¹ 1. “Tiɛ̈ŋkë, Bënydit nɔŋ Riɛr ajam, Ɣɛn kɔr ba dulëŋ dië tuɔc ku bë dhël dië lɔ juir. Ku Bënydit mɛn yenë yakë kɔɔr abë në Yakalu de yic tëcën anieu de nyin. Dulëŋ yenë yakë kɔɔr ba tïŋ abë bën ku ka bë määt dië bën lëëk week.

² 2. Ku yeŋa bë guɔ̈m lëu tëlen bën wadë? Yeŋa bë poth tëlen tuɔ̈l? Abë ciët athabun rir, ku cït mac yenë luɔ̈ŋ dɛ̈ɛ̈p të looi ë keek.

³ 3. Abë bën luk cït mɛn de ran ye luɔ̈ŋ nyop ku biöör luɔ̈ŋ lɔ riau-riau. Cït mɛn yenë ran de lon ë luɔ̈ŋ ye kä lɔ riau-riau ku jäl ya wënh-jene dɛ̈ɛ̈p, yenë ke dëëp benë Bënydit dulëŋ ben kɔc dïïr ëkëke Nhialic dɛ̈ɛ̈p, agoo kë Bënydit ya yën miɔ̈i lɔjim. ⁴ 4. Ku ke miɔ̈I bë kɔc ke Juda ku Joruthelem ya bëi tënɔŋ Bënydit abë ya kë lɔyum tënë yen, cï mɛn në yenë kek ye looi thɛɛr.

⁵ 5. Acï Bënydit nɔŋ Riɛr lueel, “Ɣɛn bë tuɔ̈l në we yic në luk, ku ɣɛn bë naŋ lëk rac tënë kɔc ke londe tïït, ku aguëëi, ku kɔc wën ye lëk në lueth, ku kɔc wën ë kɔc kuël në ɣön ke loi-looi yic në baŋ de ariɔ̈u, ku kɔc wën ë diär jɔɔk yɔŋ, ku miith abɛɛr, ku alɛ̈ɛ̈i, ku tënë kɔc wën ce ɣɛn ë riɛ̈u. ⁶ 6. Ɣɛn në Bënydit, ku ɣɛn ce rɔt ë waar. Ku week ëya, kuɛt ke Jakob, we kën määr liŋ-liŋ.

⁷ 7. Week, cïër kë kuar kuɔ̈n ɣɔn në nhïïm, mɛn ɣɔn cë yei wei në lööŋ cië yic ku cï kë kek muk. Dhukë röt tënɔŋ ɣɛn, ku ɣɛn bë rɔt dhuɔ̈k week. Ku we ye bɛɛr thëï, ‘Yeŋö buku loi kë bë wuɔk cɔ dhuk tënɔŋ yïn?’ ⁸ 8. Week ya keek thëëc, piɛth bë ran Nhialic peec? Acë rɔt lëu, ku dhiac kë ke we kuël ɣɛn. ‘Edë?’ ayäkë thëëc. Në biäk de thiër ku kë yake miac.

⁹ 9. We cïke waai wedhia në kë cennë baai ɣɛn kuël ëbën. ¹⁰ 10. Bëikë cin de thiër ëë bën pande Yakoba, ku bë ya naŋ kë juïc cam keek ye tɔ̈ Paan de Nhialic. Thɛɛmkë ɣɛn ku ka ba tïŋ lanadë ke ɣɛn liep adheer ke pan nhial ku ba we wäl këpiɛth ëbën tënɔŋ week.

¹¹ 11. Ɣɛn bë kääm gɛlwei kälke bë mïïth kuɔ̈n bë riɔ̈k, ku tiim kuɔ̈n ye luɔk abë lɔ nuk-nuk ke cï thiäŋ në kuëëi.

¹² 12. Ku kɔc ke piny kɔ̈k abë we ya cɔl ka cï thiei, në kë benë piny duɔ̈n ya piny piɛth de ceŋ. ¹³ 13. “We cë ɣɛn lëk kärac arët,” eekë luel Bënydit. “Ku we ye jam, ‘Yeŋö cu luɔ̈i yïn?’

¹⁴ 14. Acäkë luel, ‘ee ya ciɛɛlic të benë Nhialic luɔ̈i. Yeŋö ëë luɔi de të benë ya luui në kë cë luel ka të yenë ye them bë lëk Bënydit nɔŋ Riɛr lanadë ke wɔ ca wäc loi?

¹⁵ 15. Cï të cenë wuɔk ye tïëŋ thïn, kɔc wën ëë nhïïm lɛɛc keek ka lɔ piɔ̈th yum. Kɔc ke jɔk akën bäny abac, ku ka Nhialic them piɔ̈u në luɔi denë rëëc ku lipkë röt wei. ¹⁶ 16. Go kɔc wën ye riɔ̈c në Bënydit jäl jam në röt, ku Bënydit apïŋ në ka yïkë keek lueel. Në tändë yic, anɔŋ kërë cï gär piny në athööric gëërë tënɔŋ kɔc wën ye riɔ̈c në Bënydit ku yikë rinke Bënydit riëu. ¹⁷ 17. “Abë ya kɔc cië,” ee jam de Bënydit nɔŋ Riɛr. “Në köl banë kakë loi, abë ya kɔc adöi cië. Ɣɛn bë piɔ̈u ya käc në keek cë mɛn yenë kɔc dïr piɔ̈th käc në mith ken mɛn në ke luɔ̈i.

¹⁸ 18. Kunëya ke kɔc cië abë wɔ̈ɔ̈c den tïŋ në kaam de kë bë rɔt loi tënɔŋ kɔc lɔjik ku kɔc ye luui në raac, ku tënɔŋ ran ë ɣɛn luɔ̈i ku ran cie luui.”