1 Yesus da tofa Lahatala, do miti sakola nuki da wetanga ti, ''tuan hur, ah mi herei te wei-wei ya tofa-tofa'' do kul masena kang. 2 Yesus da wetanga, riedi ''me tofa-tofa do hiang te? bei wei nuki hado bei miti naha wowa wi ua afenga ba dar bei hate hasei naha.'' DAR LAHA VIA BAH PI ADUA SUSA TARENI. 3 lala do Yesus da wowa bukit zaitun miti, hapong ba we tofa Lahatala mia, Petrus, ye Yakobus, ye Yohanis, ye Andreas da hatahania ba Yesus donakala. 4 wetangi ba riedi, batadeng mi hasei pi tawuda we kandri?. 5 hedong, wi ba Yesus wetangi ti riedi, bei ama da ted do hasei naha. 6 ama faring wowa me ba mi homi we he Nane, da wetanga ya riedi dening ba ama ba do pi hasei ama faring. 7 tadeng nuk mia riedi beka bah worong bah, worong me mareli he. 8 tadeng nuk ti, arema da mi darodi bah areman nuk hei bai, ari kome da me ba tara-tara hei sara mia, tadeng nuk mia merei foka, harik tuai hayadi. 9 kang, oang wo kang ari ama it mi sa mi hatani, ari sa e mi reding lei-lei ho hatang he dong ari sa da wetangi. 10 Lahatala, hetanga hei tudi mi bah ama kang faring tawuda ho ha tang. 11 tadeng nuk mia, ama sa emi bah ho hatang ah kliki he na awe tangah, riding bei tangah naha , timoi sani he we tangah. 12 arik, emonyehi nuk da hatani arik dai moni , mama hewi lakai ari da mi da li, arik awai mi to hawai hedong bah. 13 nedi, mia bah ama ria bai, ama bah mahe he puna basa talipan mija dia ti hedong hekang we harena. NA BA HE BEKA MI AFENG HABEKDA HEI. 14 '' tadeng, nuk homi mia ama pi herei beka, nuk homi mia Yerusalam ami herei, tetuk akani da akut tofa balea. 15 ama ba tufa wai bei tofa homi we naha. 16 ama ba sa ut mia da bei dakil naha ya da he koda mia. 17 ama bah wi hatok mia, da wi hatik susa worong me. 18 Akuce hedong bah na ba he areja da kafu bah dami areja he. 19 arija- arija ti na da de areja tarik bah foka da areja naha, hedong arik da de areja dar afe-afe bah da we oni, dong wi bah Tuhan da we oni dong wi bah sa lala domiji, ari da bei da areja naha, hedong da we areja, dong wi ba. 20 Tuhan da arik da mia bah tadeng-tadeng ba hedong. 21 do wi bah, ama da we bah tangi, herei, Kristus api domial naha te, aherei, hedi we hedong mia! awai rumai he. 22 hedong da mi Yesus hoa pung dokoli de mi nabi- nabi, ari da mi da leli da na mai tiang ria wa tomi halekda kul wa tomi halekda, dong wi ba da te dohasei we hedong rofi, kul ama ba hem mi ahi. 23 heri minang te nawan tawuda mi ba, mi tafoda roktangi da bei hedong da bei areja naha. 24 he bah, arija-arija ti da de areja tadeng bah tarik ba foka, faring ari da we tuana dia, 'ari ia da hadoi da bei falaka naha. 25 Firi-firi hadoi da ahaling tama, mia bah da hasei da hasei, karnuki bah ahaling tama mia arik dah hayoke. ARIK DA TIA MOKI BAH AMA KANG . 26 ''arik, da hiang moki bah ama kang da tia homi tabo-tabo dong wi ba he kuasa hedong he kang bah foka. 27 dongwi, bah ari da malaikat-malaikat haboti dong wi bah da tuali wa mi a hi dongwi bah hiang buti timoi hiang, tia talipang sa talipang buki tia,talipang mia sa talipang mia tia, adi talipang sa adi talipang. 28 ''halekdi ba wataming i kabut bata:we hasetan- hasetan dong wa do muru we da wan he adita hopa wan da usaha mia, wa ro hiana hedong wari dea wan peka. 29 dong wi bah we riedi, wen dong wiba ri mi herei na bah hei loki wa dei arija,wan rohiana ba wan da tia pea pekdi, wan asahak mia. 30 na wa tanga he dong kul rofi na ma rok tangi, lala mere bah api do da bei do toki naha dai kul tafuda da areja te. 31 adi beka ari da nakda, hei tanga ba api do da bei ari nakda naha.'' HERIMINAN TE kANG-KANG ROFOKANG TE. 32 ''ari tadeng, naha te dong we hoba tadeng ye waring bei ama nu he do heina naha bei malaikat-malaikat hadong do hiang naha bei heding hado nohiana naha hoba mama he do hiana. 33 dong wi hore, heri mina minang. na, tia ba api do bei roheina naha. 34 api do pi he lak ama kang wida. hedong wi bah da tofa datang hatani da de kang do mia ba mi dong, de na haji mi hedi mi ba mi nuk-nuk, bah mi hatang mia da ama ba asek we saka dei we saka. 35 ho re, ri he minang sa tadeng te mia te mia tofa adua tia, we afeja pea re, tuntama kang re, roa da kiaki pi re, mituana beka re. 36 da tia lan marela da tia ropa mija ria tade re. 37 Na nami ba mi rok tanga, na mi ba ama kang faring: 'we hok tangi dei he riminang!'''.