"
15
Ba Yeso ma kabirka me ma gu, "Aca i cukuno anime, barki anime a myinca vat kadure." Ba Yuhana ma hem in me.
16
Sa azoro Yeso, ma suri anyimo a myei, asesere awata. Ma iri bibe bilau ba Asere kasi bihurbe. bi tu a nice nume.
17
Ba, kunna nimyirang azesere ni gusa, "Me Mani vana um sa ma hem in me. de sa in zin In apuru arum in me."