¹ 1. Kënë e lëk dë Ninabe. Në kitap de nyooth cennë Nhuomi nyuɔth kë dit de gäi yen tɔ pan cɔl Alkothai. ² 2. Bënydit ee Nhialic matil, e kɔc reecen luɔ̈i kërac. Bënydit ee göth, në göth de yic, ekë de dhuknhom.

³ 3. Bënydit ace dac ɣɔ̈k, ku ka riil arëët ku ka ce kɔc ka awëec ye puɔ̈l ke kënke luɔ̈i kërac. Të yenë Bënydit tëëk, amäk röth jat nhialꓼ piɔl ayë röth jat nhial cï tɔɔr në cöke yic. ⁴ 4. Ee baar rër abi lɔdïu, ku cïïr kedhia, ku biöör kek në alëëth. Duum ke Bacan aye biɔŋ, Ku wel Kur de Karmel rɔt ke ye maaliik, ku löny gaak de Labenon wei.

⁵ 5. Kur aye röth met në tää de Bënyditꓼ ku lɛ̈ɛ̈ŋ kur kor në ye Nhom. Ee piny met në tuöl deꓼ Kɔc ceŋ pinynhom aye ke lath ëë ya. ⁶ 6. Ku na cï ɣɔ̈k ke yeŋa lëu bë döŋ? Ku na cï ɣɔ̈k, yeŋa lëu bë poth në ɣɔ̈k de yic? Ɣɔ̈k de ee bën piny cië mɛn de macꓼ kur aye röth thoor në ye nhom. ⁷ 7. Bënydit apiɛth, Ee kɔc ke gël na köl ke rɛ̈ɛ̈c, Ee nyin tïït në kɔc röth wëleen.

⁸ 8. Cï mɛɛn aboor ditꓼ yenë ke tää ben kɔc kater de riök. Ku tuc ke thuɔɔu ke kɔc ëye rɛɛc. ⁹ 9. Yekë rɛɛc yindë tääk kë Bënydit? Abï we riɔ̈k. Acën ran ëye rɛɛc naa rou.

¹⁰ 10. Naa cakë röth duut cï roŋ de kou, ku cïët kë kɔc cë miɔ̈l ëëka bë we nyuɔp piny ciä yai.

¹¹ 11. Tënɔŋ yin Ninabe, anɔŋ raan cï bën cï guɔ̈p thiäŋ në rɛ̈ɛ̈c, yenë ke tɛ̈ɛ̈k Bënydit rɛ̈ɛ̈c. ¹² 12. Kë yïï Bënydit lëëk kɔc ken ke Ithɛɛl ëkë, naa cak kɔc ka Athiria bɛriɛr, ëëka ba keek nyaainyin abïk liu. Kɔc cië, we ca cɔk gum, ku acä bi bɛr luɔ̈i wek.

¹³ 13. Në ye mɛɛnë ke riɛr da Athiriɛn aba nyaai në we yïth, ku dhuɔŋ luöŋ ëke cenë ke week duut köth. ¹⁴ 14. Löŋ cï Bënydit luel ëkë tënɔŋ kɔc ka Athiriɛnꓽ “Abë ciën kuɛɛt bï rin ken lɛɛr tueŋ, Ɣɛn bï jakrac tɔ̈ në luɛ̈k ken yic riɔ̈k. Ɣɛn juir rɛ̈ŋ ka Athiriɛn, acï lëu bikë pïïr!” ¹⁵ 15. Tiëŋkë, dutuc abɔ̈ në kur nhom kenë wël piɛth! Yen atɔ̈ kueer ke bï tiɛ̈m caal! Kɔc ke Juda, luɔikë yai de miɛt de piɔ̈u, luɔikɛ̈ kë ɣɔn cenë wek mɛ̈l kuɛ̈ŋ. Kɔc rac acï piny duɔ̈n bï bɛɛr lööm, acï ke riɔ̈k taitai.