¹ Hama dzangu, anhu ashoma ndiwo aidhikwana kuita afundisi. Tinozwiziya kuti isusu, titcha tambira kutongwa kukuru. ² Ngokuti tese isusu tinoshaisha ngomushobho dzakawanda. Kudhai munhu asika shaishi pakureketa, yena ndimunhu mukuru, unokwanisa kudzi onera mwiri wake wese. ³ Kudhai tikasunga nomapote pamuromo dze mbinza kuti dziite zwatirikudha, pakufambanadzo. ⁴ Rangaridzaiwo bhande, ringatoita guru haro retchii hambiswa nokuvuvuta komhepo, asi rino tchapwa ngo tchisimbi tshidhoko kuti mutekenyi aendese kananga etchidha. ⁵ Ngo mushobho umwewo, ririme tshimutezo tshidhoko pamwiri, asi rinozvikudza muzviro zwakawanda. Wonesesai gwasha rino piswa ngo tchigararika tcho moto. ⁶ Ririme ndi umweniwo muriro, nyika youshaishi pakati pomwiri wedhu, unogara pakati pomwiri wedhu dzamara kotswa. No ririme rino piswa mugehena. ⁷ Nokudharo zwinyama zwese zwomushango, shiri, nyoka, nozwisikwa zwese zwomu nvura zwino pfuiwa ngo anhu. ⁸ Asi, ririme apana unokwanisa kuripfuya. Irona rakashata, rakadzara ngomutombo inouraya. ⁹ Noririme, tino rumbidza Ishe wedhu uye Bhabha , no ririme tinokwanisazve kutuka anhu, akaizwa mushiedzaniso na Mwari. ¹⁰ Ngomuromo umwe tinga bvisa masoko okukomborera pamwepo nokutuka. Hama dzangu, zviro izvi azvidhikani zviitike. ¹¹ Zwinoita here kuti mutchimbo mobhudha mvura inotapira pamwepo no ino wawa? ¹² Hama dzangu, zwinoita here kuti muonde ubhereke maorivi? kana kuti? muzambiringa kubhereka mafigo? Mushobho umweo ,tchimbo tcho mvura inorungura atchibvisi mvura inotapira. ¹³ Ndiyani pakati penhu uno ruziyo uye unoprutana? Munhu iyena nga pangidze kufamba kwakanaka ngoma bhasa ake nokuzvi dhodhosa kunobva muriziyo. ¹⁴ Kudhai, uno tshizondo nokusisira mumwoyo dzenyu, musazwi kudze pamwepo nokuzvinyepera kuti muri patchokwadhi. ¹⁵ Iri andiropi ruzio rinobva kudhenga; kunze kwazvo, ngoromunyika, uye ngoro madimoni, risiripi romweya mutswene. ¹⁶ Ngokuti panogodho pamwepo notshizondo, panokureketedzana nomabhasa akashata. ¹⁷ Nokudharo ruziyo rinobva kudhenga tchokutanga raka tchena, kuperepo rino kugarika uye, rakanaka, rakadzikama, rakadzara ngo nyacha Nozwibhereko zvakanaka, no mabhasa aro akanaka. ¹⁸ Uye tshibhereko tchokutendeka tchino simwa murugariko, pakati pe anhu anoita vzerugariko.