¹ Helok da tia kala mia, dawan so Gadara wathe afeng mia. ² Hedong Yesus dah e hong mia ba sei, ana kang nuki fudik hiang mia ba tia ilmoi beka dano madai hapong pea mei Yesus. ³ Heding da fadik hiang mia do miti. uma nuk bei tukai het ko naha, te rantai miba kode. ⁴ Heding kabei ja tipai tila miba hetuk hatang dong kode, dongwitba dadeinya de rantai , dongwi hoba da we haru le hedong hiba dawa fak palele, bei amakang nuk da hoa tikia naha. ⁵ Tuntapa waria, heding fadik hiang mia ir tofoke ye buki-buki ye da dehi wii miba babi tape. ⁶ Het ama da buakla mia Yesus herei, da frei ba Yesus hapong pea me hoafou. ⁷ Dongwidi, da ir bada watangi, "heomerang ba nomerang bei toa sama naha, Yesus, Lohatala Hewi daliala taha Mia? na en mi tamin take Lahatala, Noa tiatnya noha!" ⁸ Yesus da het watangi, "otakia et ama ba homa dia naha hey timoi beka!" ⁹ Dongwitba, Yesus da ama loki halatani, ane he ma?" Dongwitba, da wahawai nane he Legion nia do nining faring." ¹⁰ Dahe dawata faki Yesus sarah ba hedong wa nibot naha. ¹¹ Sara bah hedong fe faring da mi lole. ¹² Dongwidi, "timoi beka da Yesus mi haming take, dongwidi da mitanga, niboce ni ba ni miba fe-fa homidong me." ¹³ Yesus da tafuda hori. Dongwiba timoi beka dawe ba fe-fe hommei fe faring rifi ayoki da tetiai pa hareni sa wamaku pea mia tafuda miba wamaku dopi sey. ¹⁴ Dongwiba, ama ba fafe wa fokang dong da do takia ba da mibami ama faring he afeng dong me wa wahoktanga. Dongwiba amakang lokida mida beri wa mi herei nahe wan midalekdi. ¹⁵ Dongwiba amakang lokida Yesus hapong mija dongwiba mi herei ama ba na da hat taha dia Legion, dong na da hoa madia, damiti wan de koda tei, dong wiba wan hoa kanri. Dongwiba, amakang loki da miherei. ¹⁶ Dongwitba, ama da miba amakang faring wa hoktangi te it te mi dalekdi he amaba na da hoada lekdi te it te hoakanri dongwiba mi fe-fe homi mey. ¹⁷ Hedongwiba, amakang faring da Yesus het watangi mida beri. ¹⁸ Hedongwiba, Yesus da e hedong merei ama ba e nada hoa madia hedong watangi Yesus da tafuda lake. ¹⁹ Donghoba, Yesus da dongma, habot watangi, "eisade eura ena haji hapong mi sade he lok mi hohok tanggah nane he Tuhan homi beka. ²⁰ Dongwidi, ama wan laki ba mi hoktangi amakang faring ba DEkapolis karnuki wan naha Yesus dan wan omi hedi. Dongwiba , amakang he matnyehi da wadomi take . YAIRUS HEWI MI HAROUDA YE MASUA BA MI MASUA HARIK KE HOA KANRA ²¹ Hedong Yesus da ehong wei ba da hawai lake watanga amakang faring da pea mia, dongwiba heding woro tama habang mia. ²² Dongwidi, tamukung Sinagoge hane he Yairus datia Yesus hiang dongwiba hetuk heafou. ²³ DOngwidi, da ming haming take kul-kul rofi Yesus, "Dawa tangga newi muki masua wan bekdi. Ame a atang mita hia dongwiba da howa kanra." ²⁴ Dongwiba Yesus ye Yairus dia lia lake amakang faring da Yesus halua le hoa kalukla. ²⁵ Dongwiba, masua wa masua harike wan tangkarnuk wal ayoki. ²⁶ Heding wan tei harike da dei sara-sara halaale ama faring fuala hoa kanra na kamuki ba hatang mia yoti hekang dong hadoa naha harik dai harik. ²⁷ Hedongwidi ba da Yesus, doma hia da frei Yesus da hopang me he wipea amakang faring hopa mia da hekoda hoafuna. ²⁸ Wi masua datangah, "na e koda wapena dong, na noakanra". ²⁹ Hedongwiba he wea hala hoakanra. ³⁰ Yesus da he iti do hiana dong wan hoatani. Da amakang faring hopa mia da watangah :"Mahe ne koda wapane?" ³¹ Dongwiba Yesus he wilakai lo da watangah a ama miherei amakang faring da et watangah, 'Dongwiba awa tangah mahe noa pane?" ³² Dongwiba, Yesus da mi herei mahe wan wa oni. ³³ Dongwidi, da na mahi nahe wan mi dalekdi he iti mia, wi masua da wan marukliba laharakia, da mei da Yesus hapong pea mia luk fou dongwidi Yesus he watangi. ³⁴ Dongwiba, Yesus da wi masua het watangi, "omi tofi he waoni ba oa kanri he kang dei ada sama dia ei sade ." ³⁵ Do Yesus da tanga mi tanga ama da tia mi hok tanga tamukung Sinagoge hetofa mia ba tia da watanga,"Hewi wan bedik te idi a tuang hakoke?" ³⁶ Hoba, Yesus da bei wa falling na ha ne da wan watangi, da de tamukung Sinagoge, het watangi ba, "Marekla ala we hedong warumai." ³⁷ Dongwiba, Yesus da bei de wi dong watanga nak wa na wale hoba Petrus, ye Yakobus, ye Yohanes, he motnyehi Yakobus. ³⁸ Dongwiba, da wan sa tamukung Sinagoge hetofa mia ba, ama mi tefel malinga hamak la tukai mere. ³⁹ Dongwiba, Yesus do mi mey, da watangi, "Kawai naha fel naha? muki ba dong bei mon naha, hoba dala ta de." ⁴⁰ Hoba da Yesus hoa pisei. Da amakang faring ha bole da muki hea he mama muki hei sara deng merei. ⁴¹ Dongwiba, da muki hatang wafuna ba da watangi,"Talita Kum!" (Muki masua la do watangah mialiale!") ⁴² Muki masua midalial ba da wan tung karmuk wal ayoki da hedo wiba , amakang faring wa marekli. ⁴³ Dongwiba, Yesus da hea he mama watangi amakang nuk bai da do mahi he alekang sa muki do siang ma mi hoa ne.