Capítulo 1

1 O que era dende o principio, o que temos oido, o que vimos cos nosos propios ollos, aquelo que contemplamos e palparon as nosas mans, a Palabra que da vida; 2 porque a vida manifestouse e nos vímola e damos testemuña dela, asi anunciamosvola a vos: a vida eterna que estaba co Pai e chegou a nos. 3 O que temos visto e oido anunciámosvolo a vos, para que tamén vos teñades comunión connosco, e a nosa comuión verdadeiramente é co Pai e co seu Fillo, Xesús o Mesías. 4 Escribímosvos estas cousas para que a vosa alegría sexa cumprida. 5 Esta é a mensaxe que temos oido del e que vos anunciamos: Deus é luz, e nel non hai tebras. 6 Se dicimos que temos comunión con él e andamos nas tebras, mentimos e non practicamos a verdade. 7 Mais se andamos en Luz, coma él está na Luz, temos comunión uns cos outros e o sangue de Xesús, o seu Fillo límpanos de todo pecado. 8 Se dicimos que non temos pecado, enganámonos a nos mesmos e a verdade non está connosco. 9 Se confesamos os nosos pecados, Él é fiel e xusto para perdoar os nosos pecados e limparnos de toda maldade. 10 Se dicimos que non pecamos, estamos facendo a Deus mentiroso e a sua Palabra non está en nos.