¹ Bepd ido, Yesus sa nasui amat meipa,"Ine jidon leone amtolon be meuwa, meuwo mol polone metsia antane lamin purin sagado sia lem sorongga wo andok lal waimana. ( Yesus sa hagonom Musa tumtua Elia) ² Lanyan wanom bepol ido, Yesus sa nakadut Petrus sa,Yakobus sa tumtua Yohanes sa. pol ido nut sibe lasaibi po ipon mane wopa melincahmampo. ³ Nisansunpa anhei tu ambu. sansun wopa melincamampo. ⁴ Mansope, Elia tu musa udok amat sia, meloupa ulasui tu Yesus sa. ⁵ Bepol ido, petrus sa nasui tu Yesus sa Hun lanyaune anheu be isne tolone. amhe abe amin nou tul,gana be awa, gaha be musa, tumtua gana be elia. ⁶ Kukura petrus sa nunleapo,leta obe nasui anapa,sibei ido lamcat beito. ⁷ Beposa ido,mandep pa andok,anakaup si,idolatano galiypa andok po mandep pa," Ambine nikwe su wane matano iya!" ⁸ Bepol ido wapto, ilo meipa lem akok, meipa lem melaupa pato, lem hun Yesus sa bi. ⁹ Ilo meipa lale po ipon pa, Yesus sa bi galiy be meipa, be lasui akok lewo lem asiwapare, sagado Yesus sa nabin bon kal mewo lamin ulana. ¹⁰ Wapmansope meipa lasanwatep galiy ipa be sibiido latun oryai sia. galiyta labinte met labin ulane ido. ¹¹ Meipa latun amat Yesus sa,leta anin be met ahli Taurat labine elia dok bon? ¹² Yesus sa nasui amat sia, arekada elia dokbon be nin leweinebon, mansope lewei lakain asiane, lasui be labinte Yesusa nakanyela lemabu tu lamsuiwi. ¹³ Pape,ine yasui tu meuwa elia wahana dokto, ido meipa lin letadi lewo namahasiapa,letadi leta lakain tadi iyapa. ( Murid Tipa Lakapi Mon Po Megana Campo) ¹⁴ Beposa,ilo Yesus sa,Petrus sa,Yakobus sa,tu Yohanes sa lahwai be murid weina,sia lem meipa lamabu be lakalilit murid tipa,tumtua met taurat tipa lasai arukan del meipa. ¹⁵ Ilo bepal ido meipa bei lahanim Yesus sa, met sia nyenitali ido latibe lasini. ¹⁶ Pol ido,Yesus sa natun amat sia,leta anin be menula masui arukun tu met taurat tipapa? ¹⁷ Meganapo meuwo lamabu ulana nasui tu Yesus sa, Guru, ine yut nikmewangne be awa kukura mon lasuni be nasui campo. ¹⁸ Ilo monipa lasauni,anakosuguli be bat ido papu ipa sidok po gapa,ido sakatep welipa,bepol ido nakuli. ine yasui nim murid ine be ludok monpa, pape sia ludok campo. ¹⁹ Yesus sa tubul amat sia be mangkone, "Be meula mensom cuine pobe! pakpa hita,ine jedel meuwa? pakpa hita belne cumdel menula. Mut makaiyopa manin be-Ine!" ²⁰ Posa ido, meipa lut makaipa be Yesus sa. ilo mompa nem Yesus sa ido nukumamei makaipa. makaipa namdol be bat be natailoi ido gapa andok papu. ²¹ Pol ido, Yesus sa natun makaipa. locuo awom iane pakto? naksulai galy be mongkone, iyamunta po namingki wahanto. ²² Ilo, monipa latwaraki be lapilo tu weilo be abe labuni. beposa ido dau aula nyinlegana,nyawar amne tu nyem amne. ²³ Yesus sa nasui yamadi. aniareno camapa? legana ido be menula lason cuaulapa. ²⁴ Leaparin ido makaipo imapa natani be nul,ine soncu! nyagali be niklowo somaupurin! ²⁵ Ilo Yesus sa nembe meipa ladok be lemabu balamai,metpa nacat monpa tu binamat ana,meuwa