¹ Agora ben, en canto á ofrenda para os irmáns, facede vos tamén como lle dixen ás igrexas de Galacia: ² cada primeiro día da semana, cada un de vos aparte algo, aforrando daquelo que teña gañado, para que cando eu vaia, non haxa que facer colectas. ³ E, cando chegue,, a aqueles que vos aprovedes, mandarei con cartas para levaren a expresión da vosa bondade ás igrexas de Xerusalén. ⁴ E se paga a pena que vaia eu tamén, eles virán conmigo. ⁵ Irei onda vos cando atravese Macedonia, pois preciso pasar por Macedonia. ⁶ Pode ser que me quede convosco, se cadra todo o inverno, para que me axudedes na viaxe onde teña que ir. ⁷ Pero non quero vervos so de pasada, pois se o Señor o permite, quero quedar algún tempo convosco. ⁸ Polo de agora, quedarei en Éfeso ata Pentecostés. ⁹ pois abríuseme unha porta grande e frutífera, ainda que hai moitos que están a poñer atrancos. ¹⁰ Cando chegue Timoteo, mirade que esté convosco sen problemas, porque él traballa na obra do Señor coma min. ¹¹ Polo tanto, que ninguén o teña en pouco, ó contrario, axudádelo na viaxe para que volva a min cheo de paz, porque estou agardándoo con os irmáns. ¹² Por outra banda, a Apolos pedínlle moito que fora con os irmáns a vervos. Mais de ningún xeito tiña o desexo de ir polo de agora; pero irá vervos en canto teña oportunidade. ¹³ Vixiade, estade firmes na fe, portadevos dun xeito valente, sede fortes. ¹⁴ Facede todas as cousas con amor. ¹⁵ Pídovos irmáns (como sabedes dos da casa de Estéfanas, os primeiros convertidos de Acaia que se adicaron a servir ós irmáns) ¹⁶ que vos poñades á disposición de eles e de todos os que traballan e sirven ós demais. ¹⁷ Estpu moi alegre coa visita de Estéfanas, de Fortunato e de Acaio, pois axudáronme a vencer a morriña que tiña por vos. ¹⁸ Refrescaron o meu espírito e mailo voso; dádelle valor sempre a persoas asi. ¹⁹ Mándanvos recordos as igrexas de Asia. Saúdanvos con moito agarimo no Señor tanto Aquila como Priscila, do mesmo xeito que a igrexa que está na súa casa. ²⁰ Saúdanvos todos os irmáns. Saudádeos uns os outros con un bico santo. ²¹ Eu Paulo, vos saúdo escrivindovos coa miña propia man. ²² Se algún non ama ó Señor, sexa maldito! ²³ O Señor ven! A gracia do Señor Xesús sexa convosco. ²⁴ O meu amor sexa con todos vós en Xesús, o Mesías.