33 ¹³ خداوند جی آسمان فَأندره و همۀ آدمانَ دینه. ¹⁴ اون خو جایگاه جَه همۀ مردمَ زمینِ رو دینه. ¹⁵ اون مردمِ دیلَ خلق بوکوده و دَأنه کی مردمِ دیل و فکرِ جَه چی گوذره. ¹⁶ پادشاه خو لشکرِ قدرتِ مرَه پیروزَ نیبه و هیچ سربازی خو قوتِ اَمرَه نجات پیدا نوکونه. ¹⁷ نوَأستی پیروزی رِه اسبَ اُمید دوستن و اسبِ قدرت نتَأنه باعثه نجات بیبه. ¹⁸ خداوندِه چوم کسانی رو نَهه کی اونِ جَه ترسد و اونِ رحمتِ رَأفأ ایسَد. ¹⁹ اون اوشأنَ جی مرگ نجات دِهِه و قحطی موقع اوشَأنَ زنده دَأره. ²⁰ اَمَأن خداوندَه اُمید دوسته دَأریم، اون اَمی پوشت و پناهه. ²¹ اون اَمی شادیَ باعث بِه و اونِ مقدسِ نامَ توکل دَأریم. ²² ای خداوند تی رحمت اَمرِه بَأیه، چره کی اَمَأن ترَه اُمید دوَسته ایم.