2 2. Bënydit e kɔc ke yiɔ̈k, “we ya ke nhiar në nyindhia.” Go kë dhuk, “Ye nhiër du nyuɔ̈th wuɔk ëdë?” Go Bënydit lëk keek, “Ithau ku Jakob aa ke ye ŋɛk ke mänhë, guɔ Jakob nhiaar kenë kuɛt ke,
3 3. Ku maan Ithau kenë kuɛt ke. Ɣɛn cï pan den tɔ̈ në kurnhïïm yiën riäŋ dit, ku lɔɔi piny de ke ye të benë baŋbɛɛr ya ceŋ thïn.” 4 4. Të jɛɛmë kuan de Ithau, ke Idomai, “bëi kuɔ acï kek riɔ̈k ku ka buk ke bɛr yïïk. Go Bënydit dhuk jɛm, “cakë ke yïkë kek ku ka ba dhiɛc ke rɛtic piny. abë keek ya cɔl pan de rëëc’ ku ‘pan cenë Bënydit piɔ̈u riäk athɛɛr.’”
5 5. Kɔc ke Yithirɛɛl abë kënë tïŋ në nyin ken, ku lueel, “BËNYDIT anɔŋ riɛr agut cë ɣän kök cë tɔ̈ piny de Yithirɛɛl. 6 6. Acë Bënydit nɔŋ Riɛr lëk kɔc dïr ë këk ke Nhialic, “we miith ayë kɔc dïr ken nhoom, ku aluɛ ayë bäny ken nhoom. Ɣɛn në wurdun, yeŋö cï wek ɣɛn ë nhoom? Ɣɛn në Bëny duɔ̈n, yeŋö cï wek ɣɛn ë riëu? We dhël ɣɛn, ku we ye bɛɛ thëi, ‘ye dhël ku yïn wuudë?’
7 7. Ëkënë, ye ke gɛɛm yenë mïïthrac gam në kändiën në köc nom. Ku bɛɛr kë thëi, ‘yuku yïn cïë rëëu wuudë?’ Aba lëk week, aba ya nyuɔ̈th week në köi yakë gaam në agendië nom 8 8. Të ye week lääi cë cɔɔr, ku kä beec, ku kä cë ŋɔɔl bë näk ka, ya kë yök ke cënkë cï rɔt wɔ̈ɔ̈c? Thɛm kë ba län cït ëkënë yiën bënydit de baai! Lanadë ke bë piɔ̈u lɔyum të në week ka na dë ke nɔŋ kë piɛth bë luöi week?”
9 9. Ë mɛnë, week kɔc dïr ë këk ke Nhialic, thɛmkë bakë Nhialic thëëc bë piath tënɔŋ week. Acë lɔ̈ŋ duɔ̈n bë gam, ku kabë ya awäny duɔ̈n. 10 10. Bënydit nɔŋ Riɛr ajam, “në ran töŋ de week cë yakalu thiëk thok ku bë we gëlwei në kunyde many rac në kändiën në köcnhom. Ɣɛn cë piɔ̈u mit tënɔŋ week; ɣɛn cë köc yakë yïn ɣɛɛn bë gam.
11 11. Kɔc ke piny thar ku piny kɔ̈k aye ɣɛn nhoom. Në piny thok ëbën aye wɛlnyir nyop ku gɛɛm kë köi lɔjik. Ku kek kedhia aye ɣɛn nhoom!
12 12. Ku we cee ɣɛn ë nhoom, të yï week ye lueel kändiën ë köc acë piɛth ku të yë week miith rac miac në kändiën köcnhom. 13 13. We ye jam, ‘wɔ cï dak në ye kënë!’ ku yakë dɔl tënë ɣɛn. Cë mɛn ye week miɔ̈i bɛ̈i tënɔŋ ɣɛn miɔ̈i de läi yakë ke kual, ku ka cë ŋɔɔl ku ka bec. Yakë ta lëu ba ke gam tënɔŋ week?
14 14. We bëke ceen we kɔi ye ɣa miɔc në këke kual kek, ku we nɔŋ läi piɛth në biöŋ duɔ̈n ëke ca kek ke lueel ba ke gam ɣɛn! Në kë yan Mëlëŋdit, ku juɔ̈ɔ̈r ëbën aye riɔ̈c në ɣɛn.