54 ¹ ای خدا، خودتِ نامِ قدرتِ اَمرَه مرَه نجات بدن و خودتِ قوّتِ اَمرَه می جَه دفاع بوکون. ² ای خدا می دوعایَ بیشتَأو و می گبانَ گوش بوکون. ³ چون بیگانه یان بر ضدِ من ویریشته دَأرد و ظالمان می جانِ قصدَ دَأرد. اوشَأن کسانی ایسد کی ترَه نشناسد. ⁴ ولی خدا می یاوره، خداوند می جانَ حفظ کونه. ⁵ اون می دوشمنانَ اوشَأنِ گوناه وَسی جزا دِهِه. خودتِ راستی وَسی اوشَأنِ ریشه یَ بکن. ⁶ خداوندا خودمِه مِیل و خواستِه اَمرَه ترِه قربانی تقدیم کونم. ترَه شُکر کونم چره کی مهربانی. ⁷ تو مرَه جی همۀ می مشکلات خلاصی بدَه ایی. و من، می چومانِ اَمرَه می دوشمنانِ شکستَ بیدم.