¹ 1. Ninabe, yin mook ë piny! Riɛr wën bë yin thäiwei ebën. Gël ɣän kuunke tɔŋ! Tit kuɛɛric! Juir në tɔŋ bɔ̈!

² 2. “Bënydit abë nhuɔmde kɔc ke Ithrɛɛl dhuɔ̈k kek, cï mɛn ɣɔn cï kɔc ka ater den ke rum.” ³ 3. Ku kööt ke rem de tɔŋ de kɔc kaater du yinNinabe ake giit në kë thiith, ku ka ceŋ alëëth thiith. Acï röth juiir bikë tɔŋ jöt! Ku ajööŋköör thel riëth ke tɔŋ alɔ riau-riau cï mɛnde mac! Ku tɔŋ ke thöör aa met ëke yic.

⁴ 4. Athel ëke tɔŋ, aye alɔ ciɛ̈n ku lekë tueŋ në pänydït ë bai yic. Aye lɔ riau cï matärya ku lekë bërët ci yuil de deŋ. ⁵ 5. Bäny ake cɔlꓼ go kë kɔ̈th në cänh den yic. Go kɔc ka ater kɛr në pänykɔ̈u ku tëëu kë kööt ken ke gël. ⁶ 6. Go thook ke ciir röt ŋaany arëëtꓼ go paan de Bëny thiäŋ ëë riɔ̈c dit arëët.

⁷ 7. Tiɛŋ Mëlëk acï dɔmꓼ go nyiir aluɛkke duɔɔt cï mɛn de kure ku määk ëke thin në dhïn de piɔ̈u. ⁸ 8. Cë piiu bɔ̈ bei në awuɔ̈l cï riääkic go kɔc dɔc bën në Ninabe! “Käckë! Käckë!” Go dhïu yic bën---ku cïn ran liec ciën.

⁹ 9. Go kë kä lɔ riau-riau ku wënh-gene kualꓼ ku ke paan ëcï thiäŋ në kapiɛth.

¹⁰ 10. Ninabe e riɔɔk, ee waanic, ku ee gɔ̈ɔ̈ric! Go piɔ̈ɔ̈th lath në riɔ̈ɔ̈cꓼ ku lath ëke nhiɔl, riɛr ee jääl, ku wel ëke yïn. ¹¹ 11. Paandit wäär cït ɣön de kɔ̈ɔ̈r ëko, të wäär ye miith ke kɔ̈ɔ̈r cääm cin ëko, bë thɔn ë köör ku ŋunde köör lɔ no ku bë miith ken thian ëno?

¹² 12. Go köör län de nök ku thoor ku yin tiŋ de ku miith keꓼ ku thiɛŋ ɣonde ne riiŋ lɔ thithor ¹³ 13. “ɣɛn ë raan de ater du!” acï Bënydit nɔŋ Riɛɛr lueel. “Ɣɛn bë riëth kuɔ̈n ka jöŋköör nyop. Rɛm kuɔ̈n ke thöör abë ke nök ë tɔŋic, ku Ɣɛn bë këŋ nyaai kë cake jɔt të nɔŋ kɔc kɔ̈k. Ku kä yï Bäny kuɔ̈n ke thïëc aci ke beer ëke piŋ.”