2 2. Aye duum lɔc ku rum kë keek; ku nhiar kë ɣöt ku jɔtkë keek. Acïn pan töŋ ka bënyden bë lɔyum. 3 3. Ku cië luɛl de Bënydit, “Ɣɛn loi ajuiir de riäk tënɔŋ week, ku ka cakë bë kɔn lëu në riëi. We bë rɔ̈t yök në anëi yic, ku yen ka cenë week bë bɛɛr ya cath kë we lei we nhïïm arët.
4 4. Në ya käl kë ke ran abë ya ket në diɛt ke riäk tënë week, ku dhiɛu në dhïn de rëëc. Abë ya ket, ‘Wɔ Yithirɛɛl wɔ cï riäk taitai; Yakoba ee miɔ̈i de kɔc cië waaric. Lëu bë nyaai tënɔŋ ɣɛn ëdë? Ee piiny kuɔ miɔ̈i duluum!”’
5 5. Na lɔ akäl kë bën benë ke piny dhuɔ̈k ciën tënɔŋ kɔc, aka bë baŋ bë yiën ran töŋ de week. 6 6. Kɔc piöc në ɣɛn ku luelkë, “duɔnë wɔ piöc. Duɔ̈në kɔn piöc në ye kakë. Nhialic acë wuɔk bë riɔ̈ɔ̈k.
7 7. Yakë tak lanadë ke kɔc ke Yithirɛɛl ake cieen? Cë tïër de Bënydit maar? Bë kakë luɔi ëë jik? Cë ye jam apiɛth tënɔŋ kɔc wën yith looi?”
8 8. Në cände kɔc cië acë röt jat nhial ëke cït kɔc ka ater. Yin dëk naai bei, ku jäläbiyai, tënɔŋ kɔc wën ë bar ëkek kën röt deet, cï mɛn de apuruk lɔdhuk ciën ë tɔɔŋ në kë wën yikë tak ke ye këpiɛth. 9 9. Yïn ëë diär ke kɔc cië kuathwei në ɣöt piɛth ken kë ceŋ; yin cë nhuɔm dië jɔt tënë miith ken athɛɛr.
10 10. Jɔt rɔt ku ɣooc rɔt, ace tënë lëu bin löŋ thïn ëkënë, në kë cen lɔjik; ee riäk në riäŋdit arëët.
11 11. Në lɔ ran bën tënɔŋ yin kenë wëi ke jam de lueth ku töör ku jiɛm, “Ɣɛn bë lëk në yin në biäk de miau ku dëkdit arëët, “ëë lëu kɔc bikë gam ke ye Nebi tënë kɔc kë yic. 12 12. Ku we ba kek määt nhiim ëbën, Pan de Jakob. Ɣɛn bë kɔc diäŋ ke Pan de Yithirɛɛl kuɔtic ë jik. Aba keek bëi kedhia ci mɛn amëël në rɔŋ denic, ci mɛn de amëël tɔ̈ në löökic. Abë naŋ awuɔu dit arët tënë kɔc në juëi den.
13 13. Randɛ̈ bë kek dhuɔ̈ŋ dhël den abë ŋɔ̈ɔ̈r në nhiim tueŋ. Kek abë thok dhoŋ ku lekë biyic; mëlëŋ den abë ŋɔ̈ɔ̈r në nhiim. Ku Yakoba abë tɔ̈ në ke nhiim.