1 dongwide,Yesus da hetanga wehawai,rofik nammeriabai,api dining seng da domia nateti da bei mong naha ba sa Lahatala he afeng hiang kang da tia he kang homi mia.'' YESUS YE MUSA HAWAI ELIA ² waria, dami talanra dong wiba,Yesus da Petrus,ye Yakobus,hawai Yohanis,dong wiba da dedkalali buku daliala hong mere.dong wiba Yesus da damo hakili da hapong pea mia. ³ dong,wiba heinyamang do falaka kang te kul kang. bei ama ba namang hakul dia wa biku taha mia naha hoba hekang homi mia da hakul dia. ⁴ dong, wiba hapong pea mia,Elia Musa,dildilia dil Yesus hada toa tanga. ⁵ dong,wiba Petrus da Yesus hetwetangi,tuang te mikang ni api domia,me pi domia sara sua we ong nuk ey,nuk Musa,hei nuk Elia hei. ⁶ tekidom,bati nak dammehawai da mahawai da marekla. ⁷ dong wide tabo kul da detareja dami ba hoa bale, dong wiba tanga nuk da timoi hom damakdi, api do wiba tehekan hoafaling! ⁸ dong,wiba da detbaletnya mi herei,dabei hawai ama afenga wa hien naha Yesus donakala. ⁹ dong, wiba da buki hong mia ba me sei,Yesus da haboti dongwidi mi ama we hok tanga naha. nak riheini,sa Lahatala hewi neng dam moni da amoimona hanaya mia midiang kanri. ¹⁰ dong,wiba dei he tanga wepuna donakala domi mihatahania,mi tiang kanra do ko api na,api mon do ma. ¹¹ dong,wiba da Yesus hatahania,tekitehi Elia da kul tiese te dei tu te? ¹² dong,wiba Yesus da hetwetangi, Elia te deitudi dame tafuda we hayaudi te dong wiba me we bilenra ba heiwida dong wiba Lahatala hewi neng da mi araisa hawai hoatietnya. ¹³ dong wiba da hedwetanga Elia wan tiei,dong wiba dame we ong nahe hedomaba,pia he wan mi webilenri ba mi hadasama di.'' 14 dong widi Yesus,Petrus hawai Yohanis dawai midawai, deiafenga hoasei dong wiba da me hereisi amakang faring hoawali. he moki faring dong hedi, dong wiba ahli taurat dav hada kawai. ¹⁵ dong,wite do kanri amakang faring da hoa wale dong wiba da marekli da firei da hareng lake. ¹⁶ dong,wiba Yesus da mi hatahania,na meng abet faring bei homi tuting mia naha. ¹⁷ amakang faring mia nuk wehawai,tuang huri moki ba api do nahadoa ba opa me.te idem bati kari da moki ba api do hoa madi do maku. ¹⁸ tadeng kopang kari dei hoa madia, da denmi anai mati hawa kila dei toke, dong wiba da dawet takea dong wiba dei tikai pang,nawe emoki hetwetangi da kari do haloi hoba bei he hora naha. ¹⁹ dong wiba Yesus dawe hawai dawe tangi, ne neng moki ba bei kang homi mia naha! adeng karseng he na ropa mia moki ba apang hadoa ba nopang me! ²⁰ dong, wiba moki da hadoa ba Yesus hopa me. dong wiba kari Yesus da Yesus mi herei, da we moki do hohayok-hayokke moki da detmi anai mati da dakui-dakui hawa kila da toke. ²¹ dong, widi Yesus da moki moki hemama hatahani, api do wan tadeng seng he hoamadia? dawe hawai dar da moki. ²² dong,witte kari da bei halialba mi arahiang mat naha mi ba mi sawa mat naha dong witba habekda dong wi hoba, ana na nuk weong omi niang beka a nua hallale. ²³ Yesus da hewetangi, dong wiba ame mia? karnuki do tafuda-tafuda awe mia miba mi amakang ba heihaluale we hadasama dia. ²⁴ dong wiba moki he mama da beikli dami homi take,nawe rumai! omi nembeka te ko nabei eihalua naha hoba! 25 dong wiba Yesus da herei si ama kang faring da alekang tia herei, Yesus da kari dong he ayukdi da hetwetangi ria ba kari maku hawai horei beka, na riloi hawai ri hoamadia naha! ²⁶ da do hayok-dohate hatede kul latukai dong wiba kari beka dong do taki moki ba hedo pia he wan mong wida! ²⁷ dong,wi hoba Yesus da hatang wa puna dong wiba dami haliali, moki dami daliali. ²⁸ dong, wiba Yesus da fahomei,Yesus hemoki da hatahani ba he nuk-nukdi teit te ni bei hetiai naha? ²⁹ dong wiba da hatahani, na ba api do bei ropa naha hoba la akut te. ³⁰ YESUS DA MONG HEI WOTANGA 30 Dong wiba, sa apang mia ba. Yesus ya hemoki we Galilea mia. dong wiba dong ma'ama da domahi he. ³¹ teidombati da demoki da hada sakola dia naha te hada tutnia da hetwetangi, amakang hewi mi dong wiba dawe fayeni mi tadeng suida damidiang kanra. ³² dong wi hoba he mokiloki da bei weharouda naha dong wiba da hien marekla dabei hatahania naha. 33 dong, wiba Yesus he moki loki do tafuda sa kapernaum mia Yesus da fa homi mia, dong widi dami hatahania, nak ri safoka mia toatangi? ³⁴ dong wi hoba dam makudi da safoka mia da mi toa tietnyi nuki ya afenga mahe ko temfoka. ³⁵ dong wiba Yesus da da demoki karnuk walayoki hori dong wiba da hetwetangi mahe doma ba deitude, ari dawai sa te dowekda rotafuda dong wiba ri tafuda hapong puna. ³⁶ dong wiba Yesus,da moki kiding nuk hokdi mi hapong pea mi hatang mi dong widi da hetwetanga. ³⁷ ma wahe moki do hei mi' name hom mia, hedong he hommia naha,hoba pia he lahatala he naboti hedong he hommia wida. 38 Yohanis da Yesus,'' hatanga dia tuang, huri ni ane hom mia kari haloi, dong wi hoba ni hapong haweti teidimbati dabei mi haluanaha. ³⁹ dong wi hoba, Yesus dawe tangi,'' hapong hawet hawet naha ma ama he nane homi domia,na ba we domi halekda da do dawe ong hedong he hommia, dongwitehi hedong mia da noa tienya. ⁴⁰ mahe pii haluale, hedong he pi afenga. ⁴¹ kul herofing hi nammeroktanga, mawa he sa takutang nuk mi ede hedong heihaluale hedong hebel hadoa.'' 42 ma amakang he moki-moki ba da heisafoka habekda,moki ba api do he nei haluale, mikang dong wii buki mi ba herahola mi habuki hadou mi ba tama wa wace. ⁴³ dong, wiba atang dong dawe beka weong mikang dong atang dong hawece de mi kang dong awe hommi mit nateti do atang tuk, naha dia ti atang do ayoki a neraka me, ara hiang homi mia ba dabei akung naha. ⁴⁴ sara ba mong dabei mong naha ara dabei takung naha. ⁴⁵ dong, wide etuk dong dawo ong ba awe beka weong,etuk dong hawetce. he mikang dong awe afeng kang hom mia etuk dong hawece, naha ba etuk doayoki ame neraka mia, ⁴⁶ sara ba bei mon da mong naha, ara da bei takung naha. ⁴⁷ do wiba iang da we we beka weong,iang dong nuk we kille doayoki naha, doayoki enmi naraka mace. ⁴⁸ sara ba mon da bei mong naha ara dabei takung naha. ⁴⁹ dong, wite ama kang tafuda atiimakal mi hede ara waising mi hede. ⁵⁰ atii dong kang, hoba he aleising dong da naha dia ti riwai teidweong ba dawe aleising dia?atiimakali miba mi ommi ia dong wiba tapieta tomi tembeka te.