¹ Yesus da maku foka. habang mia ba da tapating dia ama kang faring da tia howaali Yesus da tapating dia ti amakang dong la we hau hedong widongba da miba mi efoka nuki yong ba bahong dom merei ba da mere maku hom miti. amakang faring da we takata mia. ² Dami amakang faring mi hoktanga na faring tanga hoba dawe taming ia. dong wiba we hewong mia, dami ama kang faring wehebai, ³ Wefaling! ama ba bin bata hiang kang wice da sa takdi bece. ⁴ Dong wiba dedareji, dong wiba dawe takdi bece, dong wiba bin bata we safoka hamina mitoke, dong wiba rua rua me, haktukda. ⁵ Kabei mi'ba wi tida tak hasei bei anei'faring naha. Bini ba hedong da alekang anei ruma mirang. ⁶ Wari foka da'latukai fokda, bin bata midiei dong wiba hetila hopa naha, bin bata hedong takatcji. ⁷ Kabei mi'ba mi atoba tantama mihasei. dong wiba atoba da we'bari hawai bin bata da we hoafikda ba we moni, dong'wiba bin bata da bei it mi'hede naha. ⁸ Hoba,wah da anei kang mihasei dong wiba heit da weja, webare, dong wiba la'we'hau ba'matekda, da hau tahai di karsua hewali haluke, kartalama hewali haluke, ya aisaha nuki'hewali haluke.'' ⁹ Hedong wiba, Yesus da'tangi, '' mahe hawei hopa dia'ti da we faling dodeding dawa faling!'' ¹⁰ Tadeng ba Yesus da donakala, ama'ba hamina mia, hemoki dining karnuk wal ayoki dotafuda da mi hatahania na ba da wetaming ido da hehatahani. ¹¹ Dong wiba, da we hawai, '' Lahatala he'weoni heding dong dawibah wan mi Edi, dongwid hoba mi ama tanga hadau wehadasama dia, na'karnuki bah miba mitomia, ¹² dongwidi ama'bah dahiang, amaba hianghoba dabei, wemahia naha; daro we'mahia hoba midom ia naha. hedong'ba dabei dabei'doa'fotda naha ya hetuai dong haliale naha.''' Wetaming Ia Takda Bece ¹³ Hedong wiba Yesus da amakng faring hada toatanga, tanga ba tom mitaming ia ba rohiana re naha? koteiwida bah we mahia tanga ba nawe taming ia? ¹⁴ Ama ba da datnga san we tanga. ¹⁵ Ama ba hedong wan bin bata sa toke hamina mihasei, sara ba tanga san mi wetanga hei wan hedong hetarenang da tafuda. we mahia dong wi dong bah beka amakang donng latiai bah da tanga sani wetalualei waba hedong hada sama tanga faring mi hoktanga. ¹⁶ Dong wi hoba, bin bata ba mi anai mi takdi bece mi wi'i bata hanaya domi sei hedong amaba tanga san wemahia da we daliti he da nok. ¹⁷ Dong wid hoba, da bei ailai naha dong wid bah he ai dong anai taha miya ya donakala de itih we hareng ya dabei lunga naha. dong wid bah, beka da midei tilekda nahate taloi tatiai dong dami dalekda hedong tanga sani, widong bah hed loking wan da hasei. ¹⁸ Dong widi ya atanga bah mi kupani mi takdi. hawai hed loking da tanga sani we mahia, ¹⁹ hoba ama ba homi da wesei we mire ba mi buki hada sama dia, ya tumirang hedo da tanga san do na mere dong widong ba dah dabei he it hiang naha. ²⁰ Hoba bin bata bah mi anai kang mi takdi hedong ama bah tanga san we taling da mi bah dom mi ia ya he it da hopa dia mi ki kar suida, miki kar talama dong widba wasa mi ai saha nukda.'' Falaka Wetaming Ia ²¹ Dond wid ba, Yesus da wai mehok tnga, defalakang mi ba mi lik ua mi ia naha? biasaba falaka da dalialah miatehi datafuda falake? ²² Da bei wa we hiana naha ya bei we tanga na da dabei binua tafuda dala dofalaka. ²³ Da mahe hawei hopa da we faling, ya dawe halul domi lohi ! ²⁴ Dong wid ba Yesus da hawai hed wetanga, riwe romi tuke nahe ri wemahi. Nahe'ri mi ba ama huotuke arija ti hedong mi bah mi riah tuke, da ya faring mi bah mi hau. ²⁵ Ya mahe hopa ari arija da we haw, do wid hoba ma amakng he bei hopa naha dia ti, amiba da hopa hadaw dawai hokmia. Bin Bata Wetaming Ia ²⁶ Do wid bah, Yesus dahawai wetanga, ''lahatalah heafeng kang do mi bah mi anei takda bece wetaming ia. ²⁷ Bin bata adua tade natei wari ye tuntama, bin hekafual da mirang. bin bata adua dawe domi tuke nahe tewidi. ²⁸ Dong wid bah bin bata tade di wan hela it we. latuhei dong da we bin hekafual, da mirang hela it wea. ²⁹ Tadeng da mi nukmia ti namei da wan san maliala, ama bah dong datia how halanga te'iding bati wan henamei maliala wan tiei'' Tanga Ba Miba Mi Heila Hebika Wetaming Ia ³⁰ Hedong wid bah, Yesus da we tangi ko'nah pi miba Lahatalah he tanga dong wetaming ia re ko piwaiy na miba me taming ia. ³¹ Lahatala heisarang piahe heila bika wida. heila bika ba heding latukai kiding bah buki taha mia. ³² Dong wid hoba pitakda dawe bar dia ti hela mi fika lohi bah uting mia, dong wid hoba domi foka lohi dong wid bah rua karnuki da tia hong mia de tok ia. ³³ Da faring we taming ia, Yesus da tanga san do mi ba mi wehok tanga dong widek da doh mahia. ³⁴ Karnuki ba da mi tanga do da kulwe taming ite hedong wibah da tanga faring dame tanga falaka hatang mi bah de moki loking wehayad ia. Yesus Da Timoi Hetake ³⁵ Hetadeng dong wan paluisa yesus dawe tanga, me pi wa foka nuk misade. ³⁶ Wan ama kang faring heisara domia bah Yesus ya heisakola do tafuda mi bah mi ehong dom mirei Yesus doh tafuda wan ehong mia hoba eafenga hadow dota fuda laki yoti. ³⁷ Dong wid hoba, timoi foka beka da me hohayoki nahare he eng midakili bah tamah dah homi mei. ³⁸ Hedong wid ba Yesus da ehapong meltadea hedong wiba hemoki lokda hateni wa! tuang huri kolal piymong do abei weomi tuk naha kolal pi mong do? ³⁹ Dongwidong bah Yesus da natei bah da timoi foka hetaki, hei timoi okandri! hedong widong bah timoi dong werandri. ⁴⁰ Hei nak he ri he marekla? hekang dong bei romi mia naha.? ⁴¹ Wan dotafuda marekla, apido ma? wan timoi hadow da hetaki da ya fow hadow werandri?