¹ Tadeng ba hedong mia, amangkang fasring da den mitoatou baba na ba ne hei dong hadoa naha, Yesus da demakilak hari bada hedwatanga, ² "Nomi" ama kang faring ba warang hembeka tedwidi bati tadeng sua hammisa do helok hadau nuhaima,naba ne heidang hadaanaha. ³ Da, hatak damidiai banahabat ba dei sade ba defa misade, da satama miaba tatur tedwidi bati dining maha da buaskla miaba tia." ⁴ Da, wemaki loki "da hehawai, temiaba pirotima miba anyakang taring hone sara ba piapi miada mikili." ⁵ Hedong, widba, Yesus dahatahania, "ri rotikarseng?" dawehawai, "roti seting ayoki" ⁶ Hedong, Yesus da amakang faring habot ba anai miti, dengwidba da roti seting ayok mia, da weakue, dawai kadel-kadeli, ba dadi de mokilok hed ba da rai amakang faring hone hellok da amaksang faring mihoane. ⁷ He, mokilok he afi kiding dang hadouy kabei hasdo, hedong widba daweakuti, Yesus da de moki lok haboti ari mi amakang faring heseng. ⁸ Amakang faring da nei ba sa hatak tiddi, da he amoi dong tualuali ya pakai seting ayoki wemiji. ⁹ piaha amakang rifi buti danei, hedang widba, Yesus da habet ba laki. ¹⁰ Hedong widba Yesus ye hemoloki da etaha meba dalmanuta afeng miji. YESUS MIHAMINGTAKE BA NAHE SURGA MIA MAIDALEDA MAHIANGRIA 11 Ba, warisi wati datia da Yesus hadakawai, dong widba da Yesus helyeke bana surga mia midaleha mihoktanga, homi wetahai. ¹² Roh da Yesus hemiaba da ahe lohi fili, datangan nahe, "nengmoki masua moki midalekda tahai? na herofi watanga, bei nuk da midalekda mi masua moki nengmoki dp hed naha." ¹³ Hedong, widba Yesus da hedoiti, ba dami dawai ba etahame, ba wehabang me. FARISI WATI HE RAGI YE HERODES HE RAGI ¹⁴ 14 Hemokilokda hedawongfi ba bei roti puna naha, de roti tukinuk wa ba eh hommia. ¹⁵ Hedong widba, Yesus da hapeisake, riar binengra! ba heriminang ba farisi wad heragi te herodes herangi. ¹⁶ Hedong widba hawai mitua tangi nuki mi ya avenga den mitau hetlok ba bey roti hopa naha. ¹⁷ Dawe, dong widba do hiana dia Yesus da mihok tangah nahe hewe tanga. weriet ba bey roti hopa mia naha? bey rian liake naha? apa romi dong widba lara tafuela? ¹⁸ Riat ba apang riang ropa noba bey hiang naha? hawai riwey ropa hoba bey we faling naha? bey riading he nami nang naha. ¹⁹ Tadeng ba na roti seting hawece miba mi aisaha seting we hace karseng da pakai homi iti minak " di ba hom mia, siang ma ba rita auali? da he hawai karnuk wai ayoki." ²⁰ "Hedong widba roti set nayoki mi amabang riui buti siang mma heminak da pakai karseng ah tualoli? hei da we hawai pakai set na yoki." ²¹ Dong, widba da hada tuatangi, rian leka renaha?" YESUS DA BETANIA MIA HIANG BEKA HAKNRI ²² 22 Hedong widba Yesus ye ne sakolah loki Betsaida mitia kabey da hiang beka ban hope mitei dong widba Yesus mi haming kake hawai huapuna. ²³ Yesus da hiang beka hatang we puna. Afeng uisana misade. Hedong widba ba Yesus da hiang don we puinyi habot deisade dong widba da datang miba mi hiakai tahi da hatahani, wangana wa hiang re naha ?" ²⁴ Dong, widba ama da ahaling tama mirei hedong widba datanga, "na amakang herei, dong da amatang herei bata he lak widba." ²⁵ Dong widba Yesus da datang mi tahi, mi hiang tahi, wan daria kang hiang wan wekanri, dang widba karnuk da herai dong kang. ²⁶ Dong, widba Yesus da haboti deisade hawai uisaha mi sa naha. YESUS DONG HE KRISTUS 27 Hedong wid ba Yesus da lake de sakolah hopa misade afeng'' ba Kaisarea Felipi da, satama mia, Yesus da dei sakolah wetanga amakang faring da wetanga ne ding ma? ²⁸ Da mi hok tangi ya nedi Yohanis pembaptis, avenga da we tanga dia Elia; da hawai avenga da we tangi neding Nabi'' ²⁹ Hedong, wid ba Yesus da hawai mi, lanang eding ''he om mia' nedo ma, Petrus da tangi e Kristus?'' ³⁰ Hedong, wit ba Yesus da mihaming laki risa ama hopa mia hadow neding mi hok tangi he. DA DESUSA HE WE DA MI BA MI AKANG FARING MI HOK TANGAH ³¹ dong with ba, Yesus da dey sakolah mihok tangi amakang hewi yo ko dawe beka hom mija. Yahudi he fingkang dawe hatoke ama, dong wit ba dawe faling ba mong da mong hoba mi tadeng suida diang kandra ³² Yesus da wehaluale amakang faring tafuda dor hiana dia dong wit ba, Petrus da Yesus halok ber ba da hoatake, ³³ da de, uipea da hesekolah miherei Yesus, da Petrus hetapi ya dawetangi, nopa do mi abere.! riado ribei Aisala hekang do wetuatuk naha. hoba amakang hei do ma ba haluale. ³⁴ Hedong wittehi da amakang faring hore, dey sakolah we hau dong widba da het loki da dey sakolah wetanga mahe dong widba me nei haluale do de iti we duare da tikap bata bang dite. hedong ban me ney halual. ³⁵ Hedong widba mahe we de iti miba ne bualti dia hekang ba dong da hanakela, dong widba we neding nane takmon dia arik he sa hekang hiang tasnga ba hekang dong arik hiang ariija. ³⁶ Nahe da miba mekang dia hoba hanotang da nakda? ³⁷ Nakhe damiba mi buki taha mia nahe da miba da noting dong heisede? ³⁸ Dang witba mamahe miduami tuki ba me neding we hamial dia nahe we miba danoting dong bel dong witba ba dahe manyaknya ba deti ba dosa do, hedong arik amakang hewi hadow arik hemama hadompia mia wetanga maleikat-malaikat ban san rialing sadet taou."