¹ Munhu wese ngaTeerere atongi akuru, ngokuti akuna utongi, uriyo usizi kutenderwa ndhiMwari, uye kuno utongi uripo uyani wakakandwa ndi Mwari. ² Zwakadharo, ndhiani unoita hacha nowa tongi uri kuita hacha na Mwari; uye kuno awo anoita zwakasiana nawo watchatambira kutongwa pamusoro pawo. ³ Asi atongi aiti zwakachata kuno anhu anoita bhasa rakanaka, asi kuno anoita mabhasa akachata atongi anoitawo zwakachata. Audhi kuitya atongi here? Ita zwakanaka, uye utchaona kutendwa kwako. ⁴ Ngokuti atongi ashandhi a Mwari kuitira kuti zwinake katiri. Asi, ukaita zvakashata, itya, ngokuti aatongi anga twari tsorora pasina tchaitika; asi asendzi aMwari, mushushi kuno aya unoita zvakachata. ⁵ Zwakadharo, unodhikana kuzwa, haiwa ngodhaa yoku nyangazwa, asi ngodhaa yo ndhagariro. ⁶ Zwakadharo, ripawo musoho. Ngokuti atongi ashandi aMwari, wanoshanda nosinba muzwiro izvi zwese. ⁷ Ripa kuno anhu zviro zvaano dhikana: kuno anoripwa musoho, ngaripwe musoho, kuno anodhikana kupaswa ngapaswe, kuno anoremekezwa, ngaremekezwe, kuno anodhikana kuthiiwa, nga thiiwe. ⁸ Usa gare nomagaa nomunhu upi hake, kunza ko rudho ku umwe na umwe. Ngokuti uyani unodha hama yake wato pedza zviri pamutemo. ⁹ Mutemo ndhiwo uyu: " Usa ita upombwe", Usa uraye", " Usabhe", " Usa sirire", uye kuti kuno mutemo umweniwo, zvese zvino gurwa mumaitiro aya: " Idha hama yako madhire aunodzi ita iwewe" . ¹⁰ Rudho ari iti zvakachata kuno umweni wako. Zvakadharo,rudho kuteerera Mutemo. ¹¹ Ngo nyaya ya izvi, iwewe unoiziya nguwa, kuti ino dhiyo nguwa yoku patika muhope. Asi zvino ruponeso redhu riri padhuze kupindhiriza patakatendha poku tanaga. ¹² Usiku waakupera, uye zua raku bhudha. Ngatiendhe, asi, ngatisiye mabhasa opatchi dhima, tipfeke mabhasa opaka djeka. ¹³ Ngati fambe nomaitiro akanaka, tingana mafambire anoizwa masikati; ngatisaite zviro zvisiga dhakadzi kana zvodhoro; ngati sadhe zviro zvakachata; uye noku popotedzana kana godho. ¹⁴ Asi pfekai Ishe Djesu Kirisito, uye musarhise mwuri, pazvido zvawo.