¹ Daela mituana tuana beka, afeng hei fing kang kaliata kang hawai helei hei fing. dong wid bah da Yesus hapuni, da hadoa bah laki, miba pilatus hoatang. ² Dong wiba Pilatus da hatahani, edo Raja bah Yahudi wati? e, apawetanga, dawehawai e apawetanga. ³ dong wid bah, lei fing kaliata da Yesus hoatiatnya ba dei sara haluali. ⁴ Dong wid bah, Pilatus dah hatahania, teitehi abei wehawai naha? miherei tanga faring ba ba me mi oatiatnya. ⁵ Dong wid hoba, Yesus da bei wehawai naha Pilatus dawe domi halekda. Yesus Ye Barabas ⁶ Tadeng bah hesisig Pilatus da hatahani we dong wi bah hom mia dayeki. ⁷ dong wiba amakang nuki amakang nukiti hane he Barabas e amaba dei beka weong dawe terfang mong mong e amah bah dei beka weong. ⁸ Amakang faring da tia dong wid ba dah tia Pilatus he'hayeke dong wid da we haluale dadeideding hawa dah we hadasma. ⁹ Dong wid bah Pilatus dawehawai da we tangi heromaba Raja Yahudi nahoatikia? ¹⁰ Dohiana, helei fingkang da wan Yesus hoatiatnya. ¹¹ dong wid hoba, helei fingkang da amkang faring homi tanga Pilatus da Barabas ho'hatang. ¹² Dong wid bah Pilatus da hedwetanga, dong wihore, na'namiba mihadasandra ama bah riwe'haneadi Raja ba Yahudi wati? ¹³ dong wid bai dawai irma'nya hetikauke! ¹⁴ dong wid bah da Pilatus da hed'wetangi teidi? beka teiok da weoni? dong wihore, da wai lah iri, hetikauke! ¹⁵ Hedomaba ama kang faring heihaluale Pilatus da Barabas hoatani, dong wid bah da palong mi bah yesus da her faeng, denmihatang mi ba da hetikape. Da Yesus Hoatiatnya Da Faeng ¹⁶ Dong wid bah hemoki da Yesus da bang we istana, hedong wiba tofa pengadilan dong wid bah da moki loki tafuda hori bah dadenmitoalol. dongba, ¹⁷ Datafuda juba ungu mihobakei, dong wid bah damoko bula da tine, dami Yesus hoadai. ¹⁸ Dong wid bah hoateki, kang Raja Yahudi wati. ¹⁹ Dong wid bah dawe hiakai domg da kela wei bah weboli dong wid bah dahoapunyi. ²⁰ Dong wid bah da Yesus hadoa bah uisaha me dongba dasa hetikapi. yesus Hetikapi ²¹ dong wid bah da domi tuk ti amakang faring hapiece, Simon ba Kirene wati, da afeng mia ba tia, Alexsander he Rufus he mama dong wid bah da me tikauke bata bang. ²² dong wid bah da Yesus hadoa bah Golgota buki mi sade. kai it'sara mia. ²³ Dong wid bah dah sah raloang sa aleising toawahawi mi hoabuti dong wid bah da bei mia naha. ²⁴ Hedong ba hed loki hedi da hekoda mi hada da, huare na nede ²⁵ Hedong mia nahuar misyuda dami tikakbata hong domirei. ²⁶ Hedong wid bah, da bata kaising mi bilendri miba Yesus hiakai taha mitidi dong wid bah da magda, api do ''Yahudi wat he lei.'' ²⁷ Hedong hada sama ama hasala ayok hadow henmi bah tikak bata hong mi tili nuk hei kang mia nuk heibki mia. ²⁸ Domia bah sura san dami tounu dawetanga, "heding mib ama bah beka we ong hanaya mihatang." ²⁹ Hedong wiba amakang faring hopa pea dohaluale da Yesus wehekidai amakang da tafuda diang dawei wehayok we hatede dawe tanga hei edo e' wetangi bah Lahatala he'tofa dong ala'tadeng sua we'ongti dami daliala'ba. ³⁰ Alekang o'atikia ba tikak bata hong mia ba osei! ³¹ Imam Imam he hiakai, hawai Ahli Taurat, hoatiatnya Yesus dah we tangi nuki hawai afenga loki, "da ama afenga bai dahoakandra , dabei dennya diang hakandra naha! ³² Dodeding Mesias, sang Raja, lalang da tikapi da sei pi miherei ba rofi. helok bai da tikak bata Yesus bai da hoatiatnya. Yesus Da Bekda ³³ wan sa wari ba hetalama, wari da takuna di ba sa he setingbuti. ³⁴ wari ba hesetingbuti, Yesus da ir ba hamak foka ''Eloi,Eloi, lunga sebaktni hehadatoasama ''NeAisala,NeAisala te ite a ned doawati? ³⁵ ye, dawa faling di, ama kang kabei da hopa pea mia natea do watanga, miheri! da elia hore.'' ³⁶ Dongwiba,ama nuk da frei,ba da spons ye anggur matipa, hawai da mi kelatuk mi, dami Yesus hua buce, ba da watanga, pu tafuda miherei kul rofi Elia tia heddo sei.'' ³⁷ dongwiba, Yesus da ir hamak do foka do mirei bahe ahe briki. ³⁸ Hedongwiba Bait Allah he ka fiat hoa ayokdi, da aremg mia ba da dosei. ³⁹ Ye hikai mateka, da natea ba Yesus herei, miherei tek wiba Yesus da da ahedong mere hetilipang ,da watanga kul, ama do Aisala hewi! ⁴⁰ wero dong mia hadou masua mia do buakla mia miherei, helok do haima Maria Makdalena bai hommia, ye hea Maria Yakobus neng muki ye Yoses ye Salomo. ⁴¹ Dongwiba Yesus da Galilea afeng mia hoba helok da haluale ba tapong puna ye worong mia masua faring da afenga dohaima Yesus da we Yerusalem misade. YESUS HET IA ⁴² Wari ba dong wari deh binengra, hedong wari wari akuce. ⁴³ Yusuf ba ama Arimatea tiyei heding ama majelis foka wati we hoaluke, ye hebai kerajaan Allah, da tia da hoarea, da de it nitukaji ba da Pilatus hopang me ba da Yesus he iti hayeke. ⁴⁴ Pilatus wadakoisandri dawe faling ba Yesus wan bekdi. Dahiakai mateka horba da hatahani, wan kul rofi yesus wan bekdi. ⁴⁵ Dong wiba Pilatus dohiana di hiakai foka, da amaimona miba mi fusuf hede. ⁴⁶ dong wiba Yusuf da lipa linen beli kandri dong wiba da Yesus he mayet do sei, da lipa lenan homi mi pateki, da mi ba ulhomi dongwe da buki homi mia dawiy dong da hasiri da uldong wei kel. ⁴⁷ Maria magdalena ye Yesus heya Maria da heisara miherei Yesus heit da mi tadea.