¹ Ba Yeso ma wuzi tize ani ori nan anu manza ume me. ² Ma gu anu unyettike nan Mafarisawa waa ciki ahira aticukum ti Musa'. ³ Barki anime, vat imum be sa wa guna shi i wu i wu, i wuzi imum igino me i tarsi ini. Kati i manza biwuza-wuza buwe me ba, barki wa boo timumum wa da wuza me tini ba. ⁴ Ee,Wake wa cani ucira ugittak, u ijas uhanna, abini me wake wa tari anu agirza. we ace awe me wa dake wa witi nibo wa cani ba. ⁵ Vat biwuza wuza buwe me aje anu ani,wa duza ajip awe me pash- pash,wa bogolo ibinani utibi tuwe me. ⁶ Wa nyara ti hira ti ticukum ti tigomo ati hiri ti igab, nan tihira ti gacang udenge Asere. ⁷ Nan ni'isi ni nonzo a hira abiziza-ziza, akuri a gusi we anu dungara. ⁸ Kati i hem a gussin shi anu dungara ba, barki unu dungara ushi me u inde mani vat ushi nihenu nini. ⁹ Kati i titi uye acoo anyimo unee, barki acoo u inde mani asesere. ¹⁰ Kati a titi shi anu 'dungara' 'barki unu dungara ushi u inde mani me mani Asere. ¹¹ De sa mazi unanu anyimo a shi me me mani urere. ¹² Vat desa ma yeze nice nume, adi tuzo me, desa ma tuzo nice adi yeze me. ¹³ Shi wono shi anu unyettike nan anu bezi urusa, ana muriba mu bitt! ya korso anu tinatukum ti tigomo ta Asere.Daki ya ribe ba, daki ya ceki ande sa wa nyara uribe wa ribe ba. ¹⁴ Shi wono anu nyettike nan anu bezi urusa, barki i huza aneh uzatu anu ruma. ¹⁵ Shi wono anu nyettike nan anu bezi urusa anu muriba mu bitt! I haka ati kira tu raba udang nan manyanga i nyari anu u hem in shi, wa cukuno wa re anyimo ura uzito gusi shi. ¹⁶ Shi wono shi, anu hungo arubo, shi sa i gusa, vat ushi ya tonizo undenge Asere imum i zoni, aname desa ma tonikon in ni mumu ihuma udenge Asere, itono idi rime. ¹⁷ Shi ababana, arubo! iya ini iteki shi innu gbardang, bizinariya bini nani udenge Asere sa u zi lau. ¹⁸ Ike igu, kondavi ma toniko innu bagadi imum izoni. vat de sa matoni kon innu wito nice, itono idimekime. ¹⁹ Shi arubo iya ini iteki innu gwarndang, u sadiga uni nani ubagadi uwito sa u zi usadiga alau. ²⁰ Barki anime kovi ma tonikon in nu bagadi, sa uzi lau nani vat inni mumbe sa ira anyimo me. ²¹ Vat desa ma tonikon innu denge Asere, ma tonikon me, nan desa mara anyimo me. ²² Nan desa ma tonikon na zesere, ma tonikon in a hira ati cukum ti Ugomo Asere. ²³ Shi wono shi, anu dungara wa ataura nan nanu bezizi urusa, anamalin! ike isuzo imum ya Asere reppi? Iye yavete imumu ihuna ini kara ya taura me ini kadure, nan imum iriri, ubeziu inko iginọ ini ya wuna inguna iwuzi, kati iceki ireba ba. ²⁴ Anu hungo arubo, ike i gashi i'inko iruba a kujiji mizizi, anime ike i tu uronkomi! ²⁵ Shi wono shi anu dungara wa taura nan naun bezizi uru sa, anamalin! ike i kpici kamaru ku kop nan iso anyimo me in madini. ²⁶ Hu urubo unu bezi urusa! tuba u kpico anyimo u kop nan iso me barki kamaru me ka cukuno lau. ²⁷ Shiwono shi, anu nyettike nan anu bezizi urusa, anu amalim! kasi mucau sa a humuka muni in manyanga marum, amatara anyimo me a ubo ani zenzeng. ²⁸ U hira aje shi anu ahuma wani, iye a nyimo malim mani nan katuma kaburu. ²⁹ Shi wono shi anu nyettike nan anu bezizi urusa, anamalim! ike i bari mucau ma anu adang akatuma ka Asere, i kuri kpelti mucau mu anu alau. ³⁰ I gusa, gusi ta rani uganiya a kacoo aru, tida da impo we amaru ahira u kpongizo umaye ma anu adang akatuma . ³¹ A anime ya bezi ace ashi, she wani ahana uhuza anu a katuma kadang ka Asere. ³² Ba ya kiri ya myincikina katuma ka kacoo ashime. ³³ Shi iwa! aneni idi sumi u gbarika anyimo ura. ³⁴ Barkin anime irani, ma tuman shi in anu kurzuzo utize ta Asere, nan anu urusa nan anu nyettike. idi huzi aye awe i gankirka aye, icobi aye anyimo tidenge ti nigura tishi, i kuri i susso we a tipin. ³⁵ Nihaiki ni maye ma anu nan iriba ubenki a kponkoni unee, makuro ace ashi u zika u maye ma Habila unu uriba i benki uhana uma zakariya usam u Barikiya, desa ya hu atii udenge Asere nan ahira u tonzuno aje unu katuma ka Asere. ³⁶ Kadure in boo shi, vat agimo me adi kem anu uganiya uge me. ³⁷ Urshalima, Urshalima, anu huza anu kurzuzo u tize ti Asere, anu vingizi ande sa atuma ahira ashi! kani kahono kani ma nyara in orso shi kasi bitukuru sa bike bi orso ahana anyimo ama gaure ma bini shi be ida nyara shi ba! ³⁸ Iyenne aceki shi akura me anime. ³⁹ In boo shi, idaka ira mi ba, senke rono besa ya gunna, u ringirka wa cukuno ahira unu ehzen anyimo a niza ni Ugomo Asere.'"