¹ Gabe laisa derera Jou Yesus manana sangsang re birahi gabe etfaiyaloit mali ni Roh tannasie reboboru itca. ² Haolang hare hatiyai mali ewlomna, boh mati wlom yaneto nato. ³ Mati empei okocesi ta, smat na erlokolo panama, empeina ta smatna ermasie re gogoru alena laisa sirarina wela paisapa. ⁴ Empei fare nem ta anim nabenana, gabe mem fare smat na ririna bena. ⁵ Laisa ii wlotane enmali awi, ahai ta inirena banana. ⁶ tabeat hare wlona laisa Jou Yesusse , harumi ahaina enmali indumi to gabe tina injaga ii. ⁷ Gabe tina inpeina laisa mali nibananca, paisapana gabe tina bena mali wlona hare nibanan cana laisa encicoal pana. ⁸ Gabe smatna laisa dure dafetang it, tina mati etgalina nebane enmat mali ai salib ca. ⁹ Niawa akalna Jou lahatala ya enfadawil ngayona laina hare lainato. ¹⁰ Gabe laina Jou Yesus ngayona cuba natcuba tapuis langit ca hare tahap rakrakcalolona. ¹¹ Gabe tina papleoca enfatuo Jou Yesus gatutui ta ii Jou lahatala ¹² Eh’mare tenai harumi tarmanahan tina makes yaresi tina gabe laisa yaresi pahawe nesa halau erkarajaana enjaga riri badan capa dancait hare damderer. ¹³ Jou Yesus ni kuasana ennali wlomna ahai tabom peina ta au wlom mamaglona. ¹⁴ Ahai tam pona yai taifpa Gabe yai kotale auna. ¹⁵ Ahai tam pona matin salna, matin parawana bondadi tamafia mali wawai taen mali hapawan smat tane, gare empai taplangan hare beresina mali dan tae alam tae papaona. ¹⁶ Emhatila hamtu Jou Yesusse nimaumauting na, mali woll ta Jou Yesus lafona, inlalaman hare mauting na neta paisapa fare karajaan tanirupana nigana paisapa. ¹⁷ Biarega emdurea ii hare empoi ahai reahipa tamafi re sangsang tasi harumina. ¹⁸ Tina mali awi fare nimmauting ta barang benu hare namlif rentolai ire nideldelona. ¹⁹ Punul Jou cana yai maulanggo hare eisula Timotius bon faulomafia hare ahai tainuna. ²⁰ Laisa yanik pabe tasman na ririna nasu, gabe wlona molang hare nocesi, gabe lainana riri tubca nenaber cangnang. ²¹ Manana siduta hare piker beta siriri karajaanna Jou Yesus ni fatnawe na sirfadulipa. ²² Laisa ahai ta antona, Timotius empao ahai ta endadi mali nibadan cana, nimafia tanpeo fare enderera taya fanye na Jou Yesus nimaumauting na mali wainena ca ire ehmma ca. ²³ Ahai taindor mali awi, gabe ercula aw ahai reahai tab oh funa yaito. ²⁴ Gabe laisa yaidela Jou Yesus, yai tutuling eilafo lali ii. ²⁵ Yai kuaii boncula epafraditus bonua renaca hare nideldelo ta sirfanye Jou ca nimauhauting. Hare smat taduf fatnawe hare tariri parluna. ²⁶ Gabe i loloyaneto new harumi hare wlona pirpir eflonga ita nawil nana efninggo ipaca. ²⁷ Tinana inowil bena lase bonnateeto bena. Mali Jou Yesusse enpo nikuasa hare nimasie naga emafia hawe, tina mali ibepa kuasa tanpona mali smat tabesa nabena. ²⁸ Tina yai ku boderera i hawe boiduk mafia hare sangnang mali wlok nansusa hawega efanpanto. ²⁹ Gabe jaga epafroditus inamul Jou ca enhanasie i fare smat ta enmana erhormat ii. ³⁰ Tinana i molte okoce hare bonmatteto enfanye Jou ca ni karajaan na, inhabarani nibadan ca boaiwan ahai tanpo lali iina.