¹ Dzinobvepi hondo no kurwhisana pakati penyu? Idzona adzibvi here muzwidho zwinoita kuti mugare metchi rwihisana ? ² Munodha asi apana tchamunatcho, mouraya noku zonda uye apana zwamunokwanisa, muno pondana noku reketedzana. Hamuna, Ngokuti amukumbiri. ³ Munokumbira asi amu puwhi ngokuti muno shaisha kukumbira, ivzi munozviita mukudha kupfadza zwidho zwenyu. ⁴ Amuzvizi here kuti kuita ushamwari no nyika kuno siyanisana na Mwari? Zwakadharoko ndiani unodha kuita zvo ushamwari no nyika uno gara muwengi wa Mwari. ⁵ Muno rangaridza kuti zwitarwa hapana zwa zwiri kureya, kuti: " Mwari urikuitira shanje, ku mweya waaka kanda mwatiri?" ⁶ Asi Mwari unopa Nyasha huru, saka zwitarwa zwinotsa zweiti: "Mwari unoshora zwito zwo anhu anozvi tutumadza, asi unopasa nyasha kuno anyu anozvi dhodhosa." ⁷ Zwakadharo senzerai Mwari, rambai sathani, uye Mutchazotizwa ndiyena. ⁸ Garai duze na Mwari, na Iyenao utchagarawo paduze nemwi. Karawai nyara dzenyu, atadzi, uye tchenesai mwoyo dzenyu, anhu asikazii zwaarikudha. ⁹ Tsukwarai, gurungutai, noku tchema! Kuseka kwenyu ngaku tchinjire muku gurunguta, uye nomufaro wenyu, nokutsukwara. ¹⁰ Zwidhodhosei pambheri pa Mwari, Uye Iyena utchamu tutumadzai. ¹¹ Musa shaishirane kureketa. Munhu unoreya hama yake nokuitsiura unonga wakuto shaisha mutemo. muka tsiura mutemo munonga maakuzviita atongeri ¹² Umwe bhasi anoita mutemo uye ndiye mutongeri. Ndiye bhasi ungakwanisa kuponesa noku putsa. Uri ani iwewe unotongera amweni? ¹³ Purutanai, ndimwi munoti: "Nyamasi kana kuti manguana titchaenda kumuthandha uwo, togaremo gore rimwe, toita zvoku tengueserana uye titcha ita mare yakawanda" ¹⁴ Ndiani unozvizia zvitchadha kuitika mangwana? Uye tchii tchinozwii ndaramo yenyu yamunayo? Muno enzaniswa no makuta ekuti anouya munguwa ishoma ongarangara. ¹⁵ Kunza kweizvi, zvamaidha kuti murekete ndizvo izvi: "Kudhai Mwari akadha, titchararama uye titchaita izwi kana kuti izwo". ¹⁶ Hino munozvi tutumadza nokuita urongwa hwenyu wokugaya. Kuzwi tutumadza kwese kwaka shata. ¹⁷ Uya anokona kuita unatsi usikauiti unanga wakuita tchitema.