¹ Ney nom uma ho, no karesang no baleta fa i raham ho tarofe bi' sobo iri si a' hol. Laodikia ho mong kolose a' bung, name no'ba o ati no' bit med name ba e nahol daiba mong kolose mi ho, a'ra sah karang om mi, supi mong hadomang tufek. ² Nei nom ho, supi a'no' bad herang, som nu sah nu , ma lahtal abung ho, supi med u sei ano', sari ho Kristus ³ kafae tofang, na ahol dil ma eh ara mong sari fe abung. ⁴ Na ho' u ara mateng honin sa name ha ai ara kalufe mong mateng lurung mi, honin pi u alepang he'e tapa no'. ⁵ Fe' de no bo' nafah nahir e ara ham-ham ara nene, honin sobo, ro, om mi na ara ham-ham ara, honin e napang no' o sah, fe de' ne e'dun he' e a' lol a'ta'ain, med o o dume fa Kristus a' raham ho so a'ti ti no' kufa. YESUS KRISTUS ATAIN LAME ⁶ Fede'i Yesus Kristus ho med a'no i ey am ba, om ho mi fetang sei masing, ⁷ bo' u labat, alimang kaleng med om e mi, udume a'no' kufa, na u ara mateng am, ni' he'e, mahen feu sei massing-masing. ⁸ Na uma. ma'a name pali' mate o kalufe ba o hir o pa' a' ai ho puin abehang fa na o sah lol, sari ho pali' mate o usulu-asala fa sah karang lefa. Au a' tang ta pali mate ei ho, e Lahtal ei a'raham nene, e Kristus ei tanut nene. ⁹ Fe'de, Yesus om mi ho, o' no o' ham so a'ra. Lahtal o panen aten ¹⁰ I om mi fetang no' bi' am, sari ho parenta med name na ahol airnu barpi sa o' kapal. ¹¹ Na ba name no' panen ho, i e a'ra om mi nene, sobo na oba Yesus panen horo, i a'ra om mi. Bo' mate pali' mate ei nen, sobo bo' mate bolang sari ho fetang, o' em ho Yesus u baleta sari ho bo' do a'hol ho Yesus ta to' amuj am. ¹² Sei tuling tow om mi ho, iri di Kristus a'ara lafa pana ho lehel, no''he'e, Lahtal so kufa' puin Yesus a' no fetang, me iri so barpi, asel i udume ho ei, name min tofang a'nai ho mi. ¹³ Tur mi i min am, fe'de i doe i a'hal bo' moleng om ho mi, sobo Lahtal iri ukarang, Yesus ara ham-ham i no' fetang, fe'de i doe i a'hal ho sa ano' bolang am. ¹⁴ Ut hai sura' om mi sano' mol ul med piri e' Lahtal o a'nai meng ho, sa luh bolang tong doi Golgotami. ¹⁵ Parenta aneng med name na ahol air nu pali' mate ta, sa at tel afu' tel, sa name ho a'no' name dun alepang, mala maniang, supi ahol, fe'de airnu tur lo ho Yesus med u aneng am. ¹⁶ Honin fe, name den ma'a na' de sei na, med hair mate airnu ho, ma'a supi puin iri hu' iri timba e' re' eng. Hair mate bolong, turmi Yahudi hinung panen horo fe i panen ¹⁷ Bar pi ho mang fe'de lalaman med mong o' ma eh ho e're'eng, sobo o' a'bul fe ho Kristus. ¹⁸ Name ba apang no' om lamang sobo aba kalufe puin ho uqariang e, name tofang o'tanut name ba Lahtal u ada ahol sobo malaikatfe a'lai ho, supi iri hu' iri timba name honin ho ei apa no' ho, pali' mate ei panen aten, pali' mate ei lame toh fe puin panen, e u sari da'. ¹⁹ Name honin ho, Yesus sa e udume nene, e'o a'tino' bit nene, sa e ano' lafung nene. Bo' mate, fa'ur airnu med hir tarop ba Lahtal ei ho, Lafung so tefang. ²⁰ Iri ba Yesus om mi fetang am ho, e pali' mate ei nene am, naba ei sofe i dai pali' mate ei hu' dap ho doi u ada ahol eh, ²¹ Mangfe'de, a'tor e, a'de e, a'puin e. ²² hei dap honin ho pi a'lol a'ta'a'in sobo sel nu mi sa suhuin, fe'de sari ho'o name no' so panen . ²³ Hu ' dap honin ho pi e'dun he'e rupa, fe'de a o'me a'no' asel med bo' a'raham honin e sa bala amone ara om mi, faleng kalufe, puin bo' mete asara. Barpi o' fali a'ai fe'de sari ho' bo' mate ei a' pang no' mamang.