mon. ine yudok autabol makaiwane be sunkakerep iwei pato. ²⁶ Ilo andok atepi tatu anamenouw kub makaipa, ido monpa andok. makaipa bedadi meta namin, ido meipa labine, makaipa namin. ²⁷ Yesus sa sawatep makaipa kokaponpa, be nekanoli be nabin mansope mekaipa nd. ²⁸ Ilo Yesus sa sunbe noulo, mimurid tipo latun amati saibi,leta aninbe amudok monpa campo be? ²⁹ Ilo murid tipa nasui amat meipa. letadi wane ladok campo, lewone andok ido, metasi tantem kada. ( Yesus sa nasui ilo namin wona) ³⁰ Lapelohana, Yesus sa tu ni murid alaina latan ido lokal ilo galilea ulona. kukura iya namseuw met lun. ³¹ Kukura,iya natin nimurid tipa ido nasui tu sir makai hunpa antane labi ibe memeihana ido antane sia labuni. ilo iya labuni bepol lanyan tulpa bepol ido iya nabin. ³² Murid tipa lunhantan galiy ulopa mansope lamcat latun amati. ( Asui rukun bemeta natal apa) ³³ Bepol ido, Yesus sa tu murid tipa laok lo kapernaum. ilo, pol ido Yesus sa to naulo, ido natun meipa, leta menula masui anapa del limponmanona? ³⁴ Anlep mansope,meipa lahatapat si kukura tancanpa sia mangkun larukun kalsi tu sia be meta nanalkub apa. ³⁵ Yesus sa nakaton be nul nimurid lahemai loupa,mansope iya nasui anat sia, kabo metabe abe bi metiyamunta,metopa demulbon po mennebeito tu be pelayan be meuw beito. ³⁶ Bepol ido, Yesus sa nul makaiki gana be biibe nol haritsi,ido nakabu i iya nasui amat si, ³⁷ Metabe nasui makaiki tadi wane be gaik me, iya nusin ine. metabe nusin ine,iya nasin inepo,pape iya sol ine. ( Meto mudok kabyo belamten gain Yesus sa ) ³⁸ Yohanes sa nasui amat Yesus sa. Guru amne amem met lakasul kabyo ido lemten gaimpa,ido amne ambine are kukura iya labedel isnepo. ³⁹ Mansope Yesus sa nasui, magitsiare,kukura metalin letadiapa be lamka gaik ne demapto lasui ine. ⁴⁰ Kukura metabe lamsew isnepo,tanin met sipa. ⁴¹ Kukura,ine yamten lewo lecuapa be meuwa,metabdapa be we kukura menala membedel kristus sa, antane lanin kanyelapa aminpo. ⁴² Metta nin aya makaiwane gana som ine kukura nin dosa,antane anhei be iya kabo katin kilangan anlal ulona lakawawil anpo kakopa tu iya lodokai iya be walut. ⁴³ Kabo katompa anin dosa be awa, ido nyakat kokampa anheikup be awasun hahei ido kokampa antamtu manto leapo kabo kokam laupa bei ido sisun be neraka, sisun be lapilo amat campowana, ⁴⁴ Ilo galomipa lamat campo tua lap pa amat campowana. ⁴⁵ Kaboi kokambatpa sinin aube nyabardosa, nyakut kokambat tipa sitamtu,kabo kokambat loupa sihei pape lodokoi be neraka ilo. ⁴⁶ Ilo galomipa lamat campo tua ilo lap pa amat campo ulona. ⁴⁷ Kabo tajimpa anin aube nyabardosa, tajimpa nyakalungana. anheikup be aula be sun nou Allah ido tajimpa ketem,kabo tajim loupa bel ido ladokai aube neraka. ⁴⁸ Ilo galomipa lamat campo tu lap pa amat campo ulona. ⁴⁹ Kukura,mangkun isne megana antane labigasibeiya mansope laha ibe lap pa. ⁵⁰ Gasipa anhei,pape gasipa imasinpa amambain antane meuwa meminambe amasia wei? jigasi be mangkun siyawa tu jehei awo tu met sio.