¹ Mesamulna h’mau re tenow na ercenga kali jow i ya m’delpa kai fatebkeboya, fatusa fawe ahai tu n’fare reri lali awi na. ² Fama fiya embo fan-fan na, fanatia embo siltar famayai yang na, fare-famafia embo sil tar lilis sepatngomcama. ³ Sabab, ite s’mat-s’mat tar lilis mali mawia lolo, tarcuba Lahatalah ni orohtan beresihca. Fare epplangan tamali Jou Yesus Kristus, fare tar delapa mali ewlor ta ni Pai sapa. ⁴ Mantane nap ya; ni molngona ei deek, ahaita, mafia gabe laisa en, s;mat tenesa tan w’loya neto, fare ni duk bon peita, mafia tani ngale mali yai. ⁵ Yar lilia yana, mali wal ta pi wai’i kawasa Israel ta tutuo molang. Mali soa Benyamin s’mat Ibrani tar ma Ibrani, ningale na torat ca, ya tane s’mat Farisi. ⁶ Punul tane re nik samangat, ya tane tai kali biru, kawasaca fare pumul tane berareri b’lanak rap hukum Torat, ya tare rerik salpa. ⁷ Sangisa be ahai tan tubah fare ahi ita yai dukna tina m’yangis sogodo Jou Yesus Kristus. ⁸ Tutuotu ahai ta yaiku enpa na, farei sobobita napna faret fayala Jou Yesus Kristus nik jow i ta laspa fare mulo anali, ahai be sangasi jou Yesus Kristus ya Nik aho sesina m’nyangisem dami, sebab ta farumi tina mon, gagao bo yai duk jou Yesus Kristus. ⁹ Yar dukya punul Jou Yesus Kristus si fare enpa, punul ta molang, tan capang mali pat ngok tae patutulnge, sangisa ahai ta yai duk na, mali atorouta mali toratca na, sangisa tan del mali hnantan pumul Jou Yesus Kristus, ta molange ke tuti yai mali ta tutulnge ta yai duk mali orotan, ta nano lang tan lafo mali lahatalah, i tani gagao imanca. ¹⁰ Dordor na yai kemerei fayala i mali kawasa ta in paling na. ¹¹ Bo me samulna yai duk pal paling mali smat tar mattetona. ¹² Gatina ningale na yai duketo, ata sampornato, tina taga yai boi tatag taga, bo mana taga yai wawto laisawa Kristus Yesus enwawfo yana. ¹³ H’maw ke tenow yai kuta pa fare ejai wawfo ito sangisa pusa tan eta ga boi pei: yai wlok ya netopa, ahai ta mali ta oh fare, lali ahai tan dad ii mali us ngok na. ¹⁴ Yai, nanei fan nata, mali ahai Tanana, na boi duk parasen tina ololaw mali sorogai ta mali Yesus Kristus si. ¹⁵ New mali itatat samporna tona, tuta laisa tina, gabe laisa am muta laisa tinapa, lahatala osane fafcule aw tat u tugai lali awi. ¹⁶ Gabe tina mew mali itet fato cublae bom tuti yai fare ta mamolang ta itet duki to ca. ¹⁷ Hmaw re tenow derera beto ya nik sogaroma, fare holam hamafia smat lalo tan tub tan fare tawe mem mali ama mina. ¹⁸ Sabata, smat laloi tar tub tar dadi sateru mali ai jara jara ca, jow Yesus Kristus. Sobabita ahai ta, yai kafeta ngetono, lali mewi, fare sahat tacna, yai hafetang fare sogado nak oyang nancis. ¹⁹ mesa nul tane riri tub tina m’jakam, sabab ta riri lahatala ca sileh’ya o rina, fare riri tal tailca sangisa maimai re, haib ²⁰ Ewlorina sangisa mali donya ta ni utut, sangisa iterik nagari ca ta mali saroga cabe. Manca pata ite wlorta bakbakabe sangnang; bot lolo manbe riri juru salamatca, Jou Yesus Kristus. ²¹ J ostane ni wan bane patngocatan dit dadi haib ta ite rirca bondadi laisa J mali plangan mali ni patngoca. Fare ni hawasa tina Jou Yesus Kristus na fena bo met ahai be, bon luh mali j.