¹ Que o amor fraterno permaneza. ² Non esquezades ser hospitaliarios, porque así algúns, sen se decataren, acolleron anxos. ³ Lembrádevos dos que están na cadea, como presos xuntamente con eles, e dos maltratados, como estando vos mesmos no corpo deles. ⁴ Que o matrimonio sexa cheo de honra e o leito matrimonial sen tacha, xa que Deus ha xulgar ós desvergonzados e adúlteros. ⁵ Que o voso xeito de vivir sexa sen avaricia de cartos, estade satisfeitos co que tendes, porque Él dixo: Non te deixarei nin te desampararei. ⁶ De xeito que podemos dicir cheos de bo ánimo: O Señor é o meu acubillo, non teréi medo, Qué me vai poder facer calquera persoa? ⁷ Lembrádevos dos que cuidan de vos, que vos anunciaron a palabra de Deus; considerade cal foi o resultado da súa conduta e imitade a súa fe. ⁸ Xesús, o Mesías, é o mesmo, onte, hoxe e polos séculos. ⁹ Non vos deixedes levar por doutrinas diferentes e alleas, pois mellor é que o corazón sexa fortalecido coa graza, e non con réxime de comidas do que non sacaron proveito ningún aqueles que o cumpriron. ¹⁰ Temos un altar do que non teñen dereito a comer os que serven no templo, ¹¹ porque os corpos dos animais, dos que o sangue é levada polo sumo sacerdote ó lugar santísimo como ofrenda polo pecado, son queimados fora do campamento. ¹² Do mesmo xeito, tamén Xesús, para santificalo pobo polo seu sangue, padeceu fora da porta. ¹³ Saiamos, lxa que ogo, fora do campamento para atoparnos con Ël, levando a súa aldraxe. ¹⁴ Porque non temos aquí unha cidade que permanece, senón que procuramos a que está por vir. ¹⁵ Ofrezamos decote, por medio de Él, un sacrificio de louvor a Deus, quere dicir, froito dos beizos que declaran o seu nome. ¹⁶ E de facer o ben e da axuda uns os outros, non debedes esquecervos, porque eses son os sacrificios que lle agradan a Deus. ¹⁷ Prestade atención a aqueles que vos coidan e sede dóciles, porque eles velan polas vosas almas como quen ha de dar contas; para que o fagan con ledicia e non queixándose; porque isto non sería de proveito para vosoutros. ¹⁸ Orade por nos, pois estamos confiados de que temos unha concencia boa, desexando vivir honradamente en todas as cousas, ¹⁹ E ainda mais rógovos que fagades isto, para que volva a estar convosco canto antes. . ²⁰ E o Deus de paz, quen, por mor do sangue do pacto eterno, levantou de entre os mortos ó noso Señor Xesús, o gran Pastor das ovellas, ²¹ vos perfeccione en todo o bo para que fagades a súa vontade, así fará en nos o que é agradable diante de Él por medio de Xesús o Mesías, a quen sexa a gloria polos séculos, amén. ²² Pídovos irmáns que soportedes esta palabra de conforto que vos escrivín dun xeito curto.. ²³ Sabede que o noso irmán Timoteo foi liberado, ireivos visitar con él, se ven axiña. ²⁴ Saludade a todos os vosos dirixentes e a todos os santos. Os da Italia mándavos saúdos. ²⁵ Que a graza vos acompañe a todos vos.