50
1
یَهوَه، خدایانِ خدا گب زنه و جی مشرق تا مغرب همۀ مردمَ خو ورجَه دخَأنه.
2
جی صهیونِ کوه، کی مظهرِ زیبائیه، خدا جلالِ نور تاوِه.
3
اَمی خدا اَیِه ولی نه آرام و بیصدا، بلکی ایتَه آتشِ سوزانِ اَمرَه کی اونِ پیشاپیش حرکت کونه و طوفانِ شدیدی کی اونِ دؤرَ بیگیفته دَأره.
4
آسمان و زمینَ دخَأنه و شاهد گیره تا خو قؤمَ داوری بوکونه.
5
اون فرمایه: می مقدسانَ کی خوشَأنِ قربانی یَأنِ اَمرَه می اَمرَه عَهد دوسته دَأردَه می ورجَه جمعَ کونید.
6
آسمانان اعلام کوند کی اون عادله، چره کی خدا خودش داوره.
7
ای می قؤم بیشتَأوید من خَأیم گب بزنم، ای اسرائیل بدَأنید کی من خدایم، من خودم بر علیه شومَأن شهادت دهم.
8
من قربانی های سوختنی و شیمی دیگر قربانیانِ رِه شمرَه سرزنش نوکونم، چره کی اوشَأنَ همیشه مرِه تقدیم کونید.
9
من تی خانه گوساله و تی گله بُزَ احتیاجی نَئرم.
10
چره کی همۀ جنگلِ حیوانان و همۀ چهارپایانی کی هزاران کوه رو چرا کودَأن درد، میشیند.
11
همۀ پرنده یانی کی کوه هانِ رو پرواز کوند و تمامِ صحرا حیوانان میشیند.
12
حتی اگر ویشتا هم بوبُسته بِم شمرَه نوگوفتم، چره کی من همۀ جهانِ مالکم و هر چی اونِ میَأن نَهَه میشینه.
13
مگر من گاوِ گوشتَ خورم یا بُزِه خونَ وَأخورم؟
14
شیمی شُکرگزاری شیمی قربانی بیبه و قولهایی کی خدایِ متعالَ بدَه دَأریدَه وفا بوکونید.
15
پس سختی و مشکلاتِ موقع مرَه دخَأنید تا شمرَه نجات بدم و شومَأنم مرَه ستایش بوکونید.
16
ولی خدا شرورَ گویه: به تو چی کی می اَحکامَ به زبان بأوری و دربارۀ می عهد و پیمان گب بزنی؟
17
چون اِصلاح بوستَأنِ جَه نفرت دَأری، و می اَحکامَ پوشتِ گوش تَأوَأدَه ایی.
18
وختی دوزدَ دینی ترَه خوش اَیه و زِناکارانِ اَمرَه بینیش ویرز کونی.
19
تی دَهنَ شرارتِ رِه بازَه کونی و تی زبانَ دوروغَ عادت بدَه دَأری.
20
نیشته ای تا بر ضدِ تی برَأر بد گویی بوکونی و اونَ تهمت بزنی.
21
تو همۀ اَ کارانَ بوکودی و من چیزی نوگوفتم، تو گمان بوکودی کی منم تی مَأنستَأنم، ولی هَسَه ترَه سرزنش کونم و محکوم بی.
22
ای کسانی کی خدایَ فراموشَ کوده اید، مرَه گوش بوکونید، وگرنه شمرَه هلاکَ کونم و فریاد رسی نَئرید.
23
اونی کی مرَه شُکر و ستایش کونه مرَه احترام بنَه دَأره، هر کی خو راهَ راستَ کونه و می جَه ایطاعت بوکونه، من خدا نجاتَ اونَ نشان دهم.