8 ¹ ای اَمی خدا یهوَه، تی نام تمامی دونیا میَأن چی باشکوهه، تی جلال آسمانانِ جَه هم عظیم تره. ² کوچی زَأکأن و شیرخواره یَأن زبان بازَه کوند و ترَه ستایش کوند. تو دوشمنان و انتقام گیرأنَ ساکتَ کونی. ³ وختی تی آسمانانَ فَأندرم کی تو اوشَأنَ خلق بوکوده ای، و اون ماه و ستاره یانی کی تو برقرار بوکوده ای، ⁴ گویم: انسان چیسه کی تو اونَ فکر بوکونی و اونَ توجه بوکونی؟ ⁵ تو اونِ مقامَ فقط ایبچی جی فرشته یَأن بیجیر تر قرار بدَه ای و تاجِ عزّت و افتخارَ اونِ سرِ رو بنَأیی. ⁶ اونَ اَشرفِ همۀ مخلوقات بوکوده ای و همه چی اختیارَه اونِ دس فَأدَأیی. ⁷ گاو و گوسفندانَ، و همۀ صحرا حیوانانِ وحشی یَ، ⁸ آسمانِ پرنده یان و دریا ماهیان و همۀ آبِ جانورانَ. ⁹ ای اَمی خداوند یَهوَه، تی نامِ عظمت زمینِ سرتاسرَ بیگیفته دَأره.