16
1
خدایا مرَه محافظت بفرما، چره کی ترَه توکل دَأرم.
2
خداوندَه بوگوفتم: تو می خداوندی، تو تنها چیزِ خوبی ایسی کی دَأرم.
3
و اَ مقدسین و نجیبان کی زمینِ رو ایسَد، همۀ می دیلخوشی هَشَأند.
4
کسایی کی خدایانِ دیگرِ دونبال شده اوشَأنِ غم و غُصه زیادَ بِه. من اوشَأنِ قربانی کودَأنِ مراسمِ میَأن شرکت نوکونم و اوشَأنِ نامم به زبان نَأورم.
5
خداوندا، تو همۀ چیزی ایسی کی من احتیاج دَأرم، تو می مال و ثروتی، می زندگی تی دسانِ میَأن نَهه.
6
اونچی کی مرَه ببخشه دَاری عالیه، جی اِرثی کی مرَه برسه دَأره لذت بورم.
7
خداوندَه شُکر کونم کی مرَه راهنمایی بوکود، حتی شبانم می وجدان مرَه هُشدار دِهه.
8
همیشه خداوندَه می روبرو دینم، چره کی اون می راستِ دس ورجَه ایسَه، تا اشتباه نوکونم،
9
هَنه وَسی می دیل شادمانه و می زبان جی شادی فریاد کونه، و می جان اُمیدِه دورون سامان دَأره،
10
چره کی مُرده یانِ دونیا میَأن مرَه ولَ نوکونی، و وَأنَألی تی اَمینِ بنده فِسادَ بیدینه.
11
تو زندگانی راهانَ مرَه یاد دهی و تی حضور می جانَ جی شادمانی پورَه کونه و تی راستِ دسِ ورجَه ایسَأن مرَه لذت دهه.