¹ 1. Ëkënë ee wët de Yakoba cë bɛ̈i tënë Maika pan de Morecethai në akäl ke Jotham, Akab ku Ɣëdhëkya, Mëlëëk ke pan de Judai, mɛn ëcï Bënydit nyuɔ̈th në bïäk de Thamaria ku Jeruthelem. ² 2. Piëŋ kë, we Pinynom, ku jël ya kërïëc ëbën ceŋ tiɔp nom. Cakë Bënydit Yakoba ye cäät në rëëc duɔ̈n, Bënydit ajam në yakalu den lɔjikic.

³ 3. Ku Bënydit abɔ bei të den lɔjik ë ceŋꓼ abë bën piny ku cɛth në ɣön thöny nhiim në pinynom.

⁴ 4. Kur kedhia abë lëëŋ në yen cök, ku kur kɔ̈k thöŋröt abë lɛ̈ɛ̈ŋ, cë mɛn de athïn de ciëc në mac nhom, abë ciët mɛnë dhia ë piu cëke wäl piny në thuɔ̈thic. ⁵ Ku ke kakë kedthia abë rɔ̈ɔ̈t looi në kë cenë kɔc ke Yithirɛɛl rëëc looi ku welkë röth wei tënɔŋ Nhialic. Yeŋa bë gɔ̈ në dhuk wei de kɔc ke Yithirɛɛl? Thamarya, Paandit në guɔ̈p de! Yeŋa nɔŋ awäc de rëëc në Juda? Ye tëno yen ye paandit de Judai? Jeuthelem në guɔ̈p de! ⁶ 6. “Go Bënydit jam, “Ɣɛn bë Thamaria looi ke ye akut de rëëc paan lääu nom, abë ya tëde cum de kɔ̈th, ku Ɣɛn bë dör ken wäl në ɣön thuth yic ku pïm de paan den acä bë kum.

⁷ 7. Ɣɛn bë kä cï kek guaŋ kedhia dhoŋ kɔ̈th aka bë thuɔr, ku käken cëke miɔ̈i ɣön de guëëc abë kek nyop në mac kedhia, ku ka ba kek cɔ wan jak rac ken yi këke door. Ëkakë ay yïï Thamaria ke kɔr kedhia ku bë ke miac në köi, ku mɛnë abï kɔc ke kater ke jatwei në yakalu de guëëcic. ⁸ Go Maika Jam, Në ye kënë abän duɔɔt ku ɣɛn bë dhiauꓼ ɣɛn bë cath në acök ku acinꓼ “në kë ban kuui cë mɛn de baŋbɛr ku duɔt cï agumuut.

⁹ 9. Ɣän tëtɔ̈ɔ̈k ke Thamaria acë bë dɛɛm, ku Juda abë gum në dhëlë; riäk acë ɣëët në thook ke Joruthelem në guɔ̈p, të ye kɔc cië ceŋ thïn.”

¹⁰ 10. Duɔ̈kë lëk kɔ kater në Gäth në tiëm cenë wɔ tiamꓼ duɔ̈n kë ke cɔ tïŋ week ke we dhiau. Kɔc ke piny de Beth Lïpïra, nyuɔɔth kë dhïn de piɔ̈th kuɔ̈n ba rɔ̈t leer në abolic. ¹¹ We kɔc ke Capir, lakë në piny ka abakök, ke we cïn kööth alëth ku riɔ̈c de guɔ̈p. Kɔc ceŋ Dhenan acë bë kɔn bën bei paan den. Të piŋ we kɔc ke Bethedhel ëke dhiau, ëka ba ya nyic acïn tëde thian eti.

¹² 12. Kɔc ceŋ piny de Maruth atït në nom cäätic ëke tit kuɔny, në kë cenë Bënydit riäk bëi të thiök ke jeruthelem. ¹³ 13. We kɔc mɛn ceŋ Lacic, tääukë riɛ̈th ka jɔ̈ɔ̈ŋköör. We ye dɔl në rëëc de Yithirɛɛl ku cakë Joruthelem lɔ në rëëcic.

¹⁴ 14. Ku mɛnë, kɔc ke Juda, lëk kë pan de Marutheth Gäth ya wɔ cï puɔ̈k. Mëlëëk ke Yithirɛɛl abë ciën kuɔny bë yɔ̈ɔ̈k pan de Acïdhib. ¹⁵ 15. Kɔc ke Marethath, Bënydit abë week yiën ran ater, abë bëidit kuɔ̈n dɔmꓼ ku nhuɔm de Yithirɛɛl abë lɔ tënë Adulam.

¹⁶ 16. Muɔ̈tkë we nhïïm ku tɛm kë nhim kuɔ̈n wei në nhiëër de miith kuɔ̈n. Cakë rɔ̈t cït kä cë nïïm baar cï mɛn anyijooŋ, në leer benë mïïth kuɔ̈n laar paan abaköök.