¹ Nokudharo, panguwa imweni isusu taka tendenedzwa nomakore makuru wozwapupu, takaranba kurema uye tchitema tchaka reruka tchinotibhata. Ngatigogomei no usisi nokugogma panberi pedhu ² 2uye madziso edhu ngatiagande kuna Djesu, muanbi uye murhi wokutenda kwedhu. paku tchindja ko mufaro wanga wakatapaswa , waka shingirira pamu tchindjikwa, waka shora noku tserudza uye akagara kudhi romoko kwawo matchigaro tcha Mwari. ³ Remekedzai,kuno uya wakashingirira kurwisana no ashaishI, kuitira kuti musarembe nokuswipa moyo ⁴ Amusati ma kwanisa kushingirira dzamara mu ngazi pakurwisana no tchitema; ⁵ uye imwimwi makanganwa gohomedzo, iro ramaka puwa sa ana: "Mwanagu, usa shore mupango wa Ishe, usaswipi moyo kudhay wetchi pangirwa na Ishe". ⁶ Ngekuti Ishe ano ranga unomudha uye anotambira waanodha. ⁷ Shingirai padhambudziko sa mushobho we kupangirwa; Mwari unokubhatai kuita ana, hino ngaupi mwana usika pangirwi na bhabha? ⁸ Asi, kudhai musina mupango, uwo wokuti mwese muripowo, hino munonga muri ana ekunyepa uye musirirpi ana Ake. ⁹ Kunze ka izwi, tanga tino madzi bhabha o'panyama, anoti pangira uya isusu tinoaremekedza. Azviiti here kuti tinyanye kuremekedza Bhabha edhu opamweya kuti tirarame? ¹⁰ Nge dhii rimweni madzi bhabha edhu aiti pangira mu tsiku dzinganani zviya zwaaiona kuti ndizvo. Asi nge dhii rimweni, Mwari anoti pangira mu zwakanaka kwetiri, kuitira kuti tikwanise kupinda muutsweni Wake. ¹¹ Panguwa ino, mupango wese, andiopi unoita kuti tiga taka pfara, asi we kutsukwara. Asi mberiyo unozo bhara mutchero wakanaka, kuno aya anouteerera. ¹² Simbisai kuremba kwe nyara ne maphondo enyu; ¹³ itirai mirenje dzenyu makwanza aka twasama, kuitira kuti wese asikarizii asatsweteke, uye kuti aponeswe. ¹⁴ Teererai runyararo naese kuti atcheneswe, pasina runyararo apana unoona Ishe. ¹⁵ Mhore kuitira kuti pasaoneke unoshoterwa gne nyasha zda Mwari, uye kuti pasaonekwe mudzi wekushatirana, wetchikura, wetchiku kangaidzai dzamara ma pasana no ajinj. ¹⁶ Dziirirai kuti pasaonekwe ushaishi kana kutuka se zwakaita Izau, owo ngo ndawa ye kurhya waka tengesa udhangwe wake. ¹⁷ Ndiyo ndaya, munozwi ziya kuti, mberiyo waizodha kutora makomborero, waka rambwa ngekuti aazi kuwona mbuto yekutchinyukira, kunyangwe wakaedza kutora ne misodzi. ¹⁸ Ngekuti amuzi kuguma pa dhunhu ramakakwanisa kutswasa, pa dhunhu raibhaka muriro, patchidhima, padhima no dhutu; ¹⁹ amuzi kuguma pakurira kwe nyanga, kana ne izwi rinobuya masoko, okuti akarizwa akatchema kuti tchipo apana soko rimweni raakambo bvunzwa. ²⁰ Ngekuti anga asikatcha kwanisi kuita zwaibvunzwa: No tchinyama tchikato tswasa dhunhu tchino furwa nge mapuwe." ²¹ Zwinotiyisa zwakawona Mozesi iyena wakati: ''Ndiri kutya nokutetemera". ²² Asi makaguma pa dhunhu re Siau, thaundi ra Mwari mu penyu, kuDjerusarema roku dhenga no mazana ezvuru zve ngirozi dzetchi pemberera. ²³ Mauya muthembere yo madhangwe akapomberwa mu matenga; kuna Mwari, mutongi wo ese; kuno mweya dzo atseni idzo dzakatenderwa. ²⁴ Mauya kuna Djesu, muonereri we tchitenderano tchitswa, no ngazi yo runako ino reketa zw akanaka kupinda ngazi ya Aberi. ²⁵ Uyai musarambe kuno uya arikumudhaidza. Asi, anhu panyika akaramba kuno uya waipasa kurudziro apana wakakwanisa kupukunyuka, nesuo atipukunyuki, kudhai tikapauka kunoUya urikutipa kurudziro yokudhenga; ²⁶ Uwo wokuti izwi rake rakavundusa nyika. Hino iyena waka gondesa etchiti: "Amusati, nditchavundusazwe, pasiripi bhasi panyika asi nokudhengawo". ²⁷ Mazwi aya: "Andisati" anopangidzira kuvundurwa kwezviro zvakavundurwa izvi, kana kuti, zwiro zwakasikwa, kuti zwirambe zwiri zwisikwavunduswi. ²⁸ Nazwo izwi, pakutambira umambo usikavunduswi, tigare no nyasha, kuti tisenzere Mwari, mumaitiro anodhakadza, mupfaro nokutya. ²⁹ Ngekuti Mwari wedhu imoto unomedza.