3 3. Yenëka, Nhialic Bënydit abë kɔc ke koon, agut akäl benë ke meth dhïïth yen tik mɛn tɔ̈ ke riɔ̈p, ku biäk de wëtamëthke acë dhuk ciën tënë kɔc ke Yithirɛɛl. 4 4. Të len bën, ke yen abë köc ku biök amɛ̈ɛ̈l në riɛɛr de Yakoba, në nhuɔm de rinke Yakoba Nhialiny de. Kek abë döŋ, në akälkë yic abë ya Bënydit rir arët agut cë thök de piny thok ëbën.
5 5. Abë wɔ yiën döör. Ku na lɔ Athiriyai bën në tiɔmda yic, ku të bï kek ëke jöt tɔŋ, ke wɔ bë röt jöt kek në akuut ka abiökic ke dhorou ku bäny ke bët në nhiim. 6 6. Keek abë pan de Athiriyai dɔm në tɔŋ, ku piny de Nimirut në lɔthin denic. Yen abë wɔ kony tënɔŋ Athiriyai, tënë bii kek piny da, ku të bii kek ëke cëëth thïn në akɛɛthkuɔ nyïïn.
7 7. Kɔc diäk ke pan de Jakob bë döŋ abë tɔ në ran gäkic, ku cïtkë thɛ̈ɛ̈c de Yakoba, ku cïkë piu në noon nom, mɛn ce ran ë tit, ku kek ace miith ke raan ëbën ya tiit. 8 8. Kɔc diäk ke pan de Jakob abë tɔ̈ në kuat ke pinynom, në kɔc juëc arët yic, cït mɛn në köör në läi roor yic, kuɔ̈ abë ciët köör tɔ̈ amɛ̈ɛ̈lic. Na yörke yic, ëka biölke piny ku rer ke yic abë ya thuɔr, ku cïn ran kony kek.
9 9. Köŋ du abë jat nhial tënë kɔc kuɔ̈n ka tɛɛr, ku aba keek riɔ̈k ëben. 10 10. “Abë rɔ̈t looi në akäl kɔ̈k kë” ëkënë e jam de Yakoba – “ke ɣɛn bë ajɔ̈ɔ̈ŋköör kuɔ̈n riɔ̈k në we yic ku riëth kuɔ̈n aba kek riɔ̈k aka cë bë liu.
11 11. Ɣɛn bë bëidit kuɔ̈n tɔ̈ pan duɔ̈n riɔ̈k ku ɣän riir kuɔ̈n aba kek wɛɛr piny. 12 12. Ɣɛn bë thëëth riɔ̈k në we thin, ku we bë ciën duthëëth kɔ̈k bë ya cɔ̈ɔ̈r.
13 13. Ɣɛn bë kä ca kek guaŋ në cin kuɔ̈n riɔ̈k ku kur kuɔ̈n ke mëën në we yic. We cë ber duur në luɔi de ran cin.
14 14. Lɔ̈ɔ̈i kuɔ̈n ke Acera cä kek piät aba keek nyuänbei në we yic, ku ɣɛn bë bëi dïr riɔ̈k.
15 15. Ɣɛn bë guur lar bii në riäŋ de piɔ̈u ku ban juäc ëbën cie piŋ riɔ̈k.”