93 ¹ خداوند سلطنت کونه، اون خورَه شکوه و جلالِ اَمرَه آراستَه کوده. خداوند خورَه آراستَه کوده اون خو کمرَ قوّتِ اَمرَه دوَسته، زمین پایدارَ بوسته و تکان نوخوره. ² تی تخت جی قدیم برقرار بو و تو جی اَزل ایسَه بی. ³ ای خداوند، سیلابان خوشَأنِ آوازَ بلندَ کودد و طغیان بوکودد، سیلابان خروشانَ بوبُستد. ⁴ ولی خداوندی کی آسمانِ میَأن سلطنت کونه، سیلابان و دریائانِ موجَأن جَه قویتره. ⁵ ای خداوند، همۀ تی وعده یان راستد، تی خانه مقدسه تا اَبدالآباد.