¹ Polo tanto, exhorto, a que primeiramente, se fagan peticións, oracións, rogos e accións de grazas por tódalas persoas; ² polos reis e por tódolos que están en postos de autoridade, para que poidamos vivir tranquilos e repousadamente en toda piedade e honestidade. ³ Isto é o que vale e o aceptable diante de Deus noso Salvador, ⁴ quen desexa que tódalas persoas sexan salvas e acaden o pleno coñecemento da verdade; ⁵ Porque Deus é un, e un mediador tamén entre Deus e as persoas, Cristo Xesús home, ⁶ quen dándose a sí mesmo en rescate por todos, coma evidencia nos seus tempos sinalados*. ⁷ Para isto fun posto coma predicador e apóstolo (digo verdade e non minto), coma mestre dos xentís na fe e na verdade. ⁸ Polo tanto, quero que os homes oren en todo lugar levantando manas santas, sen ira nen discusión. ⁹ Así mesmo que as mulleres tamén se engalanen con roupa decorosa, con reverencia e xuizosamente, non con trenzas, e ouro, e perlas, e roupa moi custosa; ¹⁰ máis ben, como convén ás mulleres que profesan piedade por medio de obras benéficas. ¹¹ A muller aprenda en paz en toda suxeición. ¹² Pero non permito á muller ensinar nen exercer autoridade sobre o marido, senón que viva quedamente. ¹³ Porque Adán foi formado o primeiro, e por conseguinte Eva. ¹⁴ E Adán non foi enganado, pero a muller sendo enganada, caeu en transgresión. ¹⁵ Pero librarase tendo fillos, se perseveran na fe o amor e a santidade con sobriedade.