¹ Yesus da hada toatangiba dawe taming ia Amanuk he anggur ut hopa daba weongba webakh daulinuk miteki hedong mia mitoa luak dawesaka hetofa nuk oni dahoa wake dabuk afenga misade. ² Wan hou holang tadeng daa manuk haboti utwesakalak hoktia hedong widba da anggur heit mia hei. ³ Hedong wi hoba amabatia da herfaeni hetie iba dotaki hatang taka. ⁴ Dongwidi dahawai nuk hadau haboti datiei dahie kai boli daong paneng ba hed naha mahada samadi. ⁵ Dawai,ama afeng habot batia yombati dafayen moni. Hedong dami dalekdi we faring we hada sama kabei boli kabei fayena moni. ⁶ Ut adua darnuk hadou hopamiaba data boice hewiba homi hembeka. hoba damiba mihedi dawetangiba newida rihieta luk hieta fouse. ⁷ Hedong wihoba amaba ut wefukang lokido damitoa tanga, apido hadou ut adua hore pifang moni henyakarnuki tafuda pidi. ⁸ Dahapung yoti dafayeng monyoti hedong widba, dami bami anggur ut mati. ⁹ Nahe anggur ut adua dawe oni? datiaiba daamadawefukang loking herfayeng yoti dongwida anggur uti damiba afenga hede. ¹⁰ Rider bei sura san halekda naha: 'wiba tafoongda dowati did wiba mateleki' ¹¹ Apida Piadua, he ong he paneng pong ong paneng baapido peinghienamia wepomi halekda Mazmur 118:22-23 ¹² Hoba hedong mia hedloki dawesa foka tahai dahapunghei hoba ama faring dohiyena Yesus datanga wetanga hore dotaki yati. KAIBEL WEWAR HEI ¹³ Hedong, widba dahabatba Yesus hoktia hoba Farisi wat hadau Herodian wat hadau dadetanga weiba mihoa weme. ¹⁴ Datiai da Yesus we tanga. "tuang nutafuda nuhianaba ama afenga hetanga abeiwefaling naha amadenamangmia abei miherei naha hoba ammatoktangang lahatala heisafoka rofi. hedongko kabei wewakeng hapieta laki pe banaha. ¹⁵ Nikul wewaki tere nahaba nibei wewak naha? hedong wihoba hedommi koreng piadua wan dohiyena. dami wehok tangi yotba nakrihenei tahai? hadea ba nokme dong widek naherei." ¹⁶ Da, hadoaba tiei yotba Yesus dahed wetangi ma hanoting he api. hed koli dawe hawai kaisar wa hanoting. ¹⁷ hedong wid ba, Yesus da hed wetangi yot ba na bei kaisar hedia mi bah kaisar hede. nahe Lahatala hei dia miba mi Lahatala hede. da Yesus hed we domi halekda. SADUKI WAT BA DA WETANGI BEI AMA UI MIA MI DA REN DA HADOA NAHA DA YESUS HAPONG PUNA. ¹⁸ saduki, wa ba da wetangi bei ama ul mia mi dar dar hadoi naha. da Yesus hopa mi tei bai dahatahania, da we tangi ya . ¹⁹ tuang musa da bi lenri ba miniti dawetangi ya. ama nuk heura neng nopa ba moni heimasua hei sara domia, hoba bei hewi, hopa naha heura neng dong masua kalea di hatang toapuna da heti ha mi hadoase. mi heura wahada sandia. ²⁰ monyehi amakang setnaoki. henuki da masua nu hokdi ba heding moni hoba bei hewi hopa naha. hedong wid ba hetmonyehi he ayoki masua bah hedong. ²¹ dil hatang toa puni hawa moni hadou bei hewi hopa naha, hemonyehi he sua hadou hedong widi. ²² motnyehi setnayoki, wa da bei moni hayad naha dong wid ba masua ba hedong haduo moni. ²³ ul mia mitalia he tadeng hed bai mi dalieli, masua ba hedong mako he masua dia motnyehi setnaoki do wan tawuda hemasua di yoti. ²⁴ Yesus da hoa hawai, api do he ded heiya di ba rewe hasei rebei sura sani ye Lahatala hekariang rohiyena naha? ²⁵ hedong, wid ba het hoki da ama mona, hanaya mia midalia hed hoking bei nuk wa hadau neng masua hokda naha, hed loking malaikat ba afeng kang mia hetoa halikdi. ²⁶ ama ba wan mon loki hawe harena ba da mi darou da, ri bei musa ,he sura mia ba halekda naha we fei bula alokai we hada sama. tei wit he Lahatala da mahoktangi neding Abraham he Lahatala, Isak he Lalatala, Yakob he Lahatala. ²⁷ heding bei ama mona, he Lahatala naha hoba ama rea. he Lahatala. NABA LATUKAI MASENA. ²⁸ ama nuk, da he foka hanaya mia wefaling ti da we teilake. da hereisi Yesus da huahawai dong kang, dong wide da Yesus hatahani, nahe ko hemi kang ba hanaya mia? ²⁹ Yesus da we hawai, '' na ba hemi kang do Israel wa loki wefaling, pi Adua Lahatala ia nuk-nuki ba piAdua. ³⁰ omi ba, hekiding dong mi ba piAdua Lahatala hem beka te anoting hadow he hommirang, etukai hadow. ³¹ he, ayoki ombeka tei wida omi e fela hembeka hadow hedong wida te ong paneng tuai ba da hatang hadoa naha. ³² Hedong ,witba hefoka da Yesus wetangi eding rofi tuang. arofi, wetangi ba naye hedong la nuki hawai afenga hadua naha. ³³ omi, hekiding dong kul hembeka, hawai he hommirang hawai etukai, hawai e amakang hembeka, ba omi e it hembeka yo wida. kul tafuda kang tatang bal ba hiede da bei hia naha. ³⁴ hedong wi ba Yesus da hereisi ama ba hedong da we hawai dong latukai masena, da hed wetangi ba eding abei Aisala. hetova hebuakla naha,'' hedong wid ba ama wa bei tukai ba Yesus. hatahania naha. KRISTUS DONG PIADUA. ³⁵ da, Lahatala he tofa mia, tapating da wetangi ba. teiyok widek he da hefoka lok da wetangi ba Ktistus dong Daut hewi? ³⁶ Daut dona kala timoi san, hom mia tanga 'piAdua da hefoka wetangi ba neikang, do mitia mi miti hedong wide ama ba bei etoa kang naha loking nami etuk pea mi hatang. ³⁷ Daut donakala da Kristus wetanga ti 'piAdua'. hore Kristus dong ko da teyok wid hewi dia?'' ama faring, da wefaling dong latukai kang. ONG PANENG BAH MI HEFOKA LOK WE HADASAMA. ³⁸ Yesus hetapating, hom mia dawetangi, ba hetaminang- taminang te hefoka loki wan da lak-lak loleh da ko da akan lohi tei ba. ³⁹ da ama hada luk fou hei sara ba da mit-mit ba ama hada luk hada fou hadau hadoa. ⁴⁰ hetloking datofa ya masua kalea wetaluk wetafik piehe ama kul ba welohi lohi dia wida hoba datuai ba hewoka nuk hepanea he.'' TATANG BAL BA HIANG ROFI. ⁴¹ hedong widi, Yesus datatang bal hei sara da pomi hareng ba miti ama ba tia datang bal do seidong dei hoarea ama ba na ba faling hopa da tia faring dosei. ⁴² masua kalea, ba bei na hopa naha da tia seng it ayok, dosei he dong hefaring rupia nuki. ⁴³ Yesus da, de sakola lok hor ba, dam ma hok tanga herofi-rofi nam ma ok tanga, masua kalea do da latukai faring miba tatang bai heisara domi sei heidong mi dalielaba afenga lok hei taha mia. ⁴⁴ dada, tatang bal miang mi na hopang wei, hoba kalea ba bei na hopa naha datatang bal miang mi heamoi hekaleba halua naha hopa hedong, hi da mi.''