2 2. Piɛ̈ŋkë, we kur ëbën, në guɛl de Yakoba, yin thööny de pinynom ye tɔ̈ athɛɛr. Në kë nɔŋ ë Yakoba luk kenë kɔc ke, ku abë tɔŋ looi në lukic kenë Yithirɛɛl. 3 3. Kɔc cië, yeŋö ca luɔ̈i week? Ca we cɔk nuan në ŋö? Bëërkë ɣɛn!
4 4. Në kë can wek bëi bei piny de Yijip ku kuɔny we bii ɣön de luɛɛk. Ɣɛn cë Motheth tui week, ken Arun ku jël ya Mariɛm.
5 5. Kɔc cië, takë we nhiim në këë cï Balak Mëlëŋ de Mob täk week, ku kë cë Baläm wën de Biör lëk keen në lɔ duɔ̈nic Citim piny de Gïlgäl, në ye kënë ke week lëu bakë luɔi piɛth de Yakoba ya nyic. 6 6. Ye kë cïr ŋö ba yiën Yakoba, cë mɛn yan na nhiɔl tuk të bän yien bën door ë Nhialic nhial? Ye ba ya bën të nɔŋ yien wuɔnë köi cï nyop, ca akälë woŋ cë kuɔ̈r apiɛth nɔŋ run tök?
7 7. Bë Yakoba piɔ̈u lɔyum në biänabur ke nyök amɛ̈ɛ̈l, ka ye biänabur thiër de cïïr ke miök? Ka ye ba kaai dië gaam në rëëc dië, miëth de guɔ̈p dië në rëëc de wëi cië?
8 8. Acë we lëk, kɔc, yeŋö piɛth, ku yeŋö kɔr Yakoba tënë yin: Luɔ̈i yë në awai yic, nhiar kë piɛth, ku cathë në kuurde piɔ̈u wenë Nhialinydu. 9 9. Rör de Yakoba anɔŋ kë ciɛl baai, agut ce mɛnë apiɛth bë ran nyic kɛ̈ŋ ya riɔ̈c në rin ke Bënydit: “Piɛŋkë lëc, ku tënɔŋ ran cë yen tääu piny.
10 10. Në ɣöt ke kɔc rac yic keek ya bäny në kuenh de rëëc. Keek ayë them në käke ruëëny, ku ke töŋ de ka mɛɛn Bënydit. 11 11. Lɛ̈u ba ran pääl awäc ëdë ke ye luui në këkë ruëny ku adhuɔm?
12 12. Kɔc kuɔ̈n cë kuɛth aye kɔc ŋɔ̈ŋ yɔŋ ku we ya lueth. 13 13. YeenƔɛn cë rëëc ku riäŋ duɔ̈n gɔl në karɛc kuɔ̈n yakë ke looi.
14 14. We bë cam, ku we cë bë kuɛth ku we bë dhiɛc ke we cɔk. We bë këŋ aya jɔt ku ka cäke bë ya tɔ̈ɔ̈u; ku kë ba ya tɔ̈ɔ̈u abë ke ya riɔ̈k në tɔɔŋ.
15 15. We bë kɔ̈th ya com, ku ka cäke bë ya tem. We bë miök ya dhiim në timic, ku ka ca kë ya luɔɔi. We bë piu ka biɛi ya loi, ku cäke dek. 16 16. Ë kënë abë rɔt looi në kë ye wek rëëc de Mëlëk Omri, kenë wënde, Mëlëk Akab kuany cök. We dhiɛc ke we luui në lɔ̈ŋ kenic, ku kënë aban rëëc bëi tënɔŋ week, ku raan ëbën abë ya dɔl në we. Ku raan ëbën abë we ya ɣoi në dhäl.