¹ Dong wiba, tadeng sising hapiece, Maria Magdalena, Maria Yakubus heya, hai Salomo, dawe saminuma beli dong wiba da sami Yesus haluale. ² Mituana beka, dawe hiang fadik misade. ³ Dawe mitoatangi, "mahe weiba hiang fadik tahid do hakuila. hiang fadik teidte do hakuila? ⁴ Dongwiba, dame hetaha merei si, wiy foka wan hakuili. ⁵ Dongwiba, dawe ul homi meti, dawe ti neng abet nuki da kakul tei we heikang harenna miti, dongwiba da marekli. ⁶ Dongwiba, da mihok tangi, " rimarekli he, Yesus ba Naseret wating wan hetikapi. wan midiang kandri, heding wan bey apih doh mia naha. heisara miherei bah mihatahani wan ahaling. ⁷ dongwiba, miriwai bah, hemoki mihoktangi dongwiba Petrus hawai dongwiba deicudi sah Galilea mia. sa dongmia, hawai riha'datarendra, wan da miba miroktangi" ⁸ Dongwiba, dami daberi daferei teidibati damarekla, da beimi amakang hoktanga naha da marekla tanga, faring ba da mihaboti dongwidi dami Petrus dawe hoktangi hawi hemotnyehi ye. dami hoktangi bala mi habuja. dongwiba, Yesus hedo diang rofi ba haboce wari mirang mia ba sa wari sei mija, dongwidi dawe tanga sadong mehebai ri tanga san do dabeinaha dia dei kang domilohi atei domilohi. Rofi.] Yesus Dadenmi Demoki Faring We Hianria ⁹ Wan Yesus damidiang kandri mituana beka akut bah hedong homi mia, latuhei da demi Maria Magdalena wahianria hedong mia da timoi beka he setnayoki haloi. ¹⁰ dongwiba, dasa wetangi dongwiba ama bah Yesus dofa damihoktangi, homi kabei beka dafele. ¹¹ Dongwiba, dawe faling Yesus diang kanri dongwiba dahiani, dabei weharouda naha. ¹² Dongwiba nadah midalekda, Yesus da denmi ama ayoki ba da lake afeng misade. ¹³ dongwiba, dami dawai dami amakang faring mihoktangi, dongwiba afeng dabei waharouda naha. Yesus Da Demoki Hada Toatanga ¹⁴ Dongwiba, da den mi demoki hoaareji dawi den mi demoki karnuk wal ayoki hoaareji dawetaki dabei weharenra naha ama ba den mi hoaareji dongwiba damidiang kanri. ¹⁵ Dongwiba, dahada toatangi, "mebuki akang misade mahoktanga mi amakang tafuda wahoktanga. ¹⁶ Mahe wan weharouda wan nahet tibati dawe he kang hiang, mahe bei wefaling naha arija dahoatiatnya. ¹⁷ Dongwiba, na'na midalekda do arija ti da we haluale: hane hommia ba datimoi beka haloi dawe dong wiba tanga-tanga fiah mitanga: ¹⁸ Dongwiba dawe datang wei da mon wapuna, dongwiba dah sah beka buce dasei weong, hoba beinyaha, dongwiba dawe datag miba hom mia amaharik beka hettahi, dongwiba ama-ama hedong da hoakandri. Yesus Halial Ba Sorga Sade ¹⁹ dongwiba, Tuhan Yesus dame hebai, halial bah afeng kang mia dawe Lahatalah heikang miti: ²⁰ Dongwiba, dalaki dasa Lahatala he tuting metebai Lahatalah deido tafuda deido sama dawe dongwiba de tuting de tapating harumai we dongwiba na'na bah hekang do midetareja.