¹ Honin fe i minfetang ho Kristus ara ham-ham na oba ilap eh ho takle homi, emele ho Kristus mi mieh Lahtal atang tani lol emele aainang Lahtal o parenta. ² Naotakle lafini horo utanut, na ernu ba laman ae araham ho sari ho so em. ³ Honin fe, iri ho min em fetang ho sari ho tafuni Kristus araham Lahtal om mi. ⁴ honine Yesus Kristus sobo uhuktang med pi fetang ho araham. ⁵ Nahonin horo ba pi panen aten osah he anine fedik ho palik e ⁶ Nahonin horoba Lahtal ariing ho' eh Lahtal ariing e hok o sel ho sasanok hakim honi ⁷ Turmi iri ho di panen honin fe iri di fetang o om mi. ⁸ Honin horo, naernu osah hofeu, ariing fail sarasah, sebit matengsah amingtafota ⁹ Haai ira kalufe aba fedek name no'o panen sah ho med meng ¹⁰ name no' o panen aten anoh habar Kristus horo name no' ho anok no' honine fetang illuling no' ham slamat om mi, honin horo he e name nok opanen anok habar se masing u edun efal o araham ho orupa olaman panen aten. ¹¹ Honin horo, name mong Yunani mi di aai honin nanfe bang o slahain Yahudi ara ho di aai amm name ba o sunatan em name ba osunat dai name bar-bar, bang ba oasalah sah kabesar o ada ahol aai em name skit bang palik ture e name a adahol aai mang ariing, name o aramih em name il honine Kristus horo sobarpi om mi. FETANG HABAR DI AILBAR ARAHAM. ¹² Honine Lahtal so name u alak, ho bolang e ho ukarang pakbala, somkai lamang, ho nok pakbala, som tahang ¹³ Somtahang med sobe araham, ho nine sari ua ampo o araham ho mafede Lahtal piri u ampo e honi. ¹⁴ Honin horofe o mi uta ho ukarang esah ho sara fuung sara peit anok abul. ¹⁵ Honine Kristus damai onok orupa tom hoadima abor honin horo sa tolofe bo'mu, Kristus o bok araham ho name tofang jemaat mi ho Lahtal o atinok bit e utarain ubad. ¹⁶ Honine e Kristus o mateng pak ho ara i om mi tarok simi tofang, honim naahol dilmaeh fom pahang med name beng di araham, dal amiutarain utaunu dal utarain mong kitab sabur (kitab Mazmur ho Daud so hol) dal aniutarain dal orang saramie e puin honine senang bad herang tom mi Lahtal araham. ¹⁷ Naba honin horofe i panen mang u huktang em mang panen, pi barpi panen Tuhan Yesus anipuin, honine e otanai nok nit med nimang Lahtal aramateng sari fe alai. FETANG HABAR BANG OM MI ¹⁸ Obtumokbar so ai tumok e alolemaeh orupa Lahtal araham honi. ¹⁹ aitumok bar, i obtumokbar ukarang haai kabesar araham e. ²⁰ Aikakbar, ife imang e alol e maeeh honi e Lahtal om anok senang ²¹ Omang tofang ha ai kakbar o ariing lap nene honi e sopi im haai muj e. ²² iri ba name o ara mih ho name mate ho e alol e mah ong palikta na tofang om mi, i panen aten ho sae ara i'edun eh fe nene honie om anok senang nene sobo om kai omlamang puin med Lahtal el baroit. ²³ Naba honin horo i panen, i om abul-abul puin panen orupa Lahtal araham e hom e name araham nene. ²⁴ Honin e i ahol Lahtal ho hak warisan med hal tafoil ountu senang nok med sari ho Kristus he Lahtal fe lol hok horo ba okarang i pane eh. ²⁵ Honin e, name ba ahal panen ho sopi ho abor med saraham fedek ahal panen ho e honin e den e aai nene.