2 2. We bë ɣɛn dhil ya nhoom në kë yakë looi. Të cï we ye piŋ në kë ya lueel, ke ɣɛn ba ciɛn bëi tënɔŋ week. Ɣɛn ba ciɛn tääu në ka kuɔ̈n ë we kony yic. Ë jik, ɣɛn caa ciɛn tääu wën thɛɛr në ke yic, në kë cï week lɔ̈ŋ cië ë lööm ëke ye yith. 3 3. Mïïthkuɔ̈n aba waai ku raath we nyïïn në wɛ̈ɛ̈r kë lai yakë këëk miac, ku we ba kë laar biyi të de abuth dë wɛ̈ɛ̈r.
4 4. Ku ka ya nyic ke lööŋkë aca yiɛ̈n week ku lööŋ cië te nɔŋ kɔc dit ke ka nhialic, kuan de lebi, aci bë kɔn tem. 5 5. Në maatdië wuɔnë keek acä lɛk pïïr ku cieŋ yum, ku ke cä yiɛn keek ekë, agö ke ɣɛn ya riɛu. Në akaal ɣɔn akëëk cï ɣɛn e riɛu ku ci ye riɔc në ɣɛn.
6 6. Ake ye piöc në kë ye yic, ku cïn lueth yikï piöc. Ake ye cieŋ në döör kenë ɣɛn; ace këpiɛth yene yikï looi yetok, ake ye kɔc kɔ̈k kony bï luɔi de rëëc puɔ̈l.
7 7. Ee ya luɔi de kɔc dïr ëkäke Nhialic bï ya piöc në yii nɔŋ adönde Nhialic. Kɔc abï dhil ya lɔ tënɔŋ keek bë ke ya lɔ piɔ̈c në luɔɔi dië, ku bï ya dulëëk ke Bënydit Yakoba nɔŋ Riɛr ëbën. 8 8. Ku mɛnë tënɔŋ week we dupiöc ëkäke Nhialic we cë yɛi në kuer rac. Piöc duɔ̈n ee ran gäk cɔ looi rëëc. We cë lööŋ ëë ke cu keek lueel wɔnnë week acake dhoŋ kɔ̈th.
9 9. Ke Ɣɛn, kë banne dhuk, Ɣɛn bë kɔc kë Yitirɛɛl cɔ ɣoi we piny në yaaŋ në kë cennë week lööŋ cië ye riëu, ku të piöc week kɔc cië, we ce ran ëbën ëë cɔ thöŋ në baŋ de lööŋ 10 10. Cuku ye miith ke monytök mɛn ye wuɔ̈da? Ci Nhialiny tök yenë ke wuɔk? Ke ye kë cïr ŋö yenë wuɔk ka cuke dhoŋ kɔ̈th tënë ŋɛk ke mänhë, ku yeŋö yenë wuɔk mään cïï Nhialic looi ɣɔn thɛɛr kennë kuarkuɔ kuɔ̈i tïŋ?
11 11. Kɔc ke pan de Judai acë lööŋ ke Nhialic ëke cïï keek gam dhoŋ kɔ̈ɔ̈th ku looi kë pan de Joruthelem ku agut cë bai ëbën në Yithirɛɛl. Acë Yakalu de Bënydit riɔ̈k mɛn në nhiɛɛr. Ku kɔc acë diär thiak mɛn ye duur në nhiëlic ka alɛɛi.
12 12. Në ëë ke bïï Bënydit ke nyaai në kuan de Yithirɛɛlic ke kɔc ye luui në ye kakë, ku cëkë bë bɛɛr ya biäk de kë yeke miac yïï paanda ke bëi tënɔŋ Bënydit nɔŋ Riɛɛr 13 13. Dë yakë looi ëkë: we ye kän de köi de Yakoba Bënydit buɔ̈r në piu ke nyïn kuɔ̈n, dhïïu ku duɔt arët yenë ka cenë miɔ̈c duɔ̈n yakë bëëi tënɔŋ yen ëbɛr gam 14 14. Ku ka yakë thëëc yeŋö cen keek bɛɛr ya jäi. Yeen anyic week ke we cï lööŋ ke cäkek gam dhoŋ kɔ̈th në tiŋ ca thiaak ke yïn ye ranthii. Ee ye dukunydu, ku këërë ca lueel aca dhoŋ kɔ̈u tëneɔŋ yen, të cïn ne cak lueel në Nhialic nom ke yïn bë tɔ̈ wenë yeen.
15 15. Kën Nhialic we looi ke we ye guɔ̈p tök ku wëëi töök wenë yeen? Yeŋö jël ya luɔi de në ye kënë yic? Eba naaŋ miith bë ya kɔc adöi ke Nhialic. Ke yakë nyic apiɛth bë ciën ran töŋ de week dhoŋ lööŋ kɔ̈th tënɔŋ tiŋ den cï thiak në rɛɛm du yic.
16 16. “Ɣɛn man pääl de yi tik ke moc,” acï Bënydit Nhialiny de Yithirɛɛl lueel. “Yeen amaan tënɔŋ ran töŋ de week loi ëkë rɛɛc cïr ëkënë tënɔŋ tiŋ de. Abä ya nyic lanadë ke bë ciën ran dhoŋ lööŋ kɔ̈u tënë tiŋ de.” 17 17. We cë Nhialic cɔ dhär në jam duɔ̈n. Ku aŋuɔt ke yakë thëëc, “Cuku cɔ dhär ëdë?” Në kë yakë lueel, “aye Bënydit nɔŋ Riɛɛr takic ke kɔc ke luɔi de jarac apiɛth; në nyin ë yii anhiɛr keek.” Ka kë yakë, “Tɔ̈ Nhialic tëno mɛn yenë ye kë bë cɔk lɔwai?”