2 2. Pïëŋ kë, dhuɔŋ de acicui, aruɔ̈ɔ̈p de ajɔ̈ɔ̈ŋköör ku miööt de riëth ka jɔ̈ɔ̈ŋköör! 3 3. Rɛɛm ke Kalbarï acï tɔŋ jöt thïn, tɔɔŋ aye lɔ bërët, ku biɛth aye yuil ëbalany! Gup ke kɔc cë thou acï ke kuɔ̈ɔ̈t nhïïm arëët, ku gup cï thou cëke lëu në kuën, aa yenë kɔc ke kɔ̈th në kek!
4 4. Ninabe tiɛŋ abal ë kuɛth kɔr në bɛɛl adui. Go ya tuëëk yen kɔc tuäk ku thɛ̈ɛ̈th de thuɔɔu, aa yen juäc lööm ku luɛɛk keek. 5 5. Kë cï Bënydit de Rɛm lueel ëkë, “Yin ba waai, Ninabe! Ɣɛn bë biɔŋ ku nyaai në yï kɔ̈u, ajuɔ̈ɔ̈r ëbën abë daai në yin, abë daai në ayäär në gup du.
6 6. Ɣɛn bë dhëëŋ du nyaai ku yin ba riɔ̈k guɔ̈p. Kɔc bë yin ya tïŋ në kërac ayin bë yäär.
7 7. Kɔc kedhia bë yin ya tïŋ abë röt ya miɛt ciën në yin. Abïï ya lueel, “Ninabe atɔ̈ në riäkic! Yeŋa lëu bë nyin kuany në yen? Yeŋa kɔɔr bë yen duut piɔ̈u?” 8 8. Ninabe, yï rɔt yiök ke yin thiekic awër Thebeth, Pan tɔ̈ në Yijip? Anɔŋ wëër ëye gël cë mɛn de päny---Kiir yennë ke ye gël.
9 9. Acë pan de Ithiopya ku Yijip mac, riɛl de ee cïn ne thokꓼ ku Libya eye mëëthë de. 10 10. Ku kɔc ke Thebeth aa ke cë keek peec, abi lɔ tɔ̈ në pëëcic. Ku miith ken aake ye kek nök në kuɛɛric ku në kɛm ke dhöl abïï thou. Ku kɔc dït ken aa kee yeke rek cök në lɔ̈ŋ, ku tëëk ë kek yic ca juiir de dupëëc.
11 11. Ninabe, yin bë yuëëk ë miɔ̈l de rëëcic! Ku yin ëya yin bë rɔt ya them në kuɛlwei tënë kɔc ka ater du. 12 12. Ka kuun ke gël ëbën abë ciët tiim ke ŋap cï luɔkꓽ yër tiim, ku bë kë luɔk nyiɛc dac löny në yï thok!
13 13. Tïŋ rem duun de tɔŋ acë ciën riɛr kedhia, ku pan du acë ciën kë gëlen të nɔŋ kɔc ka ater. Mac abë mëën riɔ̈k në thookic kedhia. 14 14. Gɛm kë piu ku nuai kë tiɔp, ku cuëc kë ku cakë tït, ku cakë gël rir.
15 15. Na cakë ŋö looi ke we bë dhiɛc ke we nyop kek abäk thou ka nëk week tɔŋ. We bë kek nyaai cï mɛn de rɛɛp ci kɔriɔm ke cam. We cë rööth dhïïth cë mɛn de kɔriɔm! 16 16. Yin cë rɔt thiɔ̈ŋ në kɔc ke ɣööc awërkë kuɛl nhial! Ku mɛnë abë jääl cë mɛn de kɔriɔm cë pëërwei.
17 17. Bäny kuɔ̈n acït duundït de kɔriɔm mɛn ye tɔ̈ në päny kɔ̈u në köl cïï piny liɛɛr. Ku na ca aköl ruɛr, ëka ye pëërwei abë ciën ran nyic të cï kek lɔ thin! 18 18. Mëlëŋdit de Athirya, bäny ku acï thou, acï nin agut athɛɛr! Ku kɔc acï thïëï në kurnhïïm ku ka cïn ran mat ke yic.
19 19. Tëtöök ku acën kë bë keek nyai, ku ka cën kë bë kan dɛɛm taitai. Ku kɔc ye riäŋ du piŋ aye ke cin maŋ në miɛt de piɔ̈u. Nɔŋ ran tɔ̈ŋ cï rɔt kualwei në til duun cee thöök?