¹ Ndakatambira uya wakaremba pakutenda, ndisina kutonga nzero dzake. ² Munhu umwe unotenda pakuriha tchiro hatcho; umweni, wakaremba, unondoriha zvirimwa. ³ Uya unondoriha zvakawanda ngasa choropodze kuna uya usingarihi; kuna uya usingarihi ngasa tonge uya unoriha, ngokuti Mwari wakamutambira. ⁴ Ndiwe ani iwewe, kuti utonge musenzi womunhu? Pamberi pomufundisi wake unoima kana kuti unombwera.Nokudharo unoramba akaimira, ngokuti Ishe anosimba.kuti amu imise. ⁵ Anhu amweni anorangarira kuti kuno mazuwa amweni anokosha kudharika amweni. Anhu amweni anorangarira kuti mazuwa akaezana. kadha munhu nganatse kubhatisisa panzero dzake. ⁶ Kuno wuya uno nangisisa zuwa unozviitira kuna Ishe, kuno uya unorya kuna Mwari. Kuno uya uriha zvese unozvita etchirumbidza Ishe etchipa kutenda Mwari. ⁷ Nokuti apana pakati penyu unodziraramira, akunazwe unodzifira. ⁸ Kudhai tetchirarama, tiri kuraramira Ishe, kuti tetchifa tirikufira Ishe. Ndizvo kuti kana techirarama kana techifa, tiri waIshe. ⁹ Nokuti tchinangwa itchona, Kirisitu wakafa akamukazve, kuti aite Ishe owakafa pamwepo nowaya aripenye. ¹⁰ Iwewe ngei unotonga hama yako? Uye iwewe ngei uno choropodza hama yako? ngokuti tese titchagara pamberi pokutongwa paMwari. ¹¹ Ngokuti zvakatarwa kuti: Ndinopika kuti maphondo ese atchagodhama pamberi pangu, uye ririmi rese ritchamu namata Mwari". ¹² Munhu wese utchazvidhairira patchake pamberi paMwari. ¹³ Nokudharo ngatisa tongane tega tega; ngondima emweni musaite zviro zvino endesa hama yako kutchitadzo. ¹⁴ Ngokugara makabhatana naIshe Djesu, ndino rugondo kuti apana tchisina kutchena pauri. Kana munhu etchirangarira kuti pano zviro zvisina kutchena, zvinanga zvisikazi kutchena kaari. ¹⁵ Kudhai iwewe ukaita tchiro tchino nyangadza hama yako ngozvaunoriha, Nokudharo iwewe auzi kugarwa ngorudho. Usasiye kuti munhu wakafirwa ndiKirisitu apfeteke ngokudha kozviro zvaunoriha. ¹⁶ Nokudharo usatendere kuti zviya zvaunoti zvakanaka zvokutoresa kushata. ¹⁷ Ngokuti Umambo yokudhenga ausiripi wokuriha kana kuti dhoro, asi yokurarama zvakanaka, uye murugariko norupfaro watino puwa ngo Mwiya mupswene. ¹⁸ Kunouya uno senzera Kirisitu ngomuchobho weneyo unotenderwa naDjesu uye unophasiswa ngowanhu. ¹⁹ Ngatiswake zviro zvorugariko uye zvinowaka umwe no umwe. ²⁰ Usaputse bhasa raMwari ngokudha kozviro zvaunoriha. ²¹ Zwiro zwese zwakatchena, asi zwinozo shatiswa ngomunhu unoryewo unozo bhara kutsweteka. Zwirinani kuramba kuriha nyama, kana kumwa vinyu kana tchiro hatcho tchinga ita kuti ukhonese hama yako. ²² Igai pakati penyu na Mwari izvi zvamunotenda. Wakakomborerwa ndiuya usinga pomerwi pazviro zvano pasiswa. ²³ Kuna uya uno ganagana akando zina kuriha unosungwa, Ngokuti azviripi zvokutenda; uye zvisina kuphasiswa, ngokuti zvisikaui nokutenda tchitadzo